რეგიონი
ზუგდიდში სავარაუდოდ გატაცებული ბავშვის ოჯახურ პირობებს სოციალური სააგენტო შეისწავლის
ზუგდიდში, სავარაუდოდ გატაცებული ბავშვის საცხოვრებელ პირობებს სამეგრელო-ზემო სვანეთის სოციალური დაცვის სააგენტო შეისწავლის. ამის შესახებ რადიო "ათინათს" სააგენტოს იურისტმა უტა მიქაძემ უთხრა. მისივე ინფორმაციით, სააგენტოს ფსიქოლოგი პოლიციაში მოზარდის გამოკითხვას ესწრებოდა.

"აპრიორს წარმოადგენდა ამ შემთხვევაში ჩვენი სამსახურის მხრიდან ბავშვისთვის გაეწიათ საპროცესო წარმომადგენლობა, რაც განხორციელდა კიდეც. ჩვენი სოციალური მუშაკი იყო უკვე პოლიციაში და ესწრებოდა ბავშვის გამოკითხვას. ბავშვის მდგომარეობის ანალიტიკური სურათის დასადებად მუშაობს ფსიქოლოგი. ამის შემდგომ, სოციალური მუშაკი თავის კომპეტენციის ფარგლებში შეისწავლის ოჯახს, რა გარემოში იზრდება და რამდენად შეესაბამება მის ინტერესებს. ამ ყველაფრის შემდეგ დავდებთ რეალურ და ადეკვატურ დასკვნას",- თქვა მიქაძემ.

აღმაშენებლის ქუჩაზე სამართალდამცავებმა ბავშვის გატაცების ბრალდებით ცოლ-ქმარი გუშინ საკუთარი სახლიდან აიყვანეს. მათ გამოძიება ერთ-ერთი ოჯახიდან ვალის გამო არასრულწლოვანი გოგონას მძევლად წამოყვანას ედავება.

დაკავებულების მეზობლების თქმით, ვასილ ახალაიამ და ემა კვირტიამ ბავშვი ბაბუას ნებართვით წამოიყვანეს და ცოლ-ქმარის მხრიდან ბავშვის გატაცებას გატეგორიულად გამორიცხავენ.

„ბავშვის დედას ვალი ნამდვილად ჰქონდა და ამ ვალის გამო იყვნენ მათთან მისულები. არ დახვდა დედა, მაგრამ დახვდნენ მოუწესრიგებელი და მშიერი ბავშვები. ცოლ-ქმრისთვის ბავშვებს უთქვამთ, ორი დღეა მშივრები ვართ და ბრინჯი ჩვენ თვითონ მოვხარშეთო... შეეცოდათ, ორივეს წამოყვანა უნდოდათ, მაგრამ ბიჭი არ გამოჰყოლია. მოიყვანეს გოგო, დააპურეს და ტანსაცმელი გამოუცვალეს... თან ბაბუას დაუბარეს, რომ ბავშვი ჩვენ მიგვყავს და დედა რომ მოვა, ჩვენთან მოვიდესო“, - თქვეს მეზობლებმა.

სავარაუდოდ გატაცებული არასრულწლოვნის დედის თქმით, ბავშვის წაყვანის დროს ის სახლში არ იმყოფებოდა და მომხდარის შესახებ მას არც პოლიციისთვის უცნობებია. გარდა ამისა, დედა ამბობს, რომ მას ცოლ-ქმრის მიმართ პრეტენზია არ აქვს და არც აპირებს ჩივილს.

"არ ვიყავი სახლში, როცა მოვედი, დამხვდა ამბავი, რომ ჩემი შვილი ვალის გამო წაუყვანიათ. მე მაქვს მაგათი ვალი 250 ლარი, მაღაზიის ნისია და ჩემი სესხის თავდებებიც არიან, რომელიც მიმდინარე თვეს უნდა გადამეხადა, მაგრამ ვერ მოვახერხე", - გვითხრა ბავშვის დედამ მომხდარიდან რამდენიმე საათში.

რადიო "ათინათი" თათარაშვილის ქუჩაზე, დევნილთა დასახლებაში, ბავშვის დედასთან დეტალების გასარკვევად სახლში დღესაც მივიდა. სახლში მხოლოდ მცირეწლოვანი ბავშვები და ბაბუა დაგვხვდა. ბავშვებმა გვითხრეს, რომ დედა დილით წავიდა და არ იცოდნენ, როდის დაბრუნდებოდა.

„მე იმ ცოლ-ქმარმა მითხრა, რომ ბავშვს წავიყვანთ, მოვაწესრიგებთ და ლარისა (ბავშვების დედა. ავტ), რომ მოვა, ჩვენთან მოვიდესო... ჩემთვის არ უთქვამთ ფული მოიტანოსო“, - ამბობს ბავშვების ბაბუა.

შს სამინისტროს ინფორმაციით, ცოლ-ქმარს ბრალად სს კოდექსის 144-ე მუხლის მეორე ნაწილი, მძევლად ხელში ჩაგდება ედებათ. აღნიშნული ქმედება ცხრიდან 14 წლამდე თავისუფლების აღკვეთას ითვალისწინებს.


ამავე თემაზე:

მძევლად ხელში ჩაგდების ბრალდებით დაკავებული ცოლ-ქმარი ბრალს არ აღიარებს
Print Email
FaceBook Twitter
დღის სიახლეები
15 / ოქტომბერი 2019
ზუგდიდის ცენტრალური ბულვარის ტერიტორიაზე სასოფლო-სამეურნეო პროდუქტის გამოფენა-გაყიდვა მოეწყო. ღონისძიება ჯუმის საჯარო სკოლის მოსწავლეების ინიციატივით,
15 / ოქტომბერი 2019
ანაკლიის განვითარების კონსორციუმის ხელმძღვანელი ლევან ახვლედიანი ამბობს, რომ კონსორციუმი აღარანაირი დოკუმენტაციის ჩაბარებას აღარ აპირებს.
15 / ოქტომბერი 2019
აფხაზეთის დე ფაქტო რესპუბლიკაში, კერძოდ კი სოხუმში, რუსეთიდან არალეგალურად შემოსული ჩრდილოკორეელი მუშები სამშენებლო და სარკინიგზო
საზოგადოება
სამეგრელოში მომდევნო ხუთი დღის განმავლობაში უნალექო ამინდები შენარჩუნდება.
კლინიკა „მედი“-მ 20 წლის იუბილე აღნიშნა, რომელიც შეკვეთილში, ახლად გახსნილ კურორტ „მაგნიკა“-ში გაიმართა.
ზუგდიდში, ჭითაწყარში არსებული ავტომობილების პერიოდული ტექნიკური ინსპექტირების ცენტრში მოქალაქეებს ტექდათვალიერების დროულად გავლისკენ მოუწოდებენ.
მთავარი საინფორმაციო გამოშვება
არქივი
«« ოქტომბერი 2019 »»
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
ზუგდიდი 11 °C
img
სოხუმი 19 °C
img
ფოთი 19 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.