ზუგდიდში მემორიალი აგვისტოს ომის გმირის შვილმა გახსნა (ფოტო, ვიდეო)
12:36 / 08.08.2019
ზუგდიდის სკეიტ-პარკში აგვისტოს ომში დაღუპული გმირების მემორიალი ბადრი ბერანძის შვილმა სამეგრელოს გუბერნატორთან და ზუგდიდის მერთად ერთად გახსნა.
„დღევანდელი დღე საქართველოს ისტორიაში ტრაგიკული და თან სიამაყის დღეა. ქედას ვიხრი ჩვენი ჯარისკაცების წინაშე და იმედს გამოვთქვამ, რომ საქართველო გამთლიანდება, როგორც მათ სურდათ“, - თქვა ბადრი ბერანძის მეუღლემ ლინდა გეგეშიძემ.
ღონისძიებას ომში დაღუპული გმირების ოჯახის წევრები და ადგილობრივი ხელისუფლების წარმომადგენლები დაესწრნენ.
„საქართველოს უახლეს ისტორიაში ერთ-ერთი უმძიმესია აგვისტოს ომი, როცა ჩვენი ქვეყანა კიდევ ერთხელ გახდა რუსული აგრესიის მსხვერპლი. თითოეული ჩვენგანისთვის არის უაღრესად მტკივნეული, ამავე დროს, ჩვენი ბიჭების მხრიდან მომავალი თაობისთვის მაგალითი იმისა, თუ როგორ უნდა გიყვარდეს შენი სამშობლო. რუსეთი, რა თქმა უნდა, ოკუპანტი და აგრესორია, რომელიც ეწევა ფარულ და აშკარა ომს. სხვა საკითხია, როგორ შეიძლებოდა საქართველოს ახლა და წარსულში აეცილებინა ის, რაც მოხდა. რუსეთმა დაიწყო ომი, თუმცა, ალბათ, შეიძლებოდა, უფრო ფრთხილი მოქმედებით აგვეცილებინა ეს აშკარა დაპირისპირება, როგორც დღეს, როცა რუსული ჯარი ჩვენს ტერიტორიაზეა, თუმცა არ გვაქვს შეიარაღებული დაპირისპირება“, - განაცხადა გუბერნატორმა.
გმირების ხსოვნას პატივი მიაგო ზუგდიდის მერმა გიორგი შენგელიამაც.
„ჩვენი უახლესი ისტორიის უმძიმესი დღეა. ჩვენი გმირების უკვდავსაყოფად გავხსენით მონუმენტი, რომელიც კიდევ ერთხე ხაზს უსვამს ამ ძვირფასი ადამიანების ღვაწლს სამშობლოს წინაშე. მე მინდა ქედი მოვიხარო მათ წინაშე და მადლობა გადავუხადო ღვაწლისა და თავდადებისთვის. საქართველოს ტერიტორიების ტერიტორიების 20 % ოკუპირებულია რუსეთის მიერ და ყველა ვთანხმდებით ამაზე, ასე რომ, ბუნებრივია, ომი 2008 წელს რუსეთის მიერ იყო ინიცირებული“, - აღნიშნა შენგელიამ.
აგვისტოს ომიდან დღეს 11 წელი გავიდა. ზუგდიდიდან ომს 4 ჯარისკაცი ემსხვერპლა: კაპიტანი კობა სერგია და კაპრალები ბადრი ბერანძე, სერგეი გოროზია და დავით ჯიქია 8 აგვისტოს გმირულად დაიღუპნენ.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
ზუგდიდში პირველი საზოგადოებრივი ორგანიზაცია ასოციაცია "ათინათი", რომელიც 28 წლის განმავლობაში არაერთი მიმართულებით მუშაობს და მრავალფეროვან პროექტებს ახოციელებს, ე.წ. "აგენტების" კანონს ეწინააღმდეგება.
მაზაკვალი ანუ ქართულად მზაკვარი არის კუდიანი ქალი, რომელიც შეიარაღებულია თვალცემულობის ძალით და ცდილობს მოსპოს, გაანადგუროს ყველაფერი, რაც დაკავშირებულია სიკეთესთან, ბედნიერებასთან, სილამაზესთან და კმაყოფილებასთან.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები