რეგიონი
ზუგდიდში დევნილების ნაწილი მინიჭებული ქულებით უკმაყოფილოა (ვიდეო)
რაიონული საავადმყოფოს ყოფილ შენობაში მცხოვრები დევნილები მათთვის მინიჭებული წინასწარი ქულებით უკმაყოფილოები არიან. ისინი ამბობენ, რომ დევნილთა სამინისტრო მათ ბინის მისაღებად საჭირო ქულებს პრინციპულად არ ანიჭებს. საავადმყოფოს ყოფილ შენობაში ჩასახლებულები უწყებისგან ქულების ჩამონათვალთან ერთად, თითოეული ოჯახის შეფასების კრიტერიუმის გასაჯაროებას ითხოვენ.


"რამდენი წელია, ამ გაუსაძლის პირობებში ვცხოვრობთ და სამინისტროს პრინციპულად არ გავყავართ აქედან. ორი დღის წინ დაიდო სამარცხვინო ქულები. პრინციპულად არ გვანიჭებენ იმ ქულებს, რაც გვეკუთვნის, რადგან აქტიურად ვაპროტესტებთ ამ უსამართლობას. არიან ოჯახები, რომლებსაც წელს მაღალი ქულები მიენიჭათ, გვაინტერესებს, რა პრინციპით შეარჩიეს, როდესაც აქ ყველას თითქმის ერთნაირი საცხოვრებელი ფართი და პირობები გვაქვს. მოვითხოვთ იქ, სადაც ქულებს აქვეყნებენ, მიაწერონ თითეულ აპლიკანტს, რა პრინციპით და რა კრიტერიუმით მიენიჭა ქულა“, - აცხადებენ დევნილები.

გალის რაიონის სოფელ ფიჩორიდან დევნილი ხატია ოკუჯავა ამბობს, რომ ის ამ შენობაში გაიზარდა და მისი ორი მცირეწლოვანი შვილიც ამ გაუსაძლის პირობებში იზრდება.


„გაუსაძლისი პირობები გვაქვს. ჩემს დედამთილს ფსიქიკური პრობლემები აქვს, ამასთან შშმ პირია და ცალკე ოთახში გვყავს, რადგან ბავშვებს მისი ეშინიათ. მის მოსავლელად ბავშვების მარტო დატოვება და სხვა ოთახში გადასვლა მიწევს, რომელიც დერეფნის ბოლოშია. ერთ დღეს ფანჯრიდან გადამხტარა და ახლა ორივე ფეხი მოტეხილი აქვს. ამას ცალკე ქულა ეკუთვნის და ჩვენ ცალკე. ასეთ რთულ პირობებში მოგვივიდა ხუთი ქულა. გასულ წელს დევნილებს, რომლებმაც პროტესტის ნიშნად პირი ამოიკერეს, მეც ვუჭერდი მხარს, თუმცა მათთან კარავში არ ვიყავი, რადგან ავადმყოფს ვერ ვტოვებდი. დღეიდან ჩემი ოთახიდან დაიწყება შიმშილობა. ამ ქულებს ასე არ დავტოვებ“, - ამბობს ხატია ოკუჯავა.



70 წელს მიღწეული რაია ლეჟავა, რომელიც ორ ობოლ შვილიშვილს ზრდის, ამბობს, რომ გასულ წელს 9 ქულა, წელს კი 8,5 მიიღო. მისთვის გაუგებარია,  შარშან რატომ ვერ მოხერხდა მისი საცხოვრებელი ფართით უზრუნველყოფა ან წელს ნახევარი ქულა რა მიზეზით დააკლდა.

„რამდენი წელია ამ ერთ ოთახში ორ ობოლ შვილიშვილთან ერთად ვცხოვრობ.  ეს ოთახი არის საძინებელი, სამზარეულო, მისაღები და სააბაზანოც. გასულ წელს ცხრა ქულა მომანიჭეს. მქონდა მოლოდინი, რომ ბინას მივიღებდი, მაგრამ შევცდი. წელს ნახევარი ქულა მომაკლეს, რა მიზეზით არ ვიცი. მერე მითხრეს, ფული გაქვსო და მაგიტომო. რა ფული მაქვს არ ვიცი, ან ფული რომ მქონდეს, აქ მოვიკლავდი თავს?“, - თქვა რაია ლეჟავამ.

დევნილთა სამინისტროს აჭარისა და სამეგრელო-ზემო სვანეთის ტერიტორიული ორგანოს ხელმძღვანელის მანუჩარ ჩილაჩავას თქმით, დევნილებმა განაცხადის შევსების დროს დაუყოვნებლივი განსახლებისთვის აუცილებელი ყველა დოკუმენტი არ დაურთეს. მისი ცნობით, ეს დოკუმენტები იყო სამხარაულის ექსპერტიზის დასკვნა იმის შესახებ, რომ შენობა ავარიულ მდგომარეობაშია და აღნიშნული შენობის მეპატრონის წერილობითი თხოვნა მათი გასახლების თხოვნის შესახებ. რაც შეეხება დევნილების ბრალდებას ქულების შერჩევითი პრინციპით მინიჭებასთან დაკავშირებით, ჩილაჩავა აცხადებს, რომ სამინისტრო ყველასთვის ერთი პრინციპით მუშაობს და საკითხისადმი არაობიექტურ მიდგომას გამორიცხავს.

“მონაცემები, რომელიც სამინისტრომ გამოაქვეყნა არის წინასწარი და არავინ არ იცის კომისია რომელ მათგანთან მივა. რაც შეეხება კრიტერიუმებს, რის მიხედვითაც მიენიჭათ ქულები, ხელიმისაწვდომია და ყველამ კარგად იცის. იმ ნაწილს, რომელმაც არასრული დოკუმენტები წარმოადგინა, ხელახლა შეუძლია აპლიკაციის შევსება“, - განაცხადა ჩილაჩავამ.

აღნიშნულ შენობაში მცხოვრებლები გასულ წელის განმავლობაში, საცხოვრებელი ფართის მისაღებად საკმარისი ქულების მოთხოვნით პერიოდულად აქციებს მართავდნენ. მათ პროტესტის უკიდურეს ფორმას, მათ შორის შიმშილობასაც, მიმართეს. რამოდენიმე დევნილი, რომლებმაც პირი ამოიკერეს, გარკვეული პერიოდის განმავლობაში ჩასახლების ეზოში სახელდახელოდ აგებულ კარავში ცხოვრობდა.

ამავე თემაზე:

ზუგდიდში ბინების მიღების კანდიდატი დევნილებისთვის მინიჭებული წინასწარი ქულები - სრული სია


Print Email
FaceBook Twitter
რ ე კ ლ ა მ ა
გადეცემის თემა -  COVID-19 გავრცელების პრევენცია იძულებით გადაადგილებულ პირთა კოლექტიურ ცენტრებში.
ზუგდიდის მუნიციპალიტეტში მე-3 საჯარო სკოლის სრული რეაბილიტაცია ხორციელდება.
ზუგდიდის მუნიციპალიტეტის მერმა გიორგი შენგელიამ, ზუგდიდის მაჟორიტარ დეპუტატ ედიშერ თოლორაიასთან ერთად, ანაკლიაში მიმდინარე ინფრასტრუქტურული პროექტი დაათვალიერა.
კორონავირუსი
რუხის მრავალპროფილურ კლინიკაში ამ დროისთვის 25 პაციენტი განაგრძობს მკურნალობას. აქედან, 11 კოვიდადასტურებული პაციენტია. საავადმყოფოს კლინიკური დირექტორის ნიკოლოზ ქარცივაძის ინფორმაციით, ყველას პაციენტის
„საზოგადოებრივი ჯანდაცვის ცენტრის“ ინფორმაციით, გუშინ ზუგდიდის ინფექციურ საავადმყოფოში ახალ კორონავირუსზე 266 ნიმუში
როგორც რუხის კლინიკა, ისევე გორის ჰოსპიტალი არის ერთ-ერთი საუკეთესო ქვეყანაში ინფექციასთან ბრძოლის თვალსაზრისით. ამის შესახებ პრემიერ-მინისტრმა პარლამენტში
საზოგადოება
სოციალურმა მედია პლატფორმამ Tik Tok - მა გაასწორა შეცდომა და ახლა აპლიკაციაში აფხაზეთის და ცხინვალის რეგიონები არ არიან მითითებული, როგორც დამოუკიდებელი სახელმწიფოები.
პირველი მეგრულენოვანი სამეცნიერო ხასიათის ჟურნალი „სქანი“ თბილისში უკვე იყიდება.
რუსეთის ქალაქ ყაზანის ,,რუბინის“ 19 წლის ფეხბურთელმა, ხვიჩა კვარაცხელიამ წალენჯიხაში მცხოვრებ შშმ პირებს, სოციალურად დაუცველ, მრავალშვილიან, ხანდაზმულ მარტოხელებს და ვეტერანი ფეხბურთელების ოჯახებს 50 ლარიანი სასაჩუქრე ვაუჩერი გადასცა.
დღის სიახლეები
28 / მაისი 2020
ორი დღის განმავლობაში ენგურის ხიდზე განთავსებული ე.წ. საკონტროლო - გამშვები პუნქტი 260 - მა ადამიანმა გადაკვეთა.
28 / მაისი 2020
საქველმოქმედო ჰუმანიტარული ცენტრი "აფხაზეთი" რუხში მოხუცთა და ბავშვთა ზრუნვის ცენტრს "ჩემი მორდუ" დაახლოებით 6 თვეში ააშენებს.
28 / მაისი 2020
პრემიერ-მინისტრის ცნობით, 150 მილიონი გამოიყოფა იმისთვის, რომ 1800-მა დევნილმა ოჯახმა ბინები 3 წლით ადრე მიიღოს. ამის შესახებ გიორგი ფახარიამ მშენებლებთან და დეველოპერებთან შეხვედრაზე ისაუბრა.
მთავარი საინფორმაციო გამოშვება
არქივი
ამინდი
ზუგდიდი 15 °C
img
სოხუმი 18 °C
img
ფოთი 16 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.