ვარაუდობდნენ, რომ “გრეის ორმოცდაათი ელფერი” შაბათ-კვირას 90 მილიონი დოლარის მოგებით დახურავდა და ყველა დროის რეკორდს დაამყარებდა თავისი ჟანრის კინოპრემიერებში. თუმცა, პარასკევიდან კვირის ჩათვლით ფილმმა მხოლოდ 81.7-მილიონიანი მაჩვენებელი დააფიქსირა და რეკორდსმენობაც პრეზიდენტის დღისთვის გადადო (ვარაუდობენ, რომ სწორედ ამ დღეს მიაღწევს მაყურებელთა რიცხვი უპრეცედენტო რაოდენობას). სამაგიეროდ, “გრეის ორმოცდაათმა ელფერმა” მაინც აჯობა “ბინდის” პრეიერას და 2008 წელს “ვამპირების” მიერ დამყარებული რეკორდი გააუმჯობესა.
ასეთ გახმაურებულ სურათს ძალიან დაამშვენებდა თებერვლის რეკორდსმენობა, თუმცა, არც მეორე ადგილია ურიგო! მან მხოლოდ “ქრისტეს ვნებანი” ვერ დაამარცხა. ამ უკანასკნელის საპრემიერო მაჩვენებელი 83.8 მილიონი დოლარი იყო, რაც ოდნავ მეტია, ვიდრე “გრეის ორმოცდაათი ელფერის” შედეგი. ქრისტიანმა და ანასტასიამ უკან ჩამოიტოვეს ისეთი ფილმები, როგორებიცაა “ამერიკელი სნაიპერი”, “მატრიცა” და “ნაბახუსევი 2″. შესაბამისად, ეროტიკული დრამა დიდი ხნის განმავლობაში დარჩება კინოისტორიაში, როგორც თებერვლის პრემიერების ერთ-ერთი ყველაზე გამორჩეული ნამუშევარი. Universal-ი აცხადებს, რომ ისინი ამ შედეგსაც კი არ ელოდნენ და ვარაუდობდნენ, რომ “გრეის ორმოცდაათი ელფერის” საპრემიერო დღეებში გაქირავების ჯამური მაჩვენებელი 80 მილიონსაც ვერ მიაღწევდა.
რაც შეეხება კინოგაქირავების სხვა ლიდერებს, მეორე პოზიცია “კინგსმენს” ეკუთვნის. მესამე ადგილზე კი “ღრუბელი ბობის ფილმი” გავიდა. “ამერიკელი სნაიპერი” ამ შაბათ-კვირის მონაცემებითაც ლიდერთა ხუთეულშია, საერთო მაჩვენებლით (304.1 მილიონი დოლარი) კი უპირობო ლიდერია. გთავაზობთ გასული შაბათ-კვირის კინოგაქირავების მონაცემებს:
| სათაური | შაბათ-კვირა | საერთო | |
| 1. | “გრეის ორმოცდაათი ელფერი” | $81,700,000 | $81.7 |
| 2. | “კინგსმენი: საიდუმლო სამსახური” | $35,600,000 | $35.6 |
| 3. | “ღრუბელი ბობის ფილმი” | $30,540,000 | $93.6 |
| 4. | “ამერიკელი სნაიპერი” | $16,435,000 | $304.1 |
| 5. | “იუპიტერის აღზევება” | $9,430,000 | $32.5 |
| 6. | “მეშვიდე შვილი” | $4,153,000 | $13.4 |
| 7. | “პედინგტონი” | $4,105,000 | $62.3 |
| 8. | “საიმიტაციო თამაში” | $3,545,000 | $79.6 |
| 9. | “მეჯვარე” | $3,400,000 | $59.7 |
| 10. | “პროექტი ალმანახი” | $2,730,000 | $19.5 |
მასალის გამოყენების პირობები