ინფორმაცია ოფიციალურია: სულ მალე გამოქვეყნდება იტალიის სექს-სიმბოლოსა და ცნობილი მსახიობის, სოფი ლორენის მემუარები! “The Guardian”-ის თანახმად, ყველასათვის ცნობილი გახდება ის ამბები, რომლებიც დიდი ხნის განმავლობაში საიდუმლოდ რჩებოდა. აქვე იქნება სოფი ლორენისა და კერი გრანტის ურთიერთობის უცნობი დეტალები. როგორც 80 წლის სოფი ლორენის მონაყოლიდან ვიგებთ, ამ უკანასკნელმა “სიამაყე და ვნების” გადაღებების დაწყებისთანავე სთხოვა ხელი და ყოველდღიურად უგზავნიდა ყვავილებს. სოფია ვილანი ჩიკოლონემ არჩევანი პროდუსერ კარლო პონტიზე შეაჩერა და ამით თავისი ბედი გადაწყვიტა. სწორედ პონტიმ აქცია უბრალო გოგონა ცნობილ სოფი ლორენად. ისვე გახდა მსახიობის მენტორი და დიდი ყურადღება მიაქცია სოფის განათლებას. ლორენი მემუარებში მტკივნეულ წლებსაც იხსენებს და ყვება, როგორ უჭირდა ახალგაზრდა გოგონას და როგორ უწევდა ამერიკელ ჯარისკაცებთან საჭმლისათვის მათხოვრობა. სოფი ლორენის მემუარები რამდენიმე კვირაში გამქვეყნდება.