ბილ გეითსმა ცხენების ფერმა იყიდა, რომელიც რანჩო Paseana-ს სახელწოდებით არის ცნობილი. განთავსებულია 93 ჰექტარის ფართობზე და Microsoft-ის თანადამფუძნებელს ის $18 მლნ დაუჯდა. რანჩო, სან-დიეგოდან 20 წუთის სავალზეა. მის ტერიტორიაზე განთავსებულია იპოდრომი, სასტუმრო სახლი და ოფისი, ასევე ზეთის ხილის ბაღი, 5 საჯინიბო და ვეტერინარის სახლი. ფერმაში ადრე წმინდა სისხლის ცხენები გამოჰყავდათ, მაგრამ 2013 წელს ეს საქმე დაიკეტა და ამჟამად ბილ გეითსის საკუთრებაში არცერთი ცხენი აღარაა. ცხენების ფერმა პირველად გასაყიდად რამდენიმე წლის წინათ გამოიტანეს და მაშინ $30 მლნ-ად იყო შეფასებული. მოგვიანებით გასაყიდი ღირებულება $24.9 მლნ-მდე შემცირდა. მას შემდეგ მრავალი წინადადება იყო ყიდვაზე, თუმცა რანჩოს მფლობელი, „გახდომის გურუ“ ჯენი კრეიგი, ისეთ მყიდველს ეძებდა, რომელიც ზუსტად ცხენების გამოყვანით იქნებოდა დაინტერესებული. საცხენოსნო სპორტით ბილ გეითსის 18 წლის ქალიშვილი, ჯენიფერია გატაცებული და ახალი შენაძენი მამამ შესაძლოა სწორედ ქალიშვილის გამო გააკეთა. The Wall Street Journal