ახალი ამბები
რა წერია ია კერზაიას წინააღმდეგ დაწერილ ანონიმურ საჩივარში (ფოტო)
ზუგდიდის მეექვსე საჯარო სკოლის გარდაცვლილი დირექტორის შვილმა ბაჩანა შენგელიამ ფეისბუქის საკუთარ გვერდზე კერზაიას მიმართ დაწერილი იმ განცხადება-საჩივრის ნაწილი გამოაქვეყნა, რომლის საფუძველზეც, მისივე თქმით, შევიდა ინსპექტირების ჯგუფი სკოლაში.

მან რადიო "ათინათს" უთხრა, რომ საჩივარი მოთხოვნის საფუძველზე ია კერზაიას თავად მიაწოდა განათლების სამინისტრომ. 

"ინსპექტირების პროცესში იამ მოითხოვა ამ საჩივრის ნახვა და გამოუგზავნა სამინისტრომ. მე არ ვიცი, იქნებ, ჰქონდეთ სრული ვერსია, თუმცა გამოგზავნილ ვერსიაში სულ ორი გვერდია. პირველ გვერდზე ის წერია, რაც გამოვაქვეყნე, მეორეზე კი ძალიან ზოგადად, თითქოს, დარღვევების შესახებ. დოკუმენტი არც დათარიღებულია და საერთოდ არ აქვს არანაირი ოფიციალური ნიშანი", - განგვიმარტა შენგელიამ.

ის სოციალურ ქსელში წერს, რომ სწორედ ამ ტექსტით დაიწყო დანაშაულებრივი ჯაჭვი აღნიშნულ საქმეზე. აქვე შენგელია პირობას დებს, რომ საქმეში ჩართული ყველა პირი, ვისი დანაშაულებრივი ქმედებაც იკვეთება, დაისჯება.

„ვაქვეყნებ იმ ანონიმური (რომელიც ამავდროულად არის გაყალბებული) განცხადება-საჩივრის ნაწილს, რომელიც არაერთი ადამიანის დანაშაულებრივი განზრახვის რეალიზებას დაედო ,,საფუძვლად''. როგორც ხედავთ მეოცე საუკუნის 30-იანი წლების ,,საუკეთესო პრაქტიკით'' არის შესრულებული (ფორმა დაცულია).
აქედან დაიწყო სისხლის სამართლის დანაშაულების მთელი ჯაჭვი, რომელიც დიდი ალბათობით დღესაც გრძელდება. პირობას გაძლევთ, რომ ყველა ის პირი დაისჯება, რომელსაც მცირედი წვლილი მაინც მიუძღვის ამ საქმეში და ამისთვის ყველაფერს გავაკეთებ. იას სიცოცხლის გზა კი მომავალში აუცილებლად გადაარჩენს არაერთ ადამიანს და მათ ჯანმრთელობას ხელყოფისგან. ამ საქმის ობიექტური გამოძიება ნიშნავს, რომ მომავალში არავის არ გაუჩნდება ცდუნება ჩაიდინოს მსგავსი ტიპის დანაშაული და სკოლა გამოიყენოს პოლიტიკური თამაშების ადგილად.
გამოიძიე ღირსების საქმე!“, - წერს ბაჩანა შენგელია.

alt


ზუგდიდის მე-6 საჯარო სკოლის დირექტორის ია კერზაიას შვილი ბაჩანა შენგელია დედის გარდაცვალებაში განათლების სამინისტროს ადანაშაულებს და შესაბამის ორგანოებს გამოძიების დაწყების მოთხოვნით მიმართავს. საქმეზე მოკვლევა დაიწყო მთავარმა პროკურატურამ, სადაც ბაჩანა შენგელიას 25 დეკემბერს გამოკითხავენ.

ია კერზაია 9 დეკემბერს დილით ქუთაისის ინტერვენციული მედიცინის ცენტრში გარდაიცვალა. ის საავადმყოფოში ინსულტის დიაგნოზით მოათავსეს. ბაჩანა შენგელია დედის ჯანმრთელობის მდგომარეობის გაუარესებას მასზე განხორციელებულ პოლიტიკურ ზეწოლას უკავშირებდა, რომელსაც, მისი მტკიცებით, კერზაია ხელისუფლებისგან განიცდიდა.

აღნიშნულ სკოლაში საქართველოს განათლებისა და მეცნიერების სამინისტროს გენერალური ინსპექციის სამსახური გასული თვის შუა რიცხვებში შევიდა. უწყების ინფორმაციით, სკოლაში მთელი რიგი დარღვევები გამოვლინდა, რომელთა შორის არის როგორც ადმინისტრაციული, ასევე ფინანსური გადაცდომები. თავად დირექტორი, ია კერზაია გენინსპექციის შესვლას პოლიტიკურ მოტივს უკავშირებდა და სამართლებრივად ბრძოლას აპირებდა. 

განათლების სამინისტროში განაცხადეს, რომ საკითხის პოლიტიზირება ხდება, რაც, კატეგორიულად მიუღებელია. ამასთან, უწყებაში განმარტეს, რომ სამინისტროს შესაბამისი სამსახური რეგულარულად აწარმოებს და მომავალშიც განაგრძობს სხვადასხვა სასწავლო დაწესებულების შესწავლას, რაც საარჩევნო პროცესშიც არ შეჩერებულა.



ამავე თემაზე:

პარლამენტში ზუგდიდის მე-6 სკოლაზე ინსპექტირების სამსახურის ანგარიშის მოსმენა გადაიდო 
Print Email
FaceBook Twitter
დღის სიახლეები
26 / აგვისტო 2019
„საპრეზიდენტო არჩევნების“ მეორე ტური აფხაზეთის დე ფაქტო რესპუბლიკაში 8 სექტემბერს გაიმართება.
26 / აგვისტო 2019
ზუგდიდის ბოტანიკური ბაღის სარეაბილიტაციო სამუშაოების დასრულება დაანონსებულ ვადაში ვერ მოხერხდება. მისი გახსნა
26 / აგვისტო 2019
საქართველოს პრეზიდენტი სალომე ზურაბიშვილი რუსეთის მიერ აფხაზეთის და „სამხრეთ ოსეთის“ "დამოუკიდებლობის" აღიარების თერთმეტი წლის თავს  ეხმაურება.
საზოგადოება
{{ARTICLEIMAGE}}ანაკლიასა და განმუხურში მუსიკალურ ფესტივალ ECHOWAVES 2019-ის მოსამზადებელი სამუშაოები მიმდინარეობს.
რუსეთ-საქართველოს 2008 წლის ომიდან 11 წელი გავიდა. აგვისტოს ხუთ დღიან ომს 400-ზე მეტი ადამიანის სიცოცხლე ემსხვერპლა, მათ შორის იყო 170 სამხედრო პირი, შს სამინისტროს 19 თანამშრომელი და 244 სამოქალაქო პირი.
ივლისში საქართველოს 1,099,474 საერთაშორისო ვიზიტორი ესტუმრა, რაც გასული წლის მაჩვენებელს 5.8%-ით აღემატება. ამის შესახებ ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა ტურიზმის მე-2 კვარტლის სტატისტიკის შეჯამების და ივლისის მონაცემებზე საუბრისას განაცხადა.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 29 °C
img
სოხუმი 28 °C
img
ფოთი 27 °C
img
მესტია 18 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.