ნუგზარ წიკლაური: კორცხელის ინციდენტი იყო თავდასხმა პოლიტიკურ ოპონენტებზე (ვიდეო)
15:15 / 18.04.2018
ზუგდიდის რაიონულ სასამართლოში „ერთიანი ნაციონალური მოძრაობის“
პოლიტსაბჭოს მრჩეველი ნუგზარ წიკლაური
კორცხელის ინციდენტთან დაკავშირებით დაიკითხა. მან 2016 წლის 22 მაისს
შუალედურ არჩევნების დროს კორცხელის საარჩევნო უბანთან მომხდარი
დაპირისპირება ორ ეპიზოდად დაყო. სხდომაზე წიკლაურმა აღნიშნა, რომ ჯერ
სიტყვიერი დაპირისპირება მოხდა, რომელიც მალევე განიმუხტა, თუმცა
შემდეგ, 15-20 ადამიანი მშვიდობიან მოქალაქეებს დაესხა თავს. ნუგზარ
წიკლაურის თქმით, მან არ იცის, თუ ვინ დაიწყო ფიზიკური დაპირისპირება,
თუმცა ახსოვს, რომ ნიკანორ მელიასთან ჩხუბში სპორტსმენი გიორგი
გიგაური იყო ჩართული, ხოლო აკაკი მინაშვილს კობა ტყეშელაშვილმა
დაარტყა.
„კორცხელში გამართულ არჩევნებზე მე ვიყავი დამკვირვებელი. ვიმყოფებოდი
საარჩევნო უბანთან, როდესაც ატყდა სიტყვიერი შელაპარაკება. ეს ხდებოდა
საარჩევო უბნის შესასვლელთან, ეზოს ჭიშკართან. რადგან მე ვიყავი შორს
ვერ დავინახე, ვინ ვის დაუპირისპირდა, თუმცა დაპირისპირებამდე უბნის
მიმდებარე ტერიტორიაზე იმყოფებოდნენ როგორც „ნაციონალური მოძრაობის“,
ასევე „ქართული ოცნების“ მხარდამჭერები. მათ შორის ინციდენტის
დაწყებამდეც შეიმჩნეოდა დაძაბულობა“, - აღნიშნა წიკლაურმა
სდომაზე.
ენმ-ს პოლიტსაბჭოს მრჩეველმა განაცხადა, რომ ბრალდებულები პოლიტიკური
მანიპულაციების მსხვერპლები უფრო არიან, ვიდრე დამნაშავეები. მისი
თქმით, ინციდენტის მონაწილე სპორსტმენები არასოდეს ყოფილან პოლიტიკურ
ცხოვრებაში ჩართულები, შესაბამისად, ეს უფრო იმათი დანაშაულია, ვინც
დაგეგმა და ეს ჯგუფი კორცხელში გამოაგზავნა.
„გამომდინარე იქიდან, რომ პროკურატურამ მხოლოდ ამ ადამიანებს წაუყენა
ბრალი, რა თქმა უნდა, ეს არ არის სრულყოფილი განხილვა და მე
დარწმუნებული ვარ, რომ დადგება დღე, როდესაც გაიმართება სასმართლო, ის
იქნება ნამდვილი და პასუხს აგებენ ის ადამიანები, რომლებმაც დაგეგმეს
ეს. ესენი არიან ბიძინა ივანიშვილი, კახი კალაძე და კიდევ არის
რამდენიმე ადამიანი, ვინც ორგანიზება გაუწია ბარბაროსულ თავდასხმას...
ეს არის პოლიტიკური დანაშაული და პოლიტიკური თავდასხმა“, - განაცხადა
წიკლაურმა.
სასამართლო დღეს ოპოზიციური პარტიის წევრს აკაკი მინაშვილს
მოუსმენს.
2016 წლის 22 მაისს გამართულ შუალედურ არჩევნებში კორცხელის საარჩევნო
უბანთან სპორტსმენები და "ერთიანი ნაციონალური მოძრაობის" ლიდერები
ერთმანეთს დაუპირისპირდნენ. რამდენიმე მათგანმა დაზიანებები მიიღო,
მათ შორის, დიმა ლაშხიამ, რომელიც ზუგდიდის რეფერალურ საავადმყოფოში
გადაიყვანეს.
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები