ახალი ამბები
10 დღეში შვებულებით ზუგდიდის მერიის 122-მა საჯარო მოხელემ ისარგებლა
პირველი ოქტომბრიდან 12 ოქტომბრის ჩათვლით ზუგდიდის მერიის 122-მა საჯარო მოხელემ სხვადასხვა დღეს შვებულებით ისარგებლა. რადიო „ათინათის“ მიერ ზუგდიდის მერიიდან გამოთხოვილი ინფორმაციის თანახმად, ათ დღეში შვებულება გამოიყენა ზედამხედველობისა და არქიტექტურის სამსახურის უფროსმა - ლაშა ჯაიანმა და ეკონომიკური პოლიტიკის და მუნიციპალური სერვისების მართვის სამსახურის უფროსმა - თენგიზ ქობალიამ.

ამასთან, კუთვნილი შვებულებით ისარგებლა მერიის მეორე რანგის 17-მა, მესამე რანგის პირველი კატეგორიის 76-მა, მესამე რანგის მეორე კატეგორიის 5-მა და მესამე რანგის მესამე კატეგორიის 22-მა პროფესიულმა საჯარო მოხელემ.

ზუგდიდის მერიის ადამიანური რესურსების მართვის განყოფილების ხელმძღვანელის ირაკლი ამანათიძის ინფორმაციით, აღნიშნული მონაცემები პერიოდულად იცვლება.

„ზოგს ორკვირიანი შვებულება აქვს, ზოგს თითოდღიანი და ასე შემდეგ. შეიძლება, სამი თანამშრომელი იყოს ისეთი, ვისაც, მაგალითად, 29 ოქტომბრამდე აქვს აღებული“, - გვითხრა ამანათიძემ.

შვებულებით სარგებლობს განათლების, კულტურის, ახალგაზრდულ საქმეთა და სპორტის სამსახურის უფროსის მოადგილე ზამირა ღადუა, რომელიც პრეზიდენტობის კანდიდატ სალომე ზურაბიშვილის წინასაარჩევნო კამპანიაში აქტიურად მონაწილეობს.

alt

„მე ჩემი საქმეებიც მქონდა და დაემთხვა ეს კამპანიაც. ვთვლი, რომ სადაც საჭირო ვარ, იქ უნდა ვიყო. მეც მინდოდა ამ კამპანიაში ჩართვა და შემოთავაზებაც იყო, შეიძლება ითქვას, ორმხრივი იყო“, - გვითხრა ღადუამ.

კითხვაზე, როდის დაიწყო და როდის დასრულდება მისი შვებულება, ღადუამ გვიპასუხა, რომ ზუსტად თარიღი არ ახსოვს, თუმცა იცის, რომ, შაბათ-კვირის გარდა, 13 დღიანი შვებულებით სარგებლობს. მისივე თქმით, მან შვებულება გასულ კვრიას დაგმოიყენა და ამ კვირაშიც შვებულებაშია.

ზურაბიშვილის კამპანიაში ჩართულია მერიის საერთაშორისო ორგანიზაციებთან ურთიერთობის და საპროტოკოლო საკითხთა განყოფილების უფროსი სპეციალისტი სალომე გუგუშვილი. მისი თქმით, შვებულება არ აუღია, თუმცა კამპანიაში შაბათ-კვირას და არასამუშაო დროს მონაწილეობს.

alt

„მხარს ვუჭერ ზურაბიშვილს, ჩვენ ოჯახით ვახლობლობთ და ნამდვილად ჩემი სურვილი იყო კამპანიაში ჩართვა“, - თქვა გუგუშვილმა.

„ქართული ოცნების“ მხარდაჭერილი კანდიდატის სალომე ზურაბიშვილის წინასაარჩევნო კამპანია აქტიურად, დაახლოებით, ორი კვირის წინ დაიწყო. მასში. ძირითადად, საჯარო მოხელეებთან ერთად, საკრებულოს წევრები არიან ჩართული.

ფოტო: ფეისბუკის გვერდი "ზუგდიდი ირჩევს სალომე ზურაბიშვილს"
Print Email
FaceBook Twitter
რ ე კ ლ ა მ ა
თუ ბოლო სამი წლის განმავლობაში თქვენს მოგზაურობას ისეთი არასასიამოვნო მოგონებებიც უკავშირდება, როგორიც ფრენის გადადება, გაუქმება ან თუნდაც, ბარგის დაზიანებაა,
გადეცემის თემა -  COVID-19 გავრცელების პრევენცია იძულებით გადაადგილებულ პირთა კოლექტიურ ცენტრებში.
ზუგდიდის მუნიციპალიტეტში მე-3 საჯარო სკოლის სრული რეაბილიტაცია ხორციელდება.
კორონავირუსი
ზუგდიდის საზოგადოებრივი ჯანდაცვის ცენტრის ინფორმაციით ინფექციურის ლაბორატორიაში დღის განმავლობაში 78 პირის ბიოლოგიური
მასალა გაიტესტა.
სამეგრელო-ზემო სვანეთის სამხარეო ადმინისტრაციის ინფორმაციით, რეგიონის მასშტაბით თვითიზოლაციაში 291 ადამიანი რჩება, ზედამხედველობა კი 1007 მოქალაქეს მოეხსნა.
ზუგდიდის საზოგადოებრივი ჯანდაცვის ცენტრის ინფორმაციით ინფექციურის ლაბორატორიაში დღის განმავლობაში სულ 116 პირის ბიოლოგიური ნიმუში გაიტესტა. გამოკვლეულთა შორის არიან
საზოგადოება
სოციალურმა მედია პლატფორმამ Tik Tok - მა გაასწორა შეცდომა და ახლა აპლიკაციაში აფხაზეთის და ცხინვალის რეგიონები არ არიან მითითებული, როგორც დამოუკიდებელი სახელმწიფოები.
პირველი მეგრულენოვანი სამეცნიერო ხასიათის ჟურნალი „სქანი“ თბილისში უკვე იყიდება.
რუსეთის ქალაქ ყაზანის ,,რუბინის“ 19 წლის ფეხბურთელმა, ხვიჩა კვარაცხელიამ წალენჯიხაში მცხოვრებ შშმ პირებს, სოციალურად დაუცველ, მრავალშვილიან, ხანდაზმულ მარტოხელებს და ვეტერანი ფეხბურთელების ოჯახებს 50 ლარიანი სასაჩუქრე ვაუჩერი გადასცა.
დღის სიახლეები
31 / მაისი 2020
ზუგდიდის საზოგადოებრივი ჯანდაცვის ცენტრის ინფორმაციით ინფექციურის ლაბორატორიაში დღის განმავლობაში 78 პირის ბიოლოგიურიმასალა გაიტესტა.
31 / მაისი 2020
ოკუპირებული აფხაზეთის სოფელ საბერიოდან თბილისში, დამწვრობის ცენტრში გადაყვანილი მცირეწლოვანის მდგომარეობა სტაბილურია, - ამის შესახებ რადიო "ათინათს" ცენტრის
31 / მაისი 2020
5 ივნისიდან სოხუმში საზღვაო სეზონი გაიხსნება. ადგილობრივი ადმინისტრაციების ხელმძღვანელების განცხადებით, უახლოეს დროში დაიწყება სანაპირო ზოლისა და ზღვის წყლის გასუფთავება ნაგვისგან,
მთავარი საინფორმაციო გამოშვება
არქივი
«« ივნისი 2020 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
ამინდი
ზუგდიდი 14 °C
img
სოხუმი 16 °C
img
ფოთი 15 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.