ახალი ამბები
ზუგდიდის ვიცე-მერმა მიხეილ ხუბუტიას აუზის ნაცვლად ავტორალისთვის ტრასის მოწყობა შესთავაზა
ზუგდიდის ვიცე-მერმა გია გულორდავამ მიხეილ ხუბუტიას ცაიშის მიმდებარედ ავტორალისთვის შესაბამისი ტრასის მოწყობა შესთავაზა. მან შესაბამისი წერილით რუსეთში მოღვაწე ბიზნესმენს რამდენიმე დღის წინ მიმართა, თუმცა მისგან უარი მიიღო. როგორც რადიო „ათინათს“ გია გულორდავამ უთხრა, ხუბუტიასთვის მიწერა მას შემდეგ გადაწყვიტა, რაც პრემიერ-მინისტრი მამუკა ბახტაძე ზუგდიდელებს საცურაო აუზის აშენებას დაჰპირდა. გულორდავას თქმით, ქალაქში ამ ეტაპზე ორი საცურაო აუზის საჭიროება არ არსებობს და ბიზნესმენს, სწორედ მისი იდეის - ავტორალის მოწყობა შესთავაზა.



"ცენტრალური ხელისუფლება ზუგდიდში თანამედროვე სტანდარტების შესაბამისი აუზს აგვიშენებს. ამ ეტაპზე ორი დიდი ბასეინის არსებობას, ჯობდა მეორე თემა განგვევითარებინა, რადგან ახალგაზრდების დიდი მოთხოვნაა ავტორალზე. ამიტომ ვთხოვეთ მას, რომ აუზის ნაცვლად ცაიშის მიმდებარედ ავტორალითვის ტრასა ააშენოს, თუმცა ამაზე უარი მოგვწერა. "მე ვთქვი აუზიო, თანამოქალაქეებს აუზის აშენებას დავპირდიო და მაგას გავაკეთებო". მას მერე მე პირადად მივწერე წერილი, რომ ჩვენ მზად ვართ ის პირობა, რაც იყო თავიდან, რომ ჩვენ გამოვუყოფთ მიწის ნაკვეთს და ის ააშენებს საცურაო აუზს, ისევ ძალაშია და მან ეს იცის", - თქვა გულორდავამ.


რაც შეეხება მიწის ნაკვეთს, რომელიც მიხეილ ხუბუტიას აუზის ასაშენებლად შესთავაზეს, გულორდავა ამბობს, რომ ის მუნიციპალიტეტის საკუთრებაში დარჩება.

რუსეთში მოღვაწე ბიზნესმენი მიხეილ ხუბუტია 30 მაისს პირველი საჯარო სკოლის იუბილეზე მოქალაქეებს ხუბულავას ქუჩაზე საცურაო აუზის აშენებას დაჰპირდა.

"მიწის ნაკვეთი მთავრობამ გაჩუქათ, მე კი აუზს გაჩუქებთ", - უთხრა მან იუბილეზე შეკრებილ მოქალაქეებს.

პრემიერ-მინისტრმა მამუკა ბახტაძემ კი 26 ივნისს ზუგდიდში, პირველი ვიზიტისას განაცხადა, რომ ძველ პარკში (ყოფილი კომკავშირის პარკი) ევროსტანდარტების სპორტკომპლექსი - საცურაო აუზი აშენდება.

ამავე თემაზე:

ბახტაძე: ზუგდიდში საცურაო აუზს ავაშენებთ

მიხეილ ხუბუტია ზუგდიდელებს საცურაო აუზის აშენებას დაჰპირდა

Print Email
FaceBook Twitter
რ ე კ ლ ა მ ა
ზუგდიდის სოფელ კახათის #1 საჯარო სკოლის მოსწავლეები მიმდინარე წლის ზაფხულში გერმანიის, ავსტრიის, თურქეთის, აზერბაიჯანის, სომხეთის და საქართველოს საერთაშორისო ბანაკებში გაემგზავრებიან.
საზოგადოება
დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, კორონავირუსის მესამე შემთხვევა დადასტურდა.
პირველკლასელთა რეგისტრაციის ვადები ორ ეტაპად განისაზღვრა.
„ანაკლიის განვითარების კონსორციუმი“ საქართველოს მთავრობის წინააღმდეგ ჟენევაში საარბიტრაჟო დავის დაწყებას აპირებს.
დღის სიახლეები
29 / თებერვალი 2020
დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, კორონავირუსის მესამე შემთხვევა დადასტურდა.
29 / თებერვალი 2020
გარემოსდაცვითი ზედამხედველობის დეპარტამენტი მოსახლეობას აფრთხილებს, რომ გადამფრენ ფრინველებზე ნადირობა პირველი მარტიდან იკრძალება.
29 / თებერვალი 2020
სამეგრელო-ზემო სვანეთის პოლიციის დეპარტამენტის თანამშრომლებმა უკრაინის მოქალაქე, 1981 წელს დაბადებული ვ.შ. თბილისში ნარკოდანაშაულისთვის დააკავეს.
მთავარი საინფორმაციო გამოშვება
არქივი
ამინდი
ზუგდიდი 17 °C
img
სოხუმი 16 °C
img
ფოთი 13 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.