ახალი ამბები
არქეოლოგი: მუზეუმი, ბოტანიკური ბაღი და ახალაშენებული სასტუმრო ერთმანეთს შეავსებს
არქეოლოგმა რევაზ პაპუაშვილმა  ზუგდიდის სკეიტ პარკის მიმდებარედ ყინულის სასახლის ადგილას სასტუმროს შესაძლო აშენებასთან დაკავშირებით ისაუბრა. მისი თქმით, სამხარეო ადმინისტრაციაში ამ საკითხის განხილვას ესწრებოდა და სასტუმროს მაკეტიც ნახა. პაპუაშვილი ფიქრობს, რომ მუზეუმი, ბოტანიკური ბაღი და ახალაშენებული სასტუმრო ერთმანეთს შეავსებს.

„ბოტანიკურ ბაღში რეაბილიტაციის პროცესში ბევრი ისეთი რაღაც გახდა ცნობილი. არ ვიცოდით, საიდან შემოდიოდა ბაღში სასმელი წყალი, ეს დავადგინეთ. აქამდე არ ვიცოდი, სად იყო ჯვარედინი სასახლე. ორსართულიანი შენობა, რომელიც აქამდე საჯინიბო გვეგონა, სულაც არ ყოფილა საჯინიბო და აღმოჩნდა, რომ ის ყოფილა ორანჟერეა. აქ შეიძლება მოეწყოს საკონფერენციო დარბაზი. ეს სასტუმრო და ბოტანიკური ბაღი შეიძლება ერთმანეთის შემავსებელი აღმოჩნდეს. მე მქონდა კონფერენციაზე საშუალება მენახა ეს მაკეტი მწვანე ბორცვაკებში ჩაფლული, მიმზიდველ გარემოს ქმნიდა. დანარჩენ საკითხებში გარკვეული არ ვარ და ვერაფერს მოგახსენებთ“, - აღნიშნა მან.

ზუგდიდის დემოკრატიული ჩართულობის ცენტრში მუნიციპალურ ინფრასტრუქტურულ პროექტებსა და მოსალოდნელ შედეგებზე ისაუბრეს. შეხვედრაზე მოქალაქეები დაინტერესდნენ, სასტუმროს აშენების შესახებ საჯარო დისკუსიის გამართვა იგეგმებოდა თუ არა. ისინი ამ საკითხის გადაწყვეტამდე, პროექტის შესახებ საზოგადოებისთვის დეტალური ინფორმაციის მიწოდებას ითხოვენ.

„თავდაპირველად საუბარი იყო 3500 კვ. მეტრზე  და აღმოჩდა, რომ ჰექტარზე მეტი ტერიტორია სჭირდება. ჩვენ გვაქვს ჩვენი შიშები, საერთო სარგებლობით იქნებაო ამბობთ, მაგრამ ეს მეეჭვება. ვიცით, რას ნიშნავს სასტუმროს ეზო და ისიც, რომ იქ ტურისტი არ შევა, თუ ეზო საერთო სარგებლობის იქნება. მოდით, გავაგებინოთ ზუგდიდელებს, რა ტერიტორიაც მიაქვს ამ სასტუმროს და ვკითხოთ მოსახლეობას უნდათ თუ არა“, - აღნიშნა მარიკა თოდუამ.

საკრებულოს თავმჯდომარის მამუკა წოწერიას თქმით, ინვესტორი სასტუმროს გარეთ უფრო მოაწყობს რეკრეაციულ ზონას, ვიდრე ეს ახლა არის.

„საუბარია, რომ ეს არის სარეკრეაციო ზონა. ვინ მიანიჭა ეს სტატუსი და არის თუ არა ბეტონით დაფარული ხრიოკი სარეკრეაციო ზონა. ეს იქნება საზოგადოებრივი სარგებლობის და არ იქნება დახურული არავისთვის“, - აღნიშნა მამუკა წოწერიამ.

მოქალაქეთა ნაწილი ყინულის სასახლის ადგილას სასტუმროს აშენების წინააღმდეგია. პროტესტის ნიშნად მოქალაქეებმა ყინულის სასახლე მწვანე ლენტით გუშინ შემოღობეს.

სამხარეო ადმინისტრაციის შენობაში ყინულის სახლის ადგილზე სასტუმროს მშენებლობასთან დაკავშირებით საჯარო განხილვა მოეწყო.

ამავე თემაზე:
მოქალაქეებმა ზუგდიდის ყინულის სასახლის შენობა პროტესტის ნიშნად მწვანე ლენტით შემოღობეს (ვიდეო)

უნდა აშენდეს თუ არა სასტუმრო სკეიტ პარკში - საჯარო განხილვა ზუგდიდში (ვიდეო)
Print Email
FaceBook Twitter
დღის სიახლეები
18 / ივლისი 2019
ზუგდიდელი ახალგაზრდა მომღერალი თამარ ლილუაშვილი ამერიკაში, კალიფორნიის შტატში მიმდინარე საერთაშორისო მუსიკის ფესტივალის ფინალშია.
17 / ივლისი 2019
ტყვარჩელის რაიონის პროკურატურამ რუსლან და ვიაჩესლავ ფანცულაიების გატაცების საქმეზე სისხლის სამართლის საქმე აღძრა,
17 / ივლისი 2019
ზუგდიდში თანამედროვე ხელოვნების ფესტივალი F5-ჩატარდება, რომელზეც სტუმრებს, 20-21 ივლისს ქართველი მწერლები, პოეტები და მუსიკოსები უმასპინძლებენ.
საზოგადოება
კლინიკა „მედი“ საქართველოში 1999 წლიდან წარმატებით ფუნქციონირებს. იგი წარმოადგენს ცნობილ ესთეტიკურ ინოვაციების საერთაშორისო კლინიკათა ქსელს - „მედი-ესთეტიკს“ საქართველოში.
{{ARTICLEIMAGE}}ზუგდიდში, საარსებო წყაროების განვითარების ცენტრში (LDC) ყოფილ მსჯავრდებულებსა და პრობაციონერებს სოციალური უნარების ოთხდღიანი ტრენინგი თემაზე
„ანაკლიის განვითარების კონსორციუმის“ დამფუძნებელი მამუკა ხაზარაძე სექტემბერში საზოგადოებრივი მოძრაობის შექმნას აანონსებს.
არქივი
ამინდი
ზუგდიდი 24 °C
img
სოხუმი 24 °C
img
ფოთი 25 °C
img
მესტია 16 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.