ახალი ამბები
IDFI: ორ წელში სამეგრელო-ზემო სვანეთის გუბერნატორის მანქანით გავლილი მანძილი დედამიწის სამჯერ შემოვლის ტოლია
IDFI-მ საქართველოს რეგიონების გუბერნიების ადმინისტრაციების მიერ ავტოპარკის განახლება/შენახვის პრაქტიკის და საწვავის მოხმარებაზე გაწეული ხარჯების ანალიზი გამოაქვეყნა. გამოქვეყნებულ ანგარიშში მითითებულია, რომ სამეგრელო-ზემო სვანეთის გუბერნატორზე განპიროვნებული ავტომობილებით განვლილი მანძილის მიხედვით, ბოლო ორი წლის განმავლობაში მან, დაახლოებით, სამჯერ შემოუარა დედამიწას.

2017 წელს ყველაზე მეტი კილომეტრაჟი აღრიცხულია სამეგრელო-ზემო სვანეთის გუბერნატორის ავტომობილზე - 68 ათასი კილომეტრი. ის 2017 წელს ყოველდღიურად საშუალოდ 186 კილომეტრს გადიოდა, ხოლო 2018 წელს – 178 კილომეტრს.

გუბერნატორებს შორის ყველაზე ახალი 2016 წელს გამოშვებული Toyota Landcruiser Prado განპიროვნებულია სამეგრელო-ზემო სვანეთის გუბერნატორზე, რომელიც ჩანაცვლების წესით შესყიდულია 2017 წელს. დღეის მდგომარეობით, მისი ნარჩენი ღირებულება შეადგენს 90,404 ლარს.

მიღებული მონაცემების მიხედვით, 2018 წელს გუბერნატორების მიერ საწვავის მოხმარებაზე გაწეული ხარჯი 534,015 ლარს შეადგენს, რაც 52,430 ლარით აღემატება 2017 წლის მაჩვენებელს (481,585 ლარი). 2017-2018 წლებში ყველაზე მეტ საწვავს მოიხმარდა სამეგრელო-ზემო სვანეთის გუბერნატორის ადმინისტრაცია. მათ მიერ ორ წელში 25,660 ლიტრი საწვავია გახარჯული, საიდანაც 2017 წელს 14,356 ლიტრი ხოლო 2018 წელს – 11,304 ლიტრი გახარჯეს.

2017 წელსა და 2018 წლის 26 ივლისამდე სამეგრელო-ზემო სვანეთის გუბერნატორის პოსტს ლევან შონია იკავებდა. მოგვიანებით, 2018 წლის 20 აგვისტოს ამ პოსტზე ალექსანდრე მოწერელია დანიშნეს. დაახლოებით, ერთი თვის განმავლობაში, გუბენრატორის მოვალებას პირველი მოადგილე კობა ქანთარია ასრულებდა.

"2017-2018 წლებში სახელმწიფო გუბერნატორების მაგალითზე განხილული საწვავის მოხმარების პრაქტიკა, რაც გამოიხატება ცალკეულ შემთხვევებში არაგონივრულად მაღალი ოდენობის საწვავის ათვისებაში, ცალსახად მიუთითებს კონტროლის მექანიზმების გაუმჯობესების აუცილებლობაზე. კერძოდ, მიზანშეწონილია, შესაბამისი ტექნოლოგიური სისტემის დანერგვით გამკაცრდეს სამსახურეობრივი ავტომობილებით არამიზნობრივი გადაადგილების მონიტორინგი და ყველა ავტომობილზე დაინერგოს საწვავის მოხმარების აღრიცხვის სისტემა - ე.წ. ჩიპი", - აღნიშნულია კვლევაში.

ორგანიზაციის წარმომადგენლები მიიჩნევენ, რომ გუბერნატორების მიერ ავტოპარკის განკარგვის პრაქტიკა კიდევ ერთხელ მიუთითებს სახელმწიფო ავტოპარკის ცენტრალიზებული სერვისის ჩამოყალიბების საკითხის განხილვის აუცილებლობაზე, რომლის მართვაში მოექცევა ყველა, მათ შორის გუბერნატორის ადმინისტრაციების ბალანსზე არსებული სახელმწიფო ავტომანქანა.




Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერი, გიორგი შენგელია ნაციონალური მოძრაობის ბრალდებას აბსურდულს უწოდებს და ოპოზიცური პარტიის წევრს ანა წითლიძეს
თუ ბოლო სამი წლის განმავლობაში თქვენს მოგზაურობას ისეთი არასასიამოვნო მოგონებებიც უკავშირდება, როგორიც ფრენის გადადება, გაუქმება ან თუნდაც, ბარგის დაზიანებაა,
გადეცემის თემა -  COVID-19 გავრცელების პრევენცია იძულებით გადაადგილებულ პირთა კოლექტიურ ცენტრებში.
კორონავირუსი
ოპერატიული შტაბის ინფორმაციით, გასული დღე - ღამის განმავლობაში კორონავირუსზე 57 ადამიანს ჩაუტარდა ტესტირება,
ზუგდიდის საზოგადოებრივი ჯანდაცვის ცენტრის ინფორმაციით, კორონავირუსზე 127 პირი გამოიკვლიეს, მათგან 12 პაციენტი იყო,

მოსახლეობის კორონავირუსისგან დაცვის მიზნით შექმნილი ოპერატიული შტაბის ინფორმაციით, 2 ივნისის მონაცემებით, აფხაზეთში

საზოგადოება
2020 წლის 25, 29 და 30 მაისს, სამეგრელო-ზემო სვანეთის რეგიონული ჰაბის ასოციაცია „ათინათის“ ინიციატივით, მსოფლიოში და მათ შორის საქართველოში
სოციალურმა მედია პლატფორმამ Tik Tok - მა გაასწორა შეცდომა და ახლა აპლიკაციაში აფხაზეთის და ცხინვალის რეგიონები არ არიან მითითებული, როგორც დამოუკიდებელი სახელმწიფოები.
პირველი მეგრულენოვანი სამეცნიერო ხასიათის ჟურნალი „სქანი“ თბილისში უკვე იყიდება.
დღის სიახლეები
03 / ივნისი 2020
ოპერატიული შტაბის ინფორმაციით, გასული დღე - ღამის განმავლობაში კორონავირუსზე 57 ადამიანს ჩაუტარდა ტესტირება,
03 / ივნისი 2020
შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა სამეგრელოში 1991 წელს დაბადებული
მთავარი საინფორმაციო გამოშვება
არქივი
«« ივნისი 2020 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
ამინდი
ზუგდიდი 18 °C
img
სოხუმი 18 °C
img
ფოთი 18 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.