ახალი ამბები
დირექტორი მეექვსე სკოლაში გენინსპექციის შესვლას პოლიტიკურ მოტივს უკავშირებს
ზუგდიდის მეექვსე საჯარო სკოლაში მიმდინარე თვის დასაწყისში განათლების სამინისტროს გენერალური ინსპექცია შევიდა. სკოლის დირექტორის ია კერზაიას ინფორმაციით, რამდენიმე დღის განმავლობაში ორი ინსპექტორი სკოლაში სხვადასხვა დოკუმენტაციას სწავლობდა და შესაბამისი დასკვნა უკვე არსებობს. კერძაია სასწავლო დაწესებულებაში გენინსპექციის შესვლას პოლიტიკურ მოტივს უკავშირებს. მან რადიო „ათინათს“ უთხრა, რომ ინსპექტორების სკოლაში შესვლიდან რამდენიმე დღეში მას დაურეკეს და უთხრეს, რომ ადგილობრივი ხელისუფლების ერთ-ერთ მაღალჩინოსანთან მისულიყო და მიეცა პირობა, რომ არჩევნებზე მმართველი პარტიის მხარდაჭერილი კანდიდატის სასარგებლოდ იმუშავებდა.

„ორი ადამიანი შემოვიდა სკოლაში 9 ნოემბერს და გვითხრა, რომ განათლების სამინისტროში შემოსული საჩივრის საფუძველზე უნდა დაწყებულიყო სკოლის ინსპექტირება. რამდენიმე დღის განმავლობაში ეს ორი ადამიანი „თავდაუზოგავად“ მუშაობდა, რომ დარღვევები აღმოეჩინა. ცხადია, იყო სხვადასხვა პროცედურული დარღვევა, თუმცა არცერთი ფინანსური... საჩივარი, რომელიც ჩემი აზრით ფაბრიკაციია, ანონიმის მიერ იყო შედგენილი და ეწერა, რომ თურმე, მე 2007 წელს „ბნელმა ძალებმა“ მომიყვანეს სკოლის დირექტორის პოსტზე და არასწორად განვკარგავდი ხარჯებს და ვწერდი ბრძანებებს, რაც ტყუილია. მე ლოტოტრონის საშუალებით გავხდი დირექტორი და ყველამ კარგად იცის, რამდენი რამ გაკეთდა ამ სკოლაში ყველა მიმართულებით“, - გვითხრა კერზაიამ.


alt

მისივე ინფორმაციით, ის საკუთარ პოლიტიკურ შეხედულებებს ღიად არასდროს გამოხატავს. ამასთან, კერძაიამ თქვა, რომ ის გენინსპექციის სკოლაში შესვლას სწორედ იმას უკავშირებს, რომ „ქართული ოცნების“ აქტივისტი არ არის.

„არ ვარ აქტივისტი, ღიად არავის ვუჭერ მხარს და ჩემს მასწავლებლებს არ ვავალებ ხმა მისცენ სალომე ზურაბიშვილს, ან რა უფლება მაქვს. ჩემთან შემოვიდა ზარი და მე უნდა მეპოვა მაღალჩინოსანი, რომელიც მიიღებდა გარანტიას, რომ მე ვუჭერდი მხარს და ვიმუშავებდი მათთვის“, - თქვა სკოლის დირექტორმა.

ია კერზაიას ამბობს, რომ სასწავლო დაწესებულებაში ინსპექტირება დასრულებულია და სკოლის სამეურვეო საბჭომ მიიღო შესაბამისი წერილი, რომლის მიხედვით, სკოლის დირექტორს უფლებამოსილება ვადამდე უნდა შეუწყდეს და ასევე აღმოიფხვრას აღმოჩენილი ხარვეზები.

„არ ვიცი, სამეურვეო საბჭო რას გადაწყვეტს. მათ კარგად იციან, როგორც ვმუშაობ მე. თუ მოხდა ისე, რომ შემიწყდა უფლებამოსილება, აუცილებლად გავასაჩივრებ სასამართლოში და ვიბრძოლებ სამართლებრივი გზით“, - გვითხრა კერზაიამ.

რადიო „ათინათი“ განათლების სამინისტროს პრესსამსახურის უფროსთან დაკავშირებას შეეცადა, თუმცა მას მობილური ტელეფონი გამორთული აქვს. სამინისტროში კი გვითხრეს, რომ შესაბამის პირებთან დღის მეორე ნახევარში დაგვაკავშირებდნენ.

Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერია, ზაზა გოგოხიას ოთხსულიან ოჯახს საცხოვრებელ სახლს აუშენებს.
დღეს, 4 ივლისს ამერიკელი ხალხი დამოუკიდებლობის დეკლარაციაზე ხელმოწერის 244 წლისთავს აღნიშნავს.
ჩხოროწყუს მუნიციპალიტეტის მერმა დათო გოგუამ და მუნიციპალიტეტში წითელი ჯვრის საზოგადოების ხელმძღვანელმა ხათუნა მიქავამ, მერის მოადგილესთან, სოციალური და ჯანდაცვის სამსახურის უფროსთან ერთად,
კორონავირუსი
ზუგდიდის საზოგადოებრივი ჯანდაცვის ცენტრის ცნობით, ინფექციური საავადმყოფოს ლაბორატორიაში კორონავირუსზე 337 პირი გამოიკვლიეს. ყველა ტესტის პასუხი უარყოფითია.
ზუგდიდის საზოგადოებრივი ჯანდაცვის ცენტრის ინფორმაციით, ინფექციურ საავადმყოფოში გამოკვლეული პაციენტებიდან ერთ-ერთს ახალი კორონავირუსი დაუდასტურდა.
სამეგრელო-ზემო სვანეთის სამხარეო ადმინისტრაციის ინფორმაციით, ანაკლია-განმუხურის საკარანტინო სივრცეში დღეის მონაცემებით 102 პირი იმყოფება.
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
დღის სიახლეები
09 / ივლისი 2020
რუსული პოლიტიკური პარტიის ინიციატივას რუსეთის შემადგენლობაში აფხაზეთის შესაძლო შესვლის შესახებ, სოხუმში ნეგატიური გამოხმაურება მოჰყვა.
09 / ივლისი 2020
ზუგდიდში სამგზავრო ავტობუსს უცნობმა პირმა ქვა ესროლა და საქარე მინა დაუზიანა. შემთხვევა გვიან ღამით სოფელ ცაიშთან მაშინ მოხდა, როცა ავტობუსს მგზავრები თბილისის მიმართულებით გადაჰყავდა.
09 / ივლისი 2020
აფხაზეთში დისლოცირებული რუსული ბაზის სამხედრო მოსამსახურეები, საგანგებო სიტუაციების და უსაფრთხოების სამსახურის თანაშრომლებთან ერთად, წვრთნებს გადიან. ინფორმაციას დე ფაქტო აფხაზეთის თავდაცვის
მთავარი საინფორმაციო გამოშვება
არქივი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 24 °C
img
სოხუმი 28 °C
img
ფოთი 25 °C
img
მესტია 18 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.