ახალი ამბები
ადვოკატი: სუსლიაკების ბავშვები რამდენიმე საათში იქნებიან უკრაინაში
იულია სუსლიაკის ადვოკატის ზურაბ თოდუას ინფორმაციით, 10 უკრაინელი ბავშვი რამდენიმე საათში სამშობლოში ჩაფრინდებიან.  როგორც მან რადიო „ათინათს“ უთხრა,  ბავშვებს მეზობელი ქვეყნიდან ჩამოსული დელეგაცია წაიყვანს და მათ მინდობით ამღზრდელ პირებს და ბიოლოგიურ ბებიებს ჩააბარებენ. რაც შეეხება სუსლიაკის გათავისუფლებასთან დაკავშირებით მოთხოვნას, თოდუა ამბობს, მისი უდანაშაულობა სასამართლო პროცესზე უნდა დაამტკიცდეს. ადვოკატმა ჩვენთან საუბარში ასევე თქვა, რომ აღნიშნული ინფორმაცია განსაკუთრებულად ზუგდიდში აინტერესებთ და სწორედ ამ ქალაქში დაიჯერეს, რომ მისი დაცვის ქვეშ მყოფი ბავშვების ყიდვა-გაყიდვით იყო დაკავებული.

“ეს ინფორმაცია ძალიან აინტერესებთ ზუგდიდელებს და ძალიან დიდი მოკითხვა მათ. თქვენი რადიოს საშუალებით მინდა ყველას მიაწოდოთ ეს ინფორმაცია, რომ ბავშვების თაობაზე გადაწყვეტილება მიღებულია და ისინი უახლოეს საათებში იქნებიან თავიანთ ქვეყანაში. ეს ინფორმაცია მინდა გაიგონ იმ ადამიანებმა, ვისაც სჯერა, რომ სუსლიაკი ბავშვებს ყიდის. ბებიები არიან ჩამოსული, რომლებსაც უკრაინის სახელმწიფომ გაუფორმა მეურვეობა, მზრუნველობა. ჩამოსულია უკრაინის პრეზიდენტის წარმომადგენლები, ასევე სოციალური სამსახურის წარმომადგენლები, პედიატრები და ამ ჯგუფმა უნდა წაიყვანოს ეს ბავშვები. მოთხოვნა სუსლიაკის გათავისუფლების შესახებ ძალაში რჩება, თუმცა ეს ასე ადვილად არ კმაყოფილდება. სასამართლოში დავამტკიცებთ, რომ სუსლიაკი უდანაშაულოა  და პროკურორის პასუხისმგებლობის საკითხს მოვითხოვთ", - ამბობს ზურაბ თოდუა.

შინაგან საქმეთა სამინისტროს ინფორმაციით, სუსლიაკი საქართველოში 10 მცირეწლოვან ბავშვთან ერთად რუსეთიდან 2019 წლის 8 აპრილს ჩამოვიდა და აფხაზეთის ოკუპირებულ ტერიტორიაზე გადასვლას აპირებდა. საგამოძიებო უწყებაში აცხადებენ, რომ დოკუმენტაციის მიხედვით, 10-ვე ბავშვი იულია სუსლიაკის შვილია და მის გვარს ატარებს, თუმცა მცირეწლოვნებიდან 4 დაბადებულია 2017 წელს, რამაც სამართალდამცველებს ტრეფიკინგის ეჭვი გაუჩინა. ამავე ცნობით, იულია სუსლიაკი უკრაინიდან რუსეთში 11 ბავშვის თანხლებით გადავიდა, საქართველოში კი 10 ბავშვი ჩამოიყვანა. შინაგან საქმეთა სამინისტრო ინტერპოლის არხებით ცდილობს მოიძიოს ინფორმაცია იმ ერთი ბავშვის შესახებ, რომელიც გაუჩინარდა.

გამოძიება ორი ან მეტი არასრულწლოვნით ვაჭრობის (ტრეფიკინგი) ფაქტზე, საქართველოს სსკ-ის 143-ე 2-პრიმა მუხლის მე-3 ნაწილის „გ“ ქვეპუნქტით მიმდინარეობს. დანაშაული 14-დან 17 წლამდე თავისუფლების აღკვეთას ითვალისწინებს.

ამავე თემაზე:

სუსლიაკების  ბავშვების უკრაინაში დასაბრუნებლად ზელენსკიმ თბილისში წარმომადგენლები გამოგზავნა






Print Email
FaceBook Twitter
რ ე კ ლ ა მ ა
"ქართული ოცნება-დემოკრატიული საქართველოს" ზუგდიდის მაჟორიტარი დეპუტატობის კანდიდატი ირაკლი ჩიქოვანი, ქართული ავიაციის 28-ე წლისთავს ეხმიანება
"ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატი ალექსანდრე მოწერელია წალენჯიხაში საბავშვო ბაღის პედაგოგებს შეხვდა.
"ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატმა ალექსანდრე მოწერელიამ შეხვედრები გამართა
კორონავირუსი
ბოლო 24 საათის განმავლობაში აფხაზეთში კორონავირუსზე ტესტირება 195 პირს ჩაუტარდა. კვლევის შედეგად ინფიცირების 53 ახალი შემთხვევა გამოვლინდა.
ზუგდიდის ინფექციური საავადმყოფოს ლაბორატორიაში ბოლო 24 საათის განმავლობაში კორონავირუსზე 649 პირის ბიოლოგიური ნიმუში გაიტესტა. გამოკვლეულთა შორის 6-ს Covid-19 დაუდგინდა.
დღევანდელი მონაცემებით აფხაზეთში კორონავირუსზე ტესტირება 187 პირს ჩაუტარდა. კვლევის შედეგად ინფიცირების 43 ახალი შემთხვევა გამოვლინდა. ინფორმაციას დე ფაქტო რესპუბლიკის ოპერატიული შტაბი ავრცელებს.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
19 / სექტემბერი 2020
"ქართული ოცნება-დემოკრატიული საქართველოს" ზუგდიდის მაჟორიტარი დეპუტატობის კანდიდატი ირაკლი ჩიქოვანი, ქართული ავიაციის 28-ე წლისთავს ეხმიანება
19 / სექტემბერი 2020
ბოლო 24 საათის განმავლობაში აფხაზეთში კორონავირუსზე ტესტირება 195 პირს ჩაუტარდა. კვლევის შედეგად ინფიცირების 53 ახალი შემთხვევა გამოვლინდა.
19 / სექტემბერი 2020
ცაიშის მოსახლეობამ საპროტესტო აქცია გამართა და გზა დროებით გადაკეტა. ადგილობრივები სოფლის ტერიტორიაზე არსებული ნაგავსაყრელის გამო მომრავლებულ
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 17 °C
img
ფოთი 19 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.