კატალონიის რეგიონალურმა ხელისუფლებამ გადაწყვიტა უარი თქვას ნოემბერში დაგეგმილ დამოუკიდებლობის რეფერენდუმის ჩატარაებაზე, იტყობინება ადგილობრივი მედია.მიზეზებზე დღევანდელ პრესკონფერენციაზე გაკეთდება განცხადება. მანამდე ესპანეთის ხელუსფლებამ განაცხადა,რომ 9 ნოემბერს დანიშნული რეფერენდუმი არაკონსტიტუციურია,თუმცა,კატალონიის ხელისუფლებამ პირობა დადო, ომ მაინც ჩაატარებდა რეფერენდუმს.
7,5 მილიონი კატალონიელისთვის დამოუკიდებლობის იდეა განსაკუთრებით პოპულარული ეკონომიკური კრიზისის ფონზე გახდა, რომელიც თავს დაატყდა ესპანეთს.
19 სექტემბერს რეგიონალურმა პარლამენტმა, ხმათა უმრავლესობით, 106 ხმა 28 -ს წინააღმდეგ, მხარი დაუჭირა კატალონიის პრეზიდენტისთვის რეფერენდუმის ჩატარების უფლებამოსილების მინიჭებას.
ესპანეთის მთავრობამ პროტესტი გამოხატა და საკითხის განსახილველად კონსტიტუციური სასამართლო მოიწვია. პროცესი, როგორც ბევრი ფიქრობს ესპანეთში, შესაძლოა წლების განმავლობაში გაგრძელდეს.
კატალონიის ხელისუფლება, რომელიც დამოუკიდელობას უჭერდა მხარს,იმედოვნებდა,რომ კონსტიტუციური სასამართლოს მსვლელობის პერიოდში, რეფერნედუმის ჩატარების შესაძლებლობა მაინც მიეცემოდა.
მასალის გამოყენების პირობები