ახალი ამბები
მკვლელობაში ბრალდებული პოლიციელის საქმეზე კიდევ რვა მოწმე დაიკითხა
ზუგდიდის რაიონულ სასამართლოში მკვლელობაში ბრალდებული პოლიციელის, ჭაბუკა ლემონჯავას საქმეზე სამართალდამცველები და ის მოქალაქეები დაიკითხნენ, რომლებიც შემთხვევის ადგილას მომხდარიდან რამდენიმე წუთში მივიდნენ. ფოთში მცხოვრებმა ნიკა კოკაიამ პროცესზე თქვა, რომ 23 ივლისის ღამეს ის მეგობართან ერთად იმყოფებოდა, როდესაც სამეგრელოს მოედნიდან ხმაური შემოესმათ, ხოლო ადგილზე მისვლის შემდეგ დაჭრილი მამაკაცი დახვდათ.

„მე და ჩემი მეგობარი ჩემს საცხოვრებელი კორპუსის ეზოში სკამზე ვიჯექით, როდესაც ბრახუნი შემოგვესმა, მე ახალი ნაოპერაციევი ვიყავი და ნელა მივდიოდი, შესაბამისად ჩემი მეგობარიც ჩემთან ერთად მოდიოდა. სანამ იმ ადგილამდე მივიდოდით, საიდანაც ხმა შემოგვესმა დავინახეთ, რომ საპირისპირო მიმართულებით ვიღაც გარბოდა, თუმცა იმდენად შორს იყო, რომ სახე არ მინახავს. შემდეგ ვნახე ორი პოლიციელის სილუეტი. სამეგრელოს მოედანთან მაღაზია „ოკეანესთან“ ჩასარიცხ აპარატთან მოქალაქე იწვა,პირველი რაც გავაკეთე დავრეკე 112-ში და დახმარება ვითხოვე. შემდეგ გავიგე, რომ პოლიციელს გაუვარდაო“,- თქვა პროცესზე კოკაიამ.

რაც შეეხება იმ პოლიციის თანაშრომლებს, რომლებიც იმ საღამოს ფოთის სხვადსხვა ქუჩებში მორიგეობდნენ, იხსენებენ, რომ მათ ტელეფონზე ლემონჯავას მეწყვილემ რევაზ საჯაიამ დაურეკა და მათ სამეგრელოს ქუჩაზე მისვლა სთხოვა. ისინი ამბობენ, რომ მომხდარის შესახებ ადგილზე მისვლის შემდეგ გაიგეს. ასევე აღნიშნეს, რომ ბრალდებულს შუბლის არეში დაზიანება აღენიშნებოდა და ამბობდა, რომ თავი სტკიოდა.

„ადგილზე, რომ მივედი აპარატი გატეხილი იყო, იქვე ეგდო რკინის ჩაქუჩი და პიროვნება იწვა. მოპირდაპირე მხარეს იდგა ჭაბუკა ლემონჯავა. ხელები ჰქონდა თავზე მოჭერილი და ამბობდა, რომ თავის სტკიოდა. ვკითხე რა მოხდა რა მოგივიდა, ექიმი ხომ არ გაუჭირდება-მეთქი, არა არაფერი მინდა მეო. მერე გავიგე, რომ საავადმყოფოში გადაუყვანიათ“, - ამბობს პაპუნა ფაჩულია.

შემთხვევის ადგილიდან სამართალდამცავებმა ლემონჯავას კუთვნილი იარაღი ექვსი მჭიდით, ჩაქუჩი და ერთი ვაზნა ამოიღეს. ზუგდიდის რაიონულ სასამართლოში აღნიშნულ საქმეზე მოწმეების გამოკითხვა გრძელდება. სასმართლომ ასევე უნდა მოუსმინოს ერთადერთ პირდაპირ მოწმეს, რომელიც შემთხვევის ღამეს ჭაბუკა ლემონჯავასთან ერთად მორიგეობდა.

2018 წლის 23 ივლისს მამაკაცს სწრაფი ჩარიცხვის აპარატის გაქურდვის მცდელობის დროს სამართალდამცავმა, სავარაუდოდ, წინააღმდეგობის გაწევისას ესროლა. მამაკაცს ტყვია თავში ჰქონდა მოხვედრილი. შედეგად, ის ზუგდიდის საავადმყოფოში გარდაიცვალა. პროკურატურამ საქმე სს კოდექსის 333-ე მუხლის 3 ნაწილის "ბ" ქვეპუნქტით აღძრა, რაც გულისხმობს სამსახურებრივი უფლებამოსილების გადამეტებას ძალადობით, ან იარაღის გამოყენებით.

ამავე თემაზე:

მკვლელობაში ბრალდებული პოლიციელის საქმეზე ცხრა მოწმე დაიკითხა
Print Email
FaceBook Twitter
დღის სიახლეები
27 / ივნისი 2019
ბათუმის „რაგბი არენაზე“ საქართველოს სასკოლო ჩემპიონატის, „კოკა-კოლას თასის“ საიუბილეო, 25-ე გათამაშების ფინალური მატჩები ჩატარდა და 2019 წლის გამარჯვებული გამოვლინდა.
27 / ივნისი 2019
ზუგდიდის მუნიციპალიტეტის მერიამ პოლიკარპე ხუბულავას სახელობის მეგრული ფოლკლორის პირველი საერთაშორისო ფესტივალის „კოლხი და...“ ორგანიზებისთვის ტენდერი გამოაცხადა, რომლის შესყიდვის ღირებულება 32 308 ლარია.
27 / ივნისი 2019
ანაკლიის პორტის მხარდასაჭერად მოქალაქე ალექსანდრე ყულოშვილის ავტორობით manifest-ge-ზე პეტიცია გამოქვეყნდა. მის აღწერაში ნათქვამია, რომ საქართველოს მოსახლეობა კარგად აცნობიერებს ქვეყნის ეკონომიკურ და პოლიტიკურ კრახთან სიახლოვეს.
საზოგადოება
საქართველოს პრემიერ-მინისტრი მამუკა ბახტაძე ამბობს, რომ 20 ივნისის ღამით, ანტისაოკუპაციიო აქციის დაშლისას დაშავებულების ნებისმიერი სახის მკურნალობას
არასამთავრობო ორგანიზაციების „ბრიჯ-ინოვაცია და განვითარება“ და ჩეხური „ფიფლ ინ ნიიდის“ ორგანიზებით თბილისში ფერმერთა კონგრესი გაიმართა.
{{ARTICLEIMAGE}}ქართველი სპორტსმენები 20 ივნისის აქციის მონაწილეებს საკუთარ მხარდაჭერასა და სოლიდარობას უცხადებენ.
გამოკითხვა
ვინ უნდა აგოს პასუხი დუმის დეპუტატების პარლამენტში ყოფნაზე?
არქივი
ამინდი
ზუგდიდი 27 °C
img
სოხუმი 26 °C
img
ფოთი 25 °C
img
მესტია 17 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.