ТОЧКИ СОПРИКОСНОВЕНИЯ
ბაღჩოვანი კულტურები აფხაზეთში - პრობლემები და პერსპექტივები (ფოტო)
წელს გულრიფშისა და ოჩამჩირის რაიონებში 2 000 ტონამდე საზამთროსა და ნესვის მოსავალს ელოდებიან.  ბაღჩოვანი კულტურები მოჰყავთ სოფლებში კინდღი, ბესლახუბა, ფოკვეში და აძუბჟა. გემოვნური თვისებების გამო, განსაკუთრებით დიდი მოთხოვნით, აძუბჟაში მოყვანილი საზამთრო სარგებლობს. ბაღჩებთან ერთად აქ სათბურებიცაა მოწყობილი.

მეურნეობის მთავარი აგრონომის იური ბარანენკოს თქმით, მოსავლის 80% - ზე  მეტს ჰოლანდიური ჯიში წარმოადგენს.  

"შარშანდელი გამოცდილებიდან გამომდინარე, ჩვენ წელს გათვლა გავაკეთეთ "კრიმსონ სვითის" ჯიშზე. ეკოლოგიურად სუფთა პროდუქციის მიღება გვსურს, ქიმიური პრეპარატების მინიმალურად გამოყენებით", - ამბობს აგრონომი.

მიუხედავად იმისა, რომ აფხაზეთის რამდენიმე სოფელში სოფლის მეურნეობის ამ მიმართულების განვითარებას ცდილობენ, ადგილობრივი მეწარმეები მოსავლის რეალიზაციასთან დაკავშირებით პრობლემებს აწყდებიან. პირველ რიგში, მათი ინფორმაციით, წარმოებული პროდუქცია ადგილობრივ ბაზარზე უშუალოდ მომხმარებელთან კი არ მიდის, არამედ, გადამყიდველებს მიაქვთ პირდაპირ ბაღჩებიდან. გარდა ამისა, ისინი, ხშირად მდარე ხარისხის იმპორტირებულ საქონელს, ადგილობრივად ასაღებენ. ფერმერების თქმით, შიდა ბაზარი, ისედაც ძალიან მცირეა, სახელმწიფო კი ვერ არეგულირებს ამ პრობლემას და არ იცავს ადგილობრივი მწარმოებლების ინტერესებს. ისინი თვლიან, რომ ადგილობრივი პროდუქციის მარკირება უნდა დაიწყოს.   

"ვერავისაც ვერ მიმართავ, არავინაა, ვინც ამას დაარეგულირებს, ვინც ამაზე  უნდა იფიქროს.ფერმერებმაც არ იციან ბოლომდე, როგორ უნდა მოიქცნენ და როგორ იმუშაონ, არ არის დალაგებული მუშაობა, რაც უნდა გვქონდეს", - ამბობს ფერმერი გარიკ კოკაია.

კიდევ ერთი პრობლემა, რომელზეც ფერმერები საუბრობენ, პროდუქციის ექსპორტია. რუსეთში მის გატანა ისინი სასოფლო - სამეურნეო პროდუქციაზე დაწესებული მაღალი საექსპორტო გადასახადის გამო ვერ ახერხებენ. გარდა ამისა, მათივე თქმით, რუსეთში დიდი რაოდენობით შედის იმპორტირებული საზამთრო და ნესვი თურქეთიდან და საბერძნეთიდან, შესაბამისად, ამ ბაზარზე დამკვიდრება რთულია. ამ მიზეზების გამო შარშანდელი მოსავლის დიდი ნაწილი ადგილზე გაფუჭდა ან ნადირმა, ძირითადად, ტურამ გაანადგურა. მეწარმეები შიშობენ, რომ ადგილობრივ პროდუქციის სრულად გასაღებას ვერც წელს შეძლებენ.მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.
Print Email
FaceBook Twitter
დღის სიახლეები
15 / ოქტომბერი 2019
საუბრობს - ტრენერი ხათუნა გადელია.
14 / ოქტომბერი 2019
მარტვილის მუნიციპალიტეტის სოფელ კიწიში ნაროუშვილების ერთსართულიანი საცხოვრებელი სახლი მთლიანად დაიწვა.
14 / ოქტომბერი 2019
ზუგდიდში, არასამთავრობო ორგანიზაცია „საუნჯეს“ ოფისში, ზუგდიდელ ახალგაზრდებსა და სამოქალაქო სექტორის სხვა წარმომადგენლებს
საზოგადოება
სამეგრელოში მომდევნო ხუთი დღის განმავლობაში უნალექო ამინდები შენარჩუნდება.
კლინიკა „მედი“-მ 20 წლის იუბილე აღნიშნა, რომელიც შეკვეთილში, ახლად გახსნილ კურორტ „მაგნიკა“-ში გაიმართა.
ზუგდიდში, ჭითაწყარში არსებული ავტომობილების პერიოდული ტექნიკური ინსპექტირების ცენტრში მოქალაქეებს ტექდათვალიერების დროულად გავლისკენ მოუწოდებენ.
მთავარი საინფორმაციო გამოშვება
არქივი
«« ოქტომბერი 2019 »»
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
ზუგდიდი 16 °C
img
სოხუმი 19 °C
img
ფოთი 16 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.