მულტიმედია
"ლილაიობ“ - გათხოვილი ქალის მონახულების მივიწყებული ტრადიცია სვანეთში (ფოტო/აუდიო)
სვანეთში ტრადიციული დღესასწაული „ლილაიობ“ აღდგომის მარხვამდე, ყველიერის კვირაში აღინიშნებოდა. ამ დღეს მამისეულ ოჯახს აუცილებლად უნდა მოეკითხა გათხოვილი ქალი. ძმას, მამას ან რომელიმე ნათესავს ქალთან - „ჰასვიშთან“ მიჰქონდა სურსათ-სანოვაგე, ტანსაცმელი და აუცილებლად შალის თბილი წინდა.
ერთ-ერთი ადგილობრივი დალი ფალიანი გვიყვება, რომ „ლილაიობის“ ტრადიცია მოდის დედა ცხვრის სვანური სახელწოდებიდან -,,ლილაი'', რადგან სვანები დოვლათს, სითბოს და თანადგომას მას უკავშირებდნენ.
,,რაც სამყარო დაიწყო და მზე და მთვარე გაჩნდა, იქიდან მოყოლებული ამ დღესასწაულს აღნიშნავენ ჩვენთან. შალთან იყო ყველაფერი დაკავშირებული, ჩოხასთან, შარვლებთან, კაბებთან და ა.შ. თავის მხრივ, შალი ხომ ცხვარს უკავშირდება. „ლილაიობის“ მთავარი მიზანი ის იყო, რომ ქმრის ოჯახში ქალს ცუდად არ ეგრძნო თავი. ვისაც ბევრი „ლილაი“ მიუვიდოდა, ის ქალი ძლიერი ოჯახის შვილად და დაფასებულად ითვლებოდა. ეს იყო ერთგვარი მზითვი, რომელიც მხოლოდ ერთხელ კი არა, არამედ ყოველ წელს მიჰქონდათ ქალთან“
, - ამბობს ის.

მესტიის მკვიდრი მთვარისა ჯაჯვანი ამბობს, რომ თუ ქალს "ლილაის“ არ მიუტანდნენ, ის ქმრის ოჯახში დაჩაგრულად გრძნობდა თავს.


„კლიმატური პირობებიდან და რთული რელიეფიდან გამომდინარე ყოველთვის ვერ ახერხებდნენ ჩვენი წინაპრები „ჰასვიშის“ მოკითხვას. ამიტომ ეს კარგი მიზეზი იყო, რომ მოენახულებინათ შვილები, დები თუ ნათესავი ქალები. ვისთანაც ვერ მიდიოდნენ, ის ქალი ოჯახში თავს დაჩაგრულად გრძნობდა, ამიტომ ყველა მშობელი თუ ნათესავი ცდილობდა ქალის მოკითხვას და ამ დღისთვის მთელი წელი ემზადებოდნენ“
, - გვითხრა მთვარისა ჯაჯვანმა.

დღეს ძველი ტრადიცია ,,ლილაიობ'' დავიწყებას მიეცა და ის მხოლოდ ერთეულებს ახსოვთ.

Photos: William Osgood
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 18 °C
img
ფოთი 16 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.