ახალი ამბები
გარემოვაჭრე, რომელიც პოლიციამ დააკავა 50 ლარით დააჯარიმეს
ზუგდიდში გარემოვაჭრე, რომელიც გუშინ აკრძალულ ადგილას ვაჭრობის გამო დააკავეს და ამის შემდეგ პოლიციის სამმართველოში თვითდაზიანება მიიყენა, რაიონულმა სასამართლომ 50 ლარით დააჯარიმა და სავაჭრო საქონელიც ჩამოართვა. აღნიშნული გადაწყვეტილება მოსამართლე ირაკლი აბშილავამ მხარეთა პოზიციების მოსმენის შემდეგ მიიღო.

სამართალდამცავებმა მარინა ფარულავა ადმინისტრაციული წესით, 153 - ე მესამე პრიმა მუხლის მეორე ნაწილით (ნებართვის გარეშე გარევაჭრობა) დააკავეს. ამასთან, მას სამართალდამცავები 173-ე მუხლის დარღვევასაც ედავებოდნენ, რაც პოლიციელებისთვის წინააღმდეგობის გაწევას და სიტყვიერ შეურაცხყოფას გულისხმობს.

გარემოვაჭრე სასამართლომ  ორივე მუხლში დამნაშავედ ცნო, თუმცა პოლიციისთვის წინააღმდეგობის გაწევის გამო მხოლოდ გაფრთხილება მიიღო, შესაბამისი ნებართვის გარეშე გარევაჭრობისთვის კი 50 ლარით დააჯარიმეს.

საქმის გამომძიებლის ელისო შუაშანიას ინფორმაციით, აკრძალულ ტერიტორიაზე გარევაჭრობის ფაქტის შესახებ  შეტყობინება მერიისგან 28 აგვისტოს მიიღეს.

„მერიისგან მივიღეთ შეტყობინება, რომ მათ მიერ აკრძალულ ტერიტორიაზე გარევაჭრობა მიმდინარეობდა და ითხოვდნენ დახმარებას. გაფრთხილებების მიუხედავად კვლავ განაგრძეს ვაჭრობა. 30 აგვისტოს მარინა ფარულავა არ დაემორჩილა პოლიციელების კანონიერ მოთხოვნას და იძულებული გავხდით დაგვეკავებინა“, - აღნიშნა შუაშანიამ.

რაც შეეხება ფარულავას ის ამბობს, რომ ხვალიდან აქციებს დაიწყებს.

„ან მერიის თანამშრომლები იქნებიან ან ჩვენ. თუ იმ ტერიტორიზე მაღაზიების აშენებას დაუშვებდნენ, ჩვენ რატომ აგვიკრძალეს იქ დგომა“, - თქვა მარინა ფარულავამ პროცესის შემდეგ. 

ზუგდიდის ბაზრის მიმდებარე ტერიტორიაზე გარემოვაჭრე მარინა ფარულავა პოლიციელებმა 30 აგვისტოს დააკავეს. ის ქალაქის სამმართველოს შენობაში 4 საათი იკითხებოდა რა დროსაც მან თვითდაზიანება მიიყენა. მედიკოსებმა თქვეს, რომ მას პირველადი დახმარება გაუწიეს და მისი ჰოსპიტალიზაცია არ იყო საჭირო.

ამავე თემაზე:



ზუგდიდში გარემოვაჭრემ დაკავების შემდეგ თვითდაზიანება მიიყენა
Print Email
FaceBook Twitter
რ ე კ ლ ა მ ა
ზუგდიდის სოფელ კახათის #1 საჯარო სკოლის მოსწავლეები მიმდინარე წლის ზაფხულში გერმანიის, ავსტრიის, თურქეთის, აზერბაიჯანის, სომხეთის და საქართველოს საერთაშორისო ბანაკებში გაემგზავრებიან.
საზოგადოება
პირველკლასელთა რეგისტრაციის ვადები ორ ეტაპად განისაზღვრა.
„ანაკლიის განვითარების კონსორციუმი“ საქართველოს მთავრობის წინააღმდეგ ჟენევაში საარბიტრაჟო დავის დაწყებას აპირებს.
ზუგდიდის ბაღის ლოგოს კონკურში მონაწილეობის მიღება მსურველებს 10 თებერვლიდან შეეძლებათ. საკონკურსო პირობებზე ლოგოს შესარჩევად დაკომპლექტებულმა  სპეციალურმა კომისიამ დღეს იმსჯელა.
ამავე კატეგორიაში
დღის სიახლეები
27 / თებერვალი 2020
{{ARTICLEIMAGE}}რადიო ,,ათინათის'' შუადღის ეთერის სტუმარია თსუ- ს მეოთხე კურსის სტუდენტი, გაეროში საქართველოს ახალგაზრდა წამომადგენელი,  მოყვარული ნუმიზმატი გურამ ბაძაღუა.
27 / თებერვალი 2020
ენგურის ხიდზე მოძრაობა ორივე მიმართულებით შეზღუდულია. როგორც გალელები ამბობენ, ე.წ. გამშვებ პუნქტზე მხოლოდ ოკუპირებულ ტერიტორიაზე სტუმრად მყოფ ადამიანებს და ტურისტებს ატარებენ.
27 / თებერვალი 2020
ზუგდიდში, სააფთიაქო ქსელებში ამ დროისთვის პირბადეების შეძენა შეუძლებელია. როგორც ფარმაცევტები ამბობენ, სამედიცინო ნიღბებზე მოთხოვნა წუხელ, მას შემდეგ გაიზარდა, რაც საქართველოში კორონავირუსის დადასტურებული
მთავარი საინფორმაციო გამოშვება
არქივი
ამინდი
ზუგდიდი 9 °C
img
სოხუმი 13 °C
img
ფოთი 11 °C
img
მესტია -1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.