ახალი ამბები
„გახარია, წადი“ - სტენსილისთვის ზუგდიდის მერიამ მოქალაქეები დააჯარიმა
ზუგდიდის მერიის ზედამხედველობისა და არქიტექტურის სამსახურის თანამშრომლებმა აქტივისტი მარიამ სიჭინავა თანმხლებ პირთან ერთად 500 ლარით დააჯარიმა. ოქმი მათ ადმინისტრაციულ სამართალდარღვევათა წესის 150-ე მუხლის მეორე ნაწილის შესაბამისად გამოუწერეს. როგორც სიჭინავამ რადიო „ათინათს“ უთხრა, შემთხვევა წუხელ, დაახლოებით, 12 საათზე მოხდა.

„წუხელ გვიან ღამით ქალაქის ცენტრში სტენსილებს ვაკეთებდით. მეორე სკოლის მიმდებარედ განვათავსეთ და გამგეობისკენ როცა გადმოვედით, მოვიდნენ და გამოგვიწერეს ოქმი. სტენსილები გადაღებეს“, - გვითხრა სიჭინავამ. მისივე თქმით, საქმეზე სასამართლოში განაგრძობს დავას.

ზუგდიდის მერიაში ამბობენ, რომ ზედამხედველობის სამსახურის წარმომადგენლებმა ახალგაზრდებს შესაბამისი დოკუმენტი მოსთხოვეს, რომელიც მათ ვერ წარმოადგინეს.

„ახალგაზრდების ჯგუფი ზუგდიდის მუნიციპალიტეტის ადმინისტრაციული შენობის მიმდებარე ტერიტორიაზე ახდენდნენ უკანონო ქმედებას, რაზეც მათ ზუგდიდის მუნიციპალიტეტის ზედამხედველობისა და არქიტექტურის სამსახურის წარმომადგენლებმა მოსთხოვეს ნებართვის დოკუმენტი. აღნიშნული დოკუმენტის არქონის საფუძველზე, ზედამხედველობის ჯგუფმა ადგილზე შეადგინა, ადმინისტრაციული სამართალდარღვევის ოქმი. რაც შეეხება ჯარიმის ოდენობას და დაწესებას, ეს სასამართლოს პრეროგატივაა, დაუწესებს თუ არა მათ გადასახადს“, - გვითხრეს მერიაში.

რადიო "ათინათის" კითხვაზე, როგორ აღმოჩნდა არასამუშაო დროს ზედამხედველობისა და არქიტექტურის სამსახური ადგილზე, მერიაში გვიპასუხეს, რომ წარმომადგენლები მორიგ შემოვლას აწარმოებდნენ ქალაქის ტერიტორიაზე . მერიაში ასევე ამბობენ, რომ შესაბამისი სამსახური სისტემატურად ახორციელებს ასეთ შემოვლას, არა მარტო ქალაქის ტერიტორიაზე, არამედ ადმინისტრაციულ ერთეულებშიც.

ზუგდიდის მერიის ზედამხედველობის თანამშრომლებმა "ერთიანი ნაციონალური მოძრაობის" ზუგდიდის ორგანიზაციის ერთ-ერთი წევრ გიორგი ფიფია გიორგი გახარიას გამოსახულებით ბანერის გადმოფენისთვის 4 ივლისს დააჯარიმეს.

ადრე ამავე  კორპუსიდან სამოქალაქო აქტივისტებმა პუტინის საწინააღმდეგო ბანერი დაკიდეს. ზედამხედველობის სამსახურის ხელმძღვანელის მოადგილეს ჟურნალისტებმა ვკითხეთ, რატომ არ მოახდინეს რეაგირება აღნიშნულ შემთხვევაზე, რაზეც იაგო ქირიამ გვიპასუხა, რომ შაბათ-კვირას შესაბამისი სამსახური მხოლოდ შეტყობინებების საფუძველზე მუშაობს.

Print Email
FaceBook Twitter
გადაცემა მომზადებულია სამედიცინო ფსიქოლოგიური ცენტრი "მნათობის" პროექტის "ერთად დავძლიოთ ძალადობა" ფარგლებში, რომელიც მხარდაჭერილია საქართველოში ქალთა ფონდის მიერ.
თხილის მწარმოებელთა ასოციაცია მეთხილე ფერმერების სასარგებლოდ ახალი ინიციატივით გამოდის.
ჩვენი ტუჩები, ისევე როგორც თითები, ანაბეჭდების ფორმით, უნიკალურია და მსოფლიოში მას ანალოგი არ აქვს. სწორედ ამიტომ, ჩვენ ტუჩებს განსაკუთრებული მოვლა და გაფრთხილება ჭირდება.
საზოგადოება
რიკოთის საავტომობილო გვირაბში პროფილაქტიკური სამუშაოების გამო 14 ნოემბერს, 08:00-დან 18:00 საათამდე, ყველა სახის ავტოტრანსპორტის მოძრაობა აიკრძალება.
27 ნოემბრიდან საქართველო 6 თვით ევროპის საბჭოს თავმჯდომარე ქვეყანა გახდება.
ეკონომიკისა და მდგრადი განვითარების მინისტრის მოადგილის აკაკი საღირაშვილის განცხადებით, ანაკლიის პორტთან დაკავშირებით მნიშვნელოვანი ინტერესი არსებობს და ადგილზე ჩასვლას
დღის სიახლეები
14 / ნოემბერი 2019
საარჩევნო სისტემის ცვლილებასთან დაკავშირებული კანონპროექტის ჩაგდება ზუგდიდში მაჟორიტარი დეპუტატის მერაბ ქვარაიას ბიუროსთან გააპროტესტეს.
14 / ნოემბერი 2019
ქალაქ ზუგდიდის მაჟორიტარი დეპუტატის მერაბ ქვარაიას ბიუროსთან საპროტესტო აქცია მიმდინარეობს.
14 / ნოემბერი 2019
ზუგდიდში, ბულვარის მიმდებარედ ბრიტანეთის საელჩოს საქმიანობის შესახებ გამოფენა მოეწყო. გარდა ამისა, ახალგაზრდებისთვის ინტელექტუალური თამაშები გაიმართა, გამარჯვებულები კი სიმბოლური პრიზებით დაჯილდოვდნენ.
მთავარი საინფორმაციო გამოშვება
არქივი
«« ნოემბერი 2019 »»
28293031 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1
ამინდი
ზუგდიდი 11 °C
img
სოხუმი 18 °C
img
ფოთი 12 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.