რეგიონი
გალის ადმინისტრაციულ შენობასთან „აფხაზური პასპორტების“ მიღების მოთხოვნით აქცია იმართება
გალის რაიონის ადმინისტრაციასთან 80-მდე ადამიანი აქციას მართავს. შეკრებილები მათთვის „ახალი აფხაზური პასპორტების“ გაცემას ითხოვენ. „გალ ტვ-ს“ მიერ გავრცლებულ ვიდეოში ჩანს, რომ ადმინისტრაციის წარმომადგენელი მომიტინგეებს სთავაზობს, გამოყონ რამდენიმე ადამიანი, რომელიც ადმინისტრაციის ხელმძღვანელს თემურ ნადარაიას შეხვდება.

გავრცელებული ინფორმაციით, გალის მცხოვრებლებზე, რომლებსაც აქამდე ძველი ნიმუშის „აფხაზური პასპორტები“ ჰქონდათ, მხოლოდ „ბინადრობის უფლებას“ გასცემენ, რაც იმას ნიშნავს, რომ მათ „დროებითი მაცხოვრებლის სტატუსი“ მიენიჭებათ.

აფხაზეთის დე ფაქტო რესპუბლიკის პარლამენტმა 2017 წლის გაზაფხულზე მიიღო კანონი, რომელიც „აფხაზეთის მოქალაქეობის არმქონე“ პირის სამართლებრივ სტატუსს განსაზღვრავს. გადაწყვეტილების თანახმად, „დროებითი ბინადრის მოწმობა“ მიენიჭება უმეტესად გალის მცხოვრებლებს, რომელთა დიდი ნაწილს არ გააჩნია „აფხაზეთის მოქალაქეობა“. კანონის თანახმად, აფხაზეთში მცხოვრებ „უცხო ქვეყნის მოქალაქეებს“ მიეცემათ აფხაზეთში ცხოვრების, ასევე მის საზღვრებს გარეთ თავისუფლად გასვლისა და კვლავ შემოსვლის უფლება. ამ დოკუმენტით შესაძლებელი იქნება აფხაზეთიდან რუსეთის ტერიტორიაზე გადასვლაც.

გასული წლის დეკემბრის ბოლოს აფხაზურ მედიაში გავრცელდა ინფორმაცია, რომლის თანახმად, 2019 წლის 1 იანვრიდან აფხაზეთში ძველი პასპორტები გაუქმდება, თუმცა მიმდინარე წლის 21 იანვარს დე ფაქტო აფხაზეთის მინისტრთა კაბინეტმა მიიღო გადაწყვეტილება, რომ 2005 წელს გაცემული აფხაზური პასპორტების მოქმედების ვადამ პენსიონერებისთვის 1 მარტამდე გადაიწია. გადაწყვეტილება რესპუბლიკაში პენსიების შეუფერხებლად გაცემის მიზნით მიიღეს.

ამავე ცნობით, 2019 წლის 21 იანვრის მონაცემებით, გაცემულია 120 ათასი დოკუმენტი, ხოლო საპასპორტო განყოფილებებში ახალი აფხაზური პასპორტების 8500 ბლანკია შესული.


Print Email
FaceBook Twitter

კლინიკა მედის წელს 20 წელი შეუსრულდა და ამ თარიღთან დაკავშირებით, მთელი წლის განმავლობაში, უამრავ საჩუქარს და ფასდაკლებას უკეთებდა ერთგულ პაციენტებს. საიუბილეო წლის ბოლო თვეს კი კლინიკა უპრეცედენტო შეთავაზებებს გვპირდება.

წალენჯიხაში „ლაზიკა კაპიტალის“ თანამშრომლებმა მიუსაფარ ძაღლს, რომელიც მათი ოფისის მიმდებარედ ერთი წელია ცხოვრობს,  ხის სახლი დაუდგეს.
იპოთეკური სესხი განსაკუთრებული პირობებით — ტერაბანკი მომხმარებლებს ახალ აქციას სთავაზობს. აქციის ფარგლებში, ნებისმიერი მსურველი,
საზოგადოება
საქართველოს მოსახლეობის 78%, რომელსაც სმენია სრულად პროპორციულ სისტემაზე გადასვლის შესახებ საპარლამენტო არჩევნებისთვის, ემხრობა აღნიშნულ ცვლილებას. ამის შესახებ საერთაშორისო
რიკოთის საავტომობილო გვირაბში პროფილაქტიკური სამუშაოების გამო 14 ნოემბერს, 08:00-დან 18:00 საათამდე, ყველა სახის ავტოტრანსპორტის მოძრაობა აიკრძალება.
27 ნოემბრიდან საქართველო 6 თვით ევროპის საბჭოს თავმჯდომარე ქვეყანა გახდება.
დღის სიახლეები
12 / დეკემბერი 2019
პარლამენტარები ირაკლი ბერაია და რომან გოცირიძე ერთმანეთს ფიზიკურად დაუპირისპირდნენ. ბერაიას თქმით, გოცირიძეს ხელით ვერ მისწვდა და წიხლი დაარტყა.
12 / დეკემბერი 2019
"ევროპული საქართველოს" ზუგდიდელი დეპუტატი ლელა ქებურია ამბობს, რომ პარლამენტის სხდომათა დარბაზში გაურკვეველი ნივთიერების მოსხმასთან არანაირი კავშირი არა აქვს. მისივე თქმით, ის სხდომათა დარბაზში გარკვეული დრის განმავლობაში
12 / დეკემბერი 2019
ზუგდიდის განახლებულ ბოტანიკურ ბაღში შესვლა მოქალაქეთა გარკვეული ნაწილისთვის უფასო იქნება. შესაბამისი პროექტი, რომელშიც გაწერელია ფასები, საკრებულოს უკვე გადაეგზავნა.
მთავარი საინფორმაციო გამოშვება
არქივი
«« დეკემბერი 2019 »»
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
ამინდი
ზუგდიდი 17 °C
img
სოხუმი 15 °C
img
ფოთი 12 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.