პირს ბროსნანმა ხანძრის გამო მალიბუზე მდებარე მდიდრული ვილა დაკარგა. მსახიობის სახლი პირდაპირ მის თვალწინ დაიწვა. 61 წლის მსახიობი სახლში იყო, როცა ხანძარი დაიწყო. ცეცხლი 10 საათისკენ ავტოფარეხს წაეკიდა და იქიდან ერთ-ერთ ოთახზე გადავიდა. საბედნიეროდ, ბროსნანმა შენობის დატოვება მოასწრო და იძულებული გახდა დახმარებას სახლის წინ მდებარე გაზონზე დალოდებოდა. როგორც ლოს-ანჯელესის სახანძრო დეპარტამენტში იტყობინებიან, ცეცხლის ჩაქრობას 40 წუთი და 50 მეხანძრე დასჭირდა. საბედნიეროდ, ამ შემთხვევისას არავინ დაზიანებულა. ცეცხლის გაჩენის მიზეზები ჯერ კიდევ უცნობია, ხოლო დამდგარი ზიანი, როგორც მინიმუმ, მილიონ დოლარს შეადგენს.