ახალი ამბები
ზუგდიდელებს შრომის უსაფრთხოების შესახებ კანონის სიახლეები გააცნეს (ვიდეო)
ზუგდიდში, პარლამენტის წევრებმა და ბიზნესომბუდსმენმა ირაკლი ლექვინაძემ ადგილობრივ ბიზნესმენებს ,,შრომის უსაფრთხოების შესახებ” კანონით დადგენილი ცვლილებები გააცნეს.
როგორც დეპუტატმა დიმიტრი ცქიტიშვილმა აღნიშნა, აუცილებელია, რომ კანონმდებლებსა და საზოგადოების დაინტერესებულ ნაწილს შორის კანონის უფრო ეფექტური მუშაობისთვის კომუნიკაცია შედგეს.

„შრომის უსაფრთხოების შესახებ მიღებული კანონის განხორციელებაზე ვმუშაობთ, რომ ახალი სტანდარტები მაქსიმალურად იყოს გათვალისწინებული. გვჭირდება კომუნიკაცია ბიზნესის წარმომადგენლებთან, რომ გვქონდეს თანამშრომლობა მათთან და მოვახერხოთ სრულფასოვნად და ეფექტურად კანონის განხორციელება, რომელიც მნიშვნელოვანია ადამიანის სიცოცხლის და ჯანმრთელობის გადასარჩენად“, - განაცხადა ცქიტიშვილმა.

ქალაქ ზუგდიდის მაჟორიტარი დეპუტატი მერაბ ქვარაია მიიჩნევს, რომ ზუგდიდშიც, ისევე, როგორც მთელს ქვეყანაში, საჭიროა, ხალხმა მაქსიმალური ინფორმაცია მიიღოს.

„აუცილებელია, რომ იყოს გამკაცრებული ნორმების კონტროლი, რათა თითოეული ადამიანის უფლება იყოს მაქსიმალურად დაცული. ინფორმაციის მიღება კი ხელს შეუწყობს, რომ შრომის პროცესში დასაქმებულის სიცოცხლე და უსაფრთხოება დაცული იყოს“, - დასძინა ქვარაიამ.

დამსწრეებს შრომის ინსპექციის დეპარტამენტის საქმიანობის და სამომავლო გეგმების შესახებ ინფორმაციაც მიაწოდეს. შეხვედრას ადგილობრივი თვითმმართველობის წარმომადგენლები, მათ შორის, მხარის რწმუნებული ალექსანდრე მოწერელია და ზუგდიდის მერი გიორგი შენგელია დაესწრნენ.


2019 წლის მიღებული ორგანული კანონის თანახმად, შრომის უსაფრთხოების მოქმედების არეალი შეუზღუდავი გახდა და გავრცელდა ეკონომიკური საქმიანობის ყველა სფეროზე და საჯარო სექტორზე (2019 წლის 1 სექტემბრიდან).

ცვლილებების თანახმად, შრომის უსაფრთხოებაზე ზედამხედველი ორგანო უფლებამოსილი გახდა წინასწარი შეტყობინების გარეშე და სასამართლო ნებართვის გარეშე, დღისა და ღამის ნებისმიერ მონაკვეთში შეამოწმოს ინსპექციისადმი დაქვემდებარებული ნებისმიერი სამუშაო სივრცე (2019 წლის 1 სექტემბრიდან). კანონში ასევე დადგინდა ეფექტური და დიფერენცირებული სანქციები, რომელთა მოცულობა მერყეობს 100 ლარიდან 50,000 ლარამდე, დარღვევისა ხარისხისა და შემოწმებული კომპანიის მოცულობის შესაბამისად. მდგომარეობის კრიტიკული შეუსაბამობის შემთხვევაში ინსპექტორს ეძლევა სამუშაო პროცესის შეჩერების უფლებაც, რაც შემდგომში სასამართლოს გადაწყვეტილებით უნდა დადასტურდეს.

შეხვედრა ეროვნულ-დემოკრატიული ინსტიტუტის (NDI) მხარდაჭერით და დიდი ბრიტანეთის მთავრობის UK Aid-ის ფინანსური ხელშეწყობით ხორციელდება.




Print Email
FaceBook Twitter
დღის სიახლეები
19 / ოქტომბერი 2019
ზუგდიდის სოფელ რუხში გამართულ „ხაჭაპურის ფესტივალზე“ სხვადასხვა სახეობის ხაჭაპურის მომზადებაში გამარჯვებული მცხობელები დაასახელეს.
19 / ოქტომბერი 2019
ზუგდიდის სოფელ რუხში "ხაჭაპურის ფესტივალის" ფარგლებში ჩატარებულ კონკურსში მონაწილე მცხობელები სხვადასხვა ნომინაციაში დაჯილდოვდნენ.
19 / ოქტომბერი 2019
ზუგდიდის სოფელ რუხში, დღეს ადმინისტრაციული საზღვრის მიმდებარედ "ხაჭაპურის ფესტივალი" ჩატარდება.
საზოგადოება
ქართული სამშენებლო კომპანია „პრაიმ ბეტონი“ (Prime Concrete) ფოთის პორტში ახალ „პეის ტერმინალს“ (Pace Terminal) აშენებს, რომლის სამშენებლო სამუშაოების საერთო ღირებულება 20 მლნ აშშ დოლარს შეადგენს.
დადიანების სასახლეთა ისტორიულ-არქიტექტურული მუზეუმის ეზოში მატერიალური მხარდაჭერის კონკურსში გამარჯვებულები დაჯილდოეს. ღონისძიება საერთაშორისო ორგანიზაცია
სამეგრელოში მომდევნო ხუთი დღის განმავლობაში უნალექო ამინდები შენარჩუნდება.
მთავარი საინფორმაციო გამოშვება
არქივი
ამინდი
ზუგდიდი 14 °C
img
სოხუმი 16 °C
img
ფოთი 17 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.