ახალი ამბები
ცენტრ "აფხაზეთსა“ და საარსებო წყაროებით უზრუნველყოფის სააგენტოს შორის მემორანდუმი გაფორმდა (ვიდეო) ®
ზუგდიდში საარსებო წყაროების უზრუნველყოფის სააგენტოსა და საქველმოქმედო ჰუმანიტარულ ცენტრ „აფხაზეთს“ (CHCA) შორის ურთიერთთანამშრომლობის მემორანდუმი გაფორმდა. ცენტრ „აფხაზეთის“ დირექტორის ნუკრი მილორავას თქმით, მემორანდუმის მიზანია იძულებით გადაადგილებული პირებისთვის საარსებო პირობების გაუმჯობესება. გარდა ამისა, მისვე განმარტებით, პროგრამაში ჩართული ბენეფიციარებს ჩაუტარდებათ  ტრენინგები, რაც მათ თავიანთი საქმიანობისა და ბიზნესის უკეთ წარმოებაში დაეხმარება.

„ეს მემორანდუმი ითვალისწინებს ურთიერთთანამშრომლობით რესურსების გაერთიანებას, რაც მიზნად ისახავს დევნილებისთვის უზრუნველყოფილ, გრძელვადიან საცხოვრებო პირობებს, შემოსავლების გაზრდას და განვითარებას. საქართველოს მასშტაბით 40-მდე დევნილი მიიღებს ეკონომიკურ რესურსს იმისთვის, რომ აწარმოოს თავისი ეკონომიკური საქმიანობა, თუ ბიზნესი. თუმცა მათ რესურსთან ერთად აუცილებად სჭირდებათ ის უნარები და ცოდნა, რომელიც დაეხმარება ამ რესურსების სწორად გამოყენებაში. სწორედ ამიტომ, მათ უტარდება ტრენინგები. შემდეგ კი მათ ჩვენი თანამშრომლები დაეხმარებიან ბიზნესგეგმის შევსებაში და გაუწევენ კონსულტაციას“, - ამბობს მილორავა.

მემორანდუმს ხელი  საარსებო წყაროების უზრუნველყოფის სააგენტოს დირექტორის მოვალეობის შემსრულებელმა თამარ გავაშელმა და საქველმოქმედო ჰუმანიტარული ცენტრი „აფხაზეთის“ (CHCA) დირექტორმა ნუკრი მილორავამ მოაწერეს. გავაშელის ინფორმაციით, ტრენინგების გარდა პროგრამაში ჩართულ ბენეფიციარებს მექანიზაციის საშუალებები, კულტივატორი, მინი ტრაქტორი და  მრავალწლიანი კულტურის  ნერგები გადაეცემათ.

„დღეს ძალიან მნიშვნელოვანი დღეა, ჩვენი ქვეყნისთვის რაც სიმბოლურად დაემთხვა 8 აგვისტოს. ამ მემორანდუმის ხელმოწერა კიდევ ერთხელ უსვამს ხაზს იმას, რომ დევნილთა თემატიკა აქტუალურია, როგორც სახელმწიფოსთვის, ასევე არასამთავრობო სექტორისთვის. მემორანდუმი მიზნად ისახავს სახელმწიფო და არასამთავრობო ორგანიზაციებს ფინანსური რესურსების გამოყენებით დევნილთათვის უფრო მეტი სიკეთის მოტანას.  მემორანდუმი, ასევე მიზნად ისახავს მათ ჩართვას სხვადასხვა ღონისძიებებში. ჩვენი ორგანიზაცია ახორციელებს განსახლებულ დევნილთა ინტეგრაციის ხელშეწყობის პროგრამას, რომლის ფარგლებშიც განსახლებულ დევნილებს გადაეცემათ მექანიზაციის საშუალებები, კულტივატორი, მინი ტრაქტორი, მრავალწლიანი კულტურის  ნერგები და სურსათის პირველადი წარმოება-გადამუშავებასთან დაკავშირებული ინიციატივებისთვის საჭიროა ტექნიკა“, - აღნიშნა გავაშელმა.

ცენტრი „აფხაზეთი“ პროექტებს მთელი საქართველოს მასშტაბით ახორციელებს. მათ შორის სამეგრელო-ზემო სვანეთის რეგიონში ამ ეტაპზე 5 მიმდინარე პროექტი აქვს. პროექტების ბენეფიციარები არიან დევნილები, მასპინძელი თემი, გამყოფი ხაზის გასწვრივ მოქმედი მეწარმეები, კანონთან კონფლიქტში მყოფი პირები, ადგილობრივი ორგანიზაციები და სხვა.









Print Email
FaceBook Twitter
რ ე კ ლ ა მ ა
ჩხოროწყუს მუნიციპალიტეტში საგზაო ინფრასტრუქტურის მოწყობა აქტიურად გრძელდება.
2008 წლის აგვისტოს ომში საქართველოს ტერიტორიული მთლიანობისთვის დაღუპული ჩხოროწყუელი მებრძოლის კობა წურწუმიას ხსოვნას პატივი მიაგეს.
სოფელ მუხურში, ლეთოლორდეს უბანში, 3 კილომეტრის მანძილზე ასფალტო-ბეტონის საფარით საავტომობილო გზის რეაბილიტაცია მიმდინარეობს.
კორონავირუსი
მესტიაში შსს-ს 3 თანამშრომელს, მათ შორის მეხანძრე-მაშველს, დაცვის პოლიციელს და სასაზღვრო პოლიციის თანამშრომელს კორონავირუსი დაუდგინდა.
ახალი კორონავირუსის შემთხვევების გამოვლენით შექმნილი ვითარების გამო, გარემოს დაცვისა და სოფლის მეურნეობის მინისტრის მოადგილე მესტიაში
პრემიერ მინისტრის მრჩეველის რეგიონალურ საკითხებში სოზარ სუბარის თქმით, ამ დროისთვის მესტიის მუნიციპალიტეტში კოვიდ19-ზე 500-მდე ნიმუშია
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
დღის სიახლეები
11 / აგვისტო 2020
მესტიაში შსს-ს 3 თანამშრომელს, მათ შორის მეხანძრე-მაშველს, დაცვის პოლიციელს და სასაზღვრო პოლიციის თანამშრომელს კორონავირუსი დაუდგინდა.
11 / აგვისტო 2020
ახალი კორონავირუსის შემთხვევების გამოვლენით შექმნილი ვითარების გამო, გარემოს დაცვისა და სოფლის მეურნეობის მინისტრის მოადგილე მესტიაში
11 / აგვისტო 2020
პრემიერ მინისტრის მრჩეველის რეგიონალურ საკითხებში სოზარ სუბარის თქმით, ამ დროისთვის მესტიის მუნიციპალიტეტში კოვიდ19-ზე 500-მდე ნიმუშია
მთავარი საინფორმაციო გამოშვება
არქივი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 20 °C
img
სოხუმი 22 °C
img
ფოთი 19 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.