ახალი ამბები
ტექნიკური დირექტორი ენგურჰესის ავარიულ გათიშვაზე: ძალიან მძიმე სიტუაცია იყო
ენგურჰესზე ამჟამად ავარიის კერა ლიკვიდირებულია და აგრეგატები ჩასართავად მომზადებულია. ამის შესახებ რადიო „ათინათს“ ენგურჰესის გენერალურმა დირექტორმა გია ხუბუამ უთხრა. მისივე თქმით, დაწყებულია სადერივაციო გვირაბის შევსება. ხუბუას განმარტებით, ეს ის არხია, სადაც წყალი ჰიდრავლიკურ ტურბინებში მიედინება.

„ეს არის ძალიან დიდი გვირაბი და უკვე მესამედია ავსებული. როგორც კი შეივსება, მერე შეიძლება ჰესის ამუშავება. სადერივაციო გვირაბიდან წყლები ჟონავს, ამიტომ ცოტა რთულია წინასწარ იმის გაგება, როდის შეივსება, თუმცა, ჩვენი აზრით, ოთხშაბათს უკვე უნდა ჩავრთოთ აგრეგატები“, - თქვა ხუბუამ.

რაც შეეხება ენგურჰესზე რამდენიმე დღის წინ მომხდარი ავარიის მიზეზებს, ხუბუა ამბობს, რომ ერთ-ერთი ტექნოლოგიური მილი, რომელიც გადაკეტილი იყო, გასკდა. მისივე თქმით, აღნიშნულ მილი გამოუყენებელი იყო და შესაბამისად ის რისკის შემცვლელ ფაქტორად არ განიხილებოდა.

„ძალიან მძიმე სიტუაცია იყო, წყალსაცავი თითქმის მთლიანად ავსებული იყო. იქ რომ ადამიანი ყოფილიყო, ალბათ ძალიან გაგვიჭირდებოდა გადარჩენა“, - უთხრა რადიო „ათინათს“ ხუბუამ.

ენგურჰესის ტექნიკური დირექტორის ინფორმაციით, აღნიშნული მეხუთე აგრეგატი მთლიანად ლიკვიდირებულია და საფრთხეს აღარ წარმოადგენს, დანარჩენების გაუქმება კი შემოდგომაზე მას შემდეგ იგეგმება, რაც ჰესზე სარემონტო სამუშაოები დაიწყება.

24 მაისს, საღამოს 20 საათსა და 11 წუთზე ენგურჰესის ავარიული გათიშვის გამო ელექტროენერგიის მიწოდება შეუწყდა საქართველოს რეგიონებისა და დედაქალაქის უბნების უმეტეს ნაწილს. ელექტროენერგია ჰქონდა შეზღუდული ოჩამჩირის, გალის, ასევე გულრიფშის რაიონებსაც.

ამ ეტაპზე, ელექტროენერგია მოსახლეობას თურქეთიდან, აზერბაიჯანიდან და სომხეთიდან იმპორტირებული რესურსით მიეწოდება. ენგურჰესის ხუთივე ჰიდროაგრეგატი გალის რაიონის სოფელ საბერიოში მდებარეობს.


ამავე თემაზე:

სსე: ქვეყნის მასშტაბით ელექტროენერგიის შეზღუდვა ენგურჰესის ავარიულმა გათიშვამ გამოიწვია
Print Email
FaceBook Twitter

ელიტარული სახლი «მარმაქს ჯორჯიას» ხედვით მაღალი დონის ტექნიკური აღჭურვილობით იწყება, სადაც დაცული და გამართულია შენობა-ნაგებობის ტექნიკური მხარე და უსაფრთხოება.

კლინიკა მედის წელს 20 წელი შეუსრულდა და ამ თარიღთან დაკავშირებით, მთელი წლის განმავლობაში, უამრავ საჩუქარს და ფასდაკლებას უკეთებდა ერთგულ პაციენტებს. საიუბილეო წლის ბოლო თვეს კი კლინიკა უპრეცედენტო შეთავაზებებს გვპირდება.

წალენჯიხაში „ლაზიკა კაპიტალის“ თანამშრომლებმა მიუსაფარ ძაღლს, რომელიც მათი ოფისის მიმდებარედ ერთი წელია ცხოვრობს,  ხის სახლი დაუდგეს.
საზოგადოება
საქართველოს მოსახლეობის 78%, რომელსაც სმენია სრულად პროპორციულ სისტემაზე გადასვლის შესახებ საპარლამენტო არჩევნებისთვის, ემხრობა აღნიშნულ ცვლილებას. ამის შესახებ საერთაშორისო
რიკოთის საავტომობილო გვირაბში პროფილაქტიკური სამუშაოების გამო 14 ნოემბერს, 08:00-დან 18:00 საათამდე, ყველა სახის ავტოტრანსპორტის მოძრაობა აიკრძალება.
27 ნოემბრიდან საქართველო 6 თვით ევროპის საბჭოს თავმჯდომარე ქვეყანა გახდება.
დღის სიახლეები
13 / დეკემბერი 2019
არსამთავრობო ორგანიზაციების ნაწილის ინფორმაციით, 14 დეკემბერს „ქართული ოცნების“ მიერ დაგეგმილი აქციისთვის მოქალაქეთა მობილიზება მუნიციპალიტეტების საჯარო მოხელეებზე ზეწოლის ფონზე მიმდინარეობს.
13 / დეკემბერი 2019
სოხუმში, „სამთავრობო კომპლექსის“ მე - 4 სართულზე, სადაც იუსტიციის სამინისტროა განთავსებული, საახალწლო ნაძვის ხეს
13 / დეკემბერი 2019
ზუგდიდში ზვიად გამსახურდიას სახელობის ახალგაზრდული ცენტრი და საპრეზიდენტო ბიბლიოთეკა, რომელიც დადიანების მუზეუმის მიმდებარედ უნდა აშენდეს,  შპს „თ-არქიტექტსმა“ დააპროექტა. შესაბამისი დოკუმენტების მიხედვით,
მთავარი საინფორმაციო გამოშვება
არქივი
«« დეკემბერი 2019 »»
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
ამინდი
ზუგდიდი 15 °C
img
სოხუმი 13 °C
img
ფოთი 13 °C
img
მესტია 0 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.