ახალი ამბები
ასლან ბასარია: აფხაზური კანონმდებლობის მიხედვით, ენგურჰესი აფხაზეთის საკუთრებაა

კომპანია „ჩერნომორენერგოს“ დირექტორმა უარყო აფხაზეთის დე ფაქტო რესპუბლიკის პარლამენტის დეპუტატის ბრალდებები საწარმოს უკანონო საქმიანობის შესახებ.

ასლან ბასარიამ ალმას ჯაპუას შესაბამის საჯარო განცხადებას პრესკონფერენციაზე უპასუხა და ჰიდროელექტროსადგურის ირგვლივ არსებულ სიტუაციასთან დაკავშირებით განმარტებები გააკეთა:

„უნდა შეგახსენოთ, რომ ენგურჰესის კომპლექსის ნაწილი საქართველოს ტერიტორიაზე მდებარეობს, ამასთან კომპლექსის მიერ გამომუშავებული ელექტროენერგიით ორივე ქვეყანა სარგებლობს. ამ უნიკალურ სიტუაციასთან დაკავშირებით, ორი ერთმანეთის მიმართ მტრულად განწყობილი ქვეყანა იძულებულია ერთი ობიექტის ექსპლუატაცია მოახდინოს. შესაბამისად, 26 წლის განმავლობაში არსებობს სათუთი „ენერგეტიკული მშვიდობა“ აფხაზეთსა და საქართველოს შორის, იმისთვის, რომ ორივე ქვეყანამ შეძლოს ამ კომპლექსის მიერ გამომუშავებული ელექტროენერგიით სარგებლობა“, - აღნიშნა ბასარიამ. 

საპარლამენტო კომისიის ხელმძღვანელის განცხადების კომენტირებისას „ჩერნომორენერგოს“ დირექტორმა განაცხადა:  „რატომ ხდება ისე, რომ ყოველ 5 წელიწადში, სწორედ არჩევნების წინ, ზოგიერთ პირს ახსენდება რომ ენგურჰესი „ჩერნომორენერგოს“ ბალანსზე არ არის? ეს ფაქტი ხომ არავისთვის აფხაზეთში სიახლეს არ წარმოადგენს. იმის მიუხედავად, თუ ვის ბალანსზეა ენგურჰესის კომპლექსი, ჰიდროელექტროსადგური აფხაზეთის რესპუბლიკის უმაღლესი საბჭოს 1992 წლის დადგენილებით, აფხაზეთის საკუთრებას წარმოადგენს. რესპუბლიკური საკუთრების მართვას და განკარგვას ახორციელებს აფხაზეთის მთავრობა. აქედან გამომდინარე, თუ „ჩერნომორენერგოს“ დაავალებენ, გადაიყვანოს ენგურჰესი თავის ბალანსზე, ჩვენ ამას გავაკეთებთ. თუმცა, ასეთი ობიექტის ბალანსზე გადაყვანა კოლოსალურ ხარჯებთან არის დაკავშირებული, ამასთან ერთად, უნდა, უნდა გვახსოვდეს, რომე უნდა მოვახერხოთ ბალანსზე ისეთი კომპლექსის გადაყვანა, რომლის ნაწილი საქართველოს ტერიტორიაზე იმყოფება. ჩვენი ქვეყნის მთავრობას არ ეყოფა თანხები ასეთი მსხვილი საწარმოს ექსპლუატაციისთვის“, - ამბობს ენერგეტიკოსი.

მისი განმარტებით, „სადგურის შენახვა „ჩერნომორენერგოს“ წელიწადში 1 მილიარდი რუბლი დაუჯდება. ხოლო, იმის გათვალისწინებით, რომ ბიუჯეტიდან მიღებული ბოლო დოტაცია 15 მილიონ რუბლს შეადგენდა, ეს ელექტროენერგიაზე გადასახადის მნიშვნელოვან ზრდას გამოიწვევს“.

ასლან ბასარიას თქმით, „ჩერნომორენერგოსა“ და ენგურჰესს შორის ჩამოყალიბდა სახელშეკრულებო შეთანხმება, „გამომდინარე იქიდან, რომ საქართველო არ აღიარებს აფხაზეთის დამოუკიდებლობას, და საქართველოს მხარის ყველა განცხადება, მათ შორის, დოკუმენტის სახით არსებული, რომელშიც ნათქვამია, რომ აღნიშნული ობიექტი არის საქართველოს ან რომელიმე ქართული კომპანიის ობიექტი, წარმოადგენს ფიქციას, რომელსაც არავითარი ძალა არა აქვს აფხაზეთის ტერიტორიაზე“.

ბასარიას თქმით, „ჩერნომორენერგოს“ წარმომადგენლები ყველა მოლაპარაკებას ენგურჰესთან დაკავშირებით აწარმოებენ მხოლოდ ოფიციალურ პირებთან, რომლებიც საქართველოს ენერგეტიკას და ეკონომიკას წარმოადგენენ. 

ჯაპუას ბრალდებებს იმის თაობაზე, რომ ელექტროენერგიის გათიშვის დროს, საქართველო აფხაზეთისთვის ყიდულობს ელექტროენერგიას რუსეთისგან, ბასარია ასე პასუხობს:

„ურთიერთქმედების სისტემა ასეთ შემთხვევებში მოქცეულია აფხაზეთ - რუსეთის სახელმწიფოთაშორისი კომისიის სიბრტყეში, რომელსაც აფხაზური მხარე აფინანსებს. იშვიათ შემთხვევებში, საქართველოც ყიდულობს ელექტროენერგიას რუსეთისგან საკუთარი საჭიროებების დასაკმაყოფილებლად». 

გარდა ამისა, აფხაზმა ენერგეტიკოსმა აღნიშნა, რომ აღნიშა, რომ ვარდნილ ჰესებიდან მიღებული ელექტროენერგია, რომელიც „ჩერნომორენერგოს“ ბალანსზეა, აფხაზეთს რჩება და არ იყიდება უცხოელ მომხმარებლებზე.„ჩვენ ვიღებთ გამომუშავებული ელექტროენერგიის 40%-ს და მეტსაც და ზედმეტი არაფერი რჩება. ჯაპუას განცხადება იმის შესახებ, რომ ენგურჰესის მიერ გამომუშავებული ელექტროენერგიის ნაწილი, კანონიერი გზების ავლით, თურქეთსა და რუსეთში მიდის, სრული სიცრუეა“, - განაცხადა ასლან ბასარიამ. 

მან აღნიშნა, რომ დეპუტატის განცხადებები მოკლებულია არგუმენტებს და მისი ეჭვები , მხოლოდ ერთი ადამიანის დასკვნებს ეფუძნება.



 

Print Email
FaceBook Twitter
რ ე კ ლ ა მ ა
მიუხადავად ქვეყანაში არსებული მდგომარეობისა, გრძელდება ინფრასტრუქტურული სამუშაოების განხორციელება.
კორონავირუსის გავრცელების პრევენციის მიზნით, ზუგდიდის მუნიციპალიტეტში, მოხალისეთა ჯგუფები აქტიურად მუშაობენ.

კორონავირუსის გავრცელების პრევენციული ღონისძიებების ფარგლებში, ზუგდიდის მუნიციპალიტეტში, სადეზინფექციო სამუშაოები აქტიურად მიმდინარეობს.

კორონავირუსი
გაეროს განვითარების პროგრამის ეგიდით აფხაზეთში ჰუმანიტარული ტვირთის მეორე ნაწილი ჩაიტანეს.
სამეგრელო-ზემო სვანეთის მასშტაბით თვითიზოლაციაში მყოფ პირთა რაოდენობა ბოლო დღეების განმავლობაში შემცირდა.
საქართველოში კორონავირუსით ინფიცირების 130 შეთხვევაა დადსატურებული. ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე გამოქვეყნდა.
საზოგადოება
200 კვ-ზე ნაკლები დენის და 200 მ³-ზე ბუნებრივ აირის მოხმარების შემთხვევაში აბონენტებს კომუნალური გადასახადი დაუფინანსდებათ.
კორონავირუსის გავრცელების პრევენციის მიზნით მოქალაქეები სამთვიანი საშეღავათო პერიოდით ისარგებლებენ „ლიბერთი“ და  VTB ბანკების მომხმარებლებიც.
ქვეყანაში კორონავირუსთან დაკავშირებით შექმნილი ვითარების გამო „თი ბი სი“ და „საქართველოს  ბანკი" მომხმარებლებს სესხების გადახდას გადაუვადებენ.
დღის სიახლეები
02 / აპრილი 2020
დილიდან ზუგდიდის ერთ - ერთი საცხობი პურს და ფუნთუშეულს უფასოდ არიგებს.
02 / აპრილი 2020
გაეროს განვითარების პროგრამის ეგიდით აფხაზეთში ჰუმანიტარული ტვირთის მეორე ნაწილი ჩაიტანეს.
02 / აპრილი 2020
სამეგრელო-ზემო სვანეთის მასშტაბით თვითიზოლაციაში მყოფ პირთა რაოდენობა ბოლო დღეების განმავლობაში შემცირდა.
მთავარი საინფორმაციო გამოშვება
არქივი
«« აპრილი 2020 »»
3031 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 123
ამინდი
ზუგდიდი 10 °C
img
სოხუმი 11 °C
img
ფოთი 10 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.