საქართველოში დანაშაულმა იკლო - სტატისტიკას შსს აქვეყნებს
შინაგან საქმეთა სამინისტრო 2014 წლის 10 თვის პერიოდში დანაშაულის სტატისტიკას აქვეყნებს. აქვე მოცემულია სექტემბრის სტატისტიკა, რომლის მიხედვითაც გასული წლის სექტემბერთან შედარებით, დანაშაული 12.45%-ით არის შემცირებული.
შსს-ს ტერიტორიული დანაყოფების საგამოძიებო ქვემდებარეობის მიხედვით, 2014 წლის სექტემბერში რეგისტრირებული 2 ათას 426 დანაშაულიდან ათას 619 გაიხსნა. დანაშაულის გახსნის სტატისტიკა 66.74 პროცენტია.
რაც შეეხება მიმდინარე წლის იანვარ-სექტემბრის მონაცემებს, დარეგისტრირებულია 19 ათას 787 დანაშაული, გახსნილია - 12 ათას 529. დანაშაულის გახსნის სტატისტიკა 63.32 პროცენტია.
წინა წლის ანალოგიურ საანგარიშო პერიოდთან შედარებით, დანაშაულის პროცენტული კლებაა 16.55 პროცენტი.
მასალის გამოყენების პირობები