ახალი ამბები
საინფორმაციო შეხვედრა ოჯახში ძალადობისგან დაცვის მექანიზმებზე ზუგდიდში (ვიდეო)
ზუგდიდის "დემოკრატიული ჩართულობის ცენტრში" გენდერული ძალადობის წინააღმდეგ 16-დღიანი კამპანიის ფარგლებში, ოჯახში ძალადობისგან დაცვის მექანიზმების შესახებ  საინფორმაციო შეხვედრა გაიმართა. შეკრებილებმა ძალადობის მსხვერპლთა და დაზარალებულთათვის მომსახურებების, კერძოდ, თავშესაფრების ხელმისაწვდომობის უზრუნველყოფაზე ისაუბრეს. "მერკურის" წარმომადგენლების ინფორმაციით,  თავშესაფრით უკვე 24 ბენეფიციარმა ისარგებლა, აქედან 10 ქალი და 14 ბავშვი იყო.  მათივე ცნობით, სამეგრელო-ზემო სვანეთის რეგიონში ძალადობის მსხვერპლთა პირველი თავშესაფარი მიმდინარე წლის 8 მარტს გაიხსნა, სადაც ბენეფიციარებს მათზე მორგებული სხვადასხვა მომსახურების მიღება შეუძლიათ.

"ჩვენ ჩვენს ბენეფიციარებს ვუქმნით ოჯახურ პირობებს. მათთან
მუშაობს ფსიქოლოგი, იურისტი და საჭიროების შემთხვევაში, სოციალური მუშაკიც. მოსვლის დღიდან ისინი უზრუნველყოფილი არიან ყველა საჭირო ნივთით. თავშესაფარში ყოფნის ვადა არის მაქსიმუმ სამი თვე, შემდეგ ჩვენი ბენეფიციარები უბრუნდებიან თავიანთ საცხოვრებელ სახლს ან გადადიან ქირით. თავშესაფარი არის  ძალიან მნიშვნელოვანი, რადგან აქ იმდენად დათრგუნულები და შეშინებულები მოდიან, განსაკუთრებით, ბავშვები, რომ ეს სამი თვეც მათთვის ბევრს ნიშნავს", - ამბობს თავშესაფრის ადმინისტრატორი ირმა დარასელია.
alt
ოჯახში ძალადობის მიმართულებით პრიორიტეტებზე, სამართლებრივ მექანიზმებზე, გენდერულ ძალადობასთან დაკავშირებულ სტატისტიკასა და პრევენციაზე შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის წარმომადგენლებმა ისაუბრეს. მათი ინფორმაციით, მიმდინარე წელს ოჯახური ძალადობის და ოჯახში დანაშაულის 4000-ზე მეტი ფაქტი დაფიქსირდა, 3000-მდე პირი პასუხისგებაში მიეცა და 5000-ზე მეტი შემაკავებელი ორდერი გაიცა, რაც, მათივე მტკიცებით, მიმართვიანობის და პოლიციის მიმართ ნდობის ამაღლებაზე მეტყველებს.




"სამოქალაქო აქტივიზმის და თანასწორობის ცენტრის" წარმომადგენელმა ციცინო შენგელიამ ისაუბრა სოციალურ პროექტზე "ქალები საქართველოდან" და რეალურ ისტორიებზე დაყრდნობით, ძალადობის მსხვერპლი ქალების საჭიროებებზე გაამახვილა ყურადღება.  

"წლევანდელი წელი ეძღვნება იმას, თუ როგორ ძლიერდებიან ქალები მას შემდეგ , რაც აღმოჩნდებიან თავშესაფარში, კრიზისულ ცენტრში. მერე სად ვუშვებთ ამ ქალებს, რითი ვეხმარებით და როგორ ვაძლიერებთ. ეს არის გამოწვევა, რომლის წინაშეც საქართველო დადგა. წინა წლებში საუბარი იყო იმაზე, რომ გვქონოდა თავშესაფრები, როგორც კი დავიწყეთ ამ მიმართულებით მუშაობა, დაგვიდგა ეს გამოწვევა, რას ვაკეთებთ მერე", - აღნიშნა შეხვედრაზე ციცინო შენგელიამ.

"დემოკრატიული ჩართულობის ცენტრების ქსელი"(NCCE) გენდერული ძალადობის წინააღმდეგ 16-დღიანი კამპანიის ფარგლებში საქართველოს 10 ქალაქში სხვადასხვა ღონისძიებას მართავს.

16-დღიანი კამპანიის მიზანი ქალთა მიმართ ძალადობის საკითხებზე საზოგადოებაში ცნობიერების ამაღლება და გენდერული ძალადობის წინააღმდეგ სამოქალაქო მხარდაჭერის გაძლიერებაა.



Print Email
FaceBook Twitter
საზოგადოება
გიორგი კალანდია: ერმიტაჟში ეკატერინე ჭავჭავაძის გამოსახულებით ნახატი ინახება
ისტორიკოსმა გიორგი კალანდიამ სოციალური ქსელის საკუთარ გვერდზე ფოტო გამოაქვეყნა, რომელიც, მისივე თქმით,  ერმიტაჟის მუზეუმშია გადაღებული და რომელზეც, სავარაუდოდ, სამეგრელოს სამთავროს დედოფალი
მამუკა ხაზარაძე: ეჭვი მაქვს, რომ ჩვენი რეპუტაციის შემლახველი კამპანია ანაკლიის პორტს უკავშირდება
ჩვენი რეპუტაციის შემლახველი კამპანიის წარმოება ხდება სწორედ ახლა, როდესაც ასე ახლოს ვართ ქვეყნისთვის უმნიშვნელოვანესი პროექტის, ანაკლიის პორტის წარმატებით განხორციელებასთან - ამის შესახებ „თიბისი ბანკის“ სამეთვალყურეო
გიგი სიჭინავა „თიბისი ბანკის“ სტიპენდიანტი გახდა
ზუგდიდელი მხატვარი გიგი სიჭინავა ქვეყნის მასშტაბით 200 ნიჭიერ ბავშვს შორის ერთ-ერთია, რომელიც „თიბისი ბანკის“ სტიპენდიანტი გახდა. მოზარდი კომპანიისგან ერთი წლის განმავლობაში
გამოკითხვა
ემხრობით თუ არა სკეიტ-პარკში, ყინულის სახლის ადგილზე სასტუმროს მშენებლობას?
არქივი
«« თებერვალი 2019 »»
28293031 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 123
ამინდი
ზუგდიდი 5 °C
img
სოხუმი 6 °C
img
ფოთი 6 °C
img
მესტია -4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.