ახალი ამბები
მოსახლეობის მოთხოვნები „ენერგოტრანსის“ მიმართ და პრეტენზიები ეპარქიისადმი - აქცია ჭალეში (ვიდეო)
წალენჯიხის მუნიციპალიტეტის სოფელ ჭალეში ადგილობრივებმა ელექტროგადამცემი ბოძების ჩადგმა კიდევ ერთხელ გააპროტესტეს.ისინი იმ სახლის ეზოში შეიკრიბნენ, რომელიც ვალტერ აქუბარდიამ საჩუქრად საპატრიარქოს გადასცა, ეპარქიამ კი ენერგოკომპანიას მიჰყიდა. ელექტროგადამცემი ბოძების მშენებლობა კომპანია „ენერგოტრანსი“ უკვე დაიწყო. ადგილობრივები ექსპერტიზის ჩატარებას ითხოვენ იმაში დასარწმუნებლად, რომ აღნიშნული სამუშაოები მათი ჯანმრთელობისთვის უვნებელია.

„თავის დროზე, როცა იწყებოდა სამუშაოები, გვქონდა აქციები, მაგრამ მათ პოლიციაც უდგათ გვერდით. გვითხრეს, რომ ეს სახელმწიფო მიწაა. როცა თქვენს ნაკვეთსა და სახლს შეეხებიან, მაშინ ილაპარაკეთო. არავითარი დოკუმენტი არ მოუტანიათ“, - თქვა ერთ-ერთმა ადგილობრივმა მანანა აქუბარდიამ.



საპატრიარქოსთვის ნაჩუქარ მიწაზე ენერგოკომპანიის მიერ დაწყებულ სამუშაოებს აპროტესტებენ ვალტერ აქუბარდიას ოჯახის წევრებიც.

„ჩვენ ვითხოვთ, რომ არ დაანგრიონ აქაურობა. ეს სახლ-კარი სავაჭრო ობიექტი არ არის“, - უთხრა ჟურნალისტებს აქუბარდიების ოჯახის სიძემ სოსო ციმინტიამ.

ადგილზე იმყოფებოდა ადვოკატი თანდილა ჯოლოგუაც. მისი თქმით, მას საპატრიარქოს რწუმენებულება აქვს და არსებულ სიტუაციაში გაერკვევა. მან ადგილობრივებს მეუფე გერასიმესთან შეხვედრა შესთავაზა.

"აქ საუბარია, თითქოს, საპატრიარქომ ვიღაცებზე გაასხვისა მიწა. მინდა გავარკვიო რეალურად, რა ხდება. თუ ეს მიწა საპატრიარქოს კუთვნილება იყო, როგორც გადაეცა ენერგოკომპანიას. მე ვთავაზობ ადგილობრივებს და ვპირდები მათ, რომ რამდენიმე მათგანის მეუფესთან შეხვედრას უზრუნველვყოფ, რომ გაირკვეს ყველაფერი“, - თქვა ჯოლოგუამ.




ვალტერ აქუბარდიას მიერ საპატრიარქოსთვის ნაჩუქარი სახლ-კარი


ჭალეს მოსახლებას სამართლებრივ კონსულტაციას საია უწევს. ორგანიზაციის ზუგდიდის ოფისის ხელმძღვანელის ჯემალ ჭკადუას თქმით, მომზადებულია სამართლებრივი დოკუმენტი, რომელსაც სასამართლოში რამდენიმე დღეში შეიტანენ.

„სასამართლოში შევა სარჩელი, რომელიც ითვალისწინებს, რომ სასამართლომ ყადაღა დაადოს მიწას, რომელზეც მიმდინარეობს მშენებლობა, მანამ, სანამ საბოლოოდ არ გაირკვევა, უქმნის თუ არა საფრთხეს ელექტროგადამცემი ხაზები მოსახლეობას. აქედან ოჯახები სულ რამდენიმე მეტრში ცხოვრობენ და საშიშროება რეალურია“, - აღნიშნა ჭკადუამ.

„ენერგოტრანსის“ მიერ ელექტროგადამცემი ბოძების დადგმას აპროტესტებს ჭალეს ცენტრში მცხოვრები მოსახლეობაც. ადგილობრივების თქმით, ელექტროგადამცემი ხაზები საცხოვრებელ სახლებთან დასაშვებზე მეტად ახლოს გადის, ამიტომაც ისინი კომპენსაციას ითხოვენ და დახმარებას ხელისუფლებას თხოვენ.




აქციას შემოუერთდნენ ფასანაურის მაცხოვრებლები, რომლებიც ჭალეში სპეციალურად ადგილობრივების მხარდასაჭერად ჩამოვიდნენ. მათ ამავე ენერგოკომპანიასთან ანალოგიური პრეტენზიები აქვთ. ერთ-ერთი მათგანის, ბადრი დავითურის თქმით, ისინი ამერიკელი დამოუკიდებელი მკვლევარების ჯგუფის ჩამოყვანას გეგმავენ, რომელმაც არსებული მდგომარეობა და საფრთხეები უნდა შეისწავლოს.

„ჩვენ ვუცხადებთ სოლიდარობას სოფელ ჭალეს მოსახლეობას. ასევე ვამზადებთ მოთხოვნას ამერიკელი მკვლევარების ჩამოყვანაზე და მოსახლეობას მინდა ვთხოვო, მოაწერონ ხელი ამ მოთხოვნას, რომ სახელმწიფომ დააფინანსოს მათი ჩამოსვლა. დაიდოს დასკვნები და მორჩეს ეს დავები“, - აღნიშნა დავითურმა.



ჭალეში მიმდინარე აქციაზე ადგილზე სამართალდამცავი უწყების წარმომადგენლები იყვნენ მობილიზებულები. 



ადგილობრივები მოთხოვნების დაუკმაყოფილებლობის შემთხვევაში სასამართლოში ჩივილს აპირებენ და ფართომასშტაბიან აქციებს აანონსებენ.

ცნობისთვის, ჭალეში ელექტროგადამცემ ბოძებს კომპანიები „ენერგოტრანსი“ და „კავკასენერგო“ ერთობლივად დგამენ. მოსახლეობის მოთოხვნების პასუხად, კომპანიაში აცხადებენ, რომ მათი პრეტენზიები უსაფუძვლოა და მოსახლეობის ნაწილმა, რომელსაც კომპენსაცია ეკუთვნოდა, თანხა უკვე მიიღო. 

ამავე თემაზე:

ჭალეში ადგილობრივები საპროტესტო აქციას მართავენ

ჭალეს მოსახლეობა ელექტროგადამცემი ბოძების დადგმას აპროტესტებს (ვიდეო)

Print Email
FaceBook Twitter
რ ე კ ლ ა მ ა
ჩხოროწყუს მუნიციპალიტეტის მერმა დათო გოგუამ "მშვიდობისა და განვითარების აკადემიის" აღმასრულებელ დირექტორს მაკა სართანიას COVID19 -ის პანდემიის პერიოდში მერიის აქტიური მხარდაჭერისა და თანამშრომლობისთვის,
ჩხოროწყუს მუნიციპალიტეტში საგზაო ინფრასტრუქტურის მოწყობა აქტიურად გრძელდება.
2008 წლის აგვისტოს ომში საქართველოს ტერიტორიული მთლიანობისთვის დაღუპული ჩხოროწყუელი მებრძოლის კობა წურწუმიას ხსოვნას პატივი მიაგეს.
კორონავირუსი
ზუგდიდის საზოგადოებრივი ცენტრის ინფორმაციით, გასული 24 საათის განმავლობაში ინფექციური საავადმყოფოს ლაბორატორიაში 614 პირის ბიოლოგიური ნიმუში გაიტესტა.
მოვუწოდებ ყველას, ვისაც აქვს სიცხე ან რაიმე სიმპტომი, მიაკითხონ ექიმებს ან დარეკონ ცხელ ხაზზე - ერთმა უყურადღებობამ გამოიწვია ის, რომ 30 ადამიანია დაინფიცირებული.
მესტიის მუნიციპალიტეტში კვირის ბოლომდე 4000 ადამიანი იქნება გამოკვლეული. ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ მესტიაში ისაუბრა.
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
დღის სიახლეები
13 / აგვისტო 2020
თბილისის ინფექციური საავადმყოფოს სამედიცინო დირექტორის მარინა ეზუგბაიას ცნობით, კორონავირუსის ხუთი ახალი შემთხვევიდან ორი ლენჯერს უკავშირდება.
13 / აგვისტო 2020
სვანეთიდან კოვიდინფიცირებული 9 პაციენტი ქუთაისის ინფექციურ საავადმყოფოში გადაიყვანეს, მათგან 4 ბავშვია. კლინიკის ექიმის თემურ ნადირაძის ინფორმაციით,
13 / აგვისტო 2020
პოლიტიკური გაერთიანება „ლელო საქართველოსთვის“ თავმჯდომარემ მამუკა ხაზარაძემ მაჟორიტარი დეპუტატობის კანდიდატები მცხეთაში წარადგინა.
მთავარი საინფორმაციო გამოშვება
არქივი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 28 °C
img
სოხუმი 26 °C
img
ფოთი 25 °C
img
მესტია 16 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.