ახალი ამბები
„ქართველი აუცილებლად დაბრუნდება სამშობლოში“ - ფერეიდნელი ქართველები ზუგდიდში (ვიდეო)
ფერეიდნელი ქართველები ზუგდიდს ესტუმრნენ. მათ სამშობლოში ჩამოსასვლელად ფეხით 1400 კილომეტრი გამოიარეს და საქართველოს სხვადასხვა ქალაქები მოინახულეს. სტუმრებს კულტურული ღონისძიებებით, ზუგდიდის ცენტრალურ ბიბლიოთეკაში მოუწყვეს დახვედრა. ფერეიდნელი ამირან გუგუნაშვილის თქმით, გზა რომელიც მათ გამოიარეს რთული იყო, თუმცა საქართველოში მოსახვედრად ყველა პრობლემა დაძლიეს.

„აღფრთოვანებული ვარ და მიხარია, რომ აქ ვარ. სიურპრიზი იყო ეს დახვედრა. დროშები, ხალხი, ცეკვა და თქვენ... ჩვენ ფერეიდნიდან 1 400 კილომეტრი გამოვიარეთ ფეხით, სამშობლოს საზღვრამდე. 31 დღე გზაზე ვიყავით. რთული გზა იყო, პრობლემებით სავსე, მაგრამ ჩვენ ხიდი გავდეთ გულებს შორის. გული იქაც თბილია და აქაც. ქართველი არის ერთი, სამშობლო არის ერთი, საქართველო არის ერთი. მიხარია, რომ თქვენთან ვარ, მადლობა ზუგდიდელებო“,- თქვა ამირან გუგუნაშვილი.

ფერეიდნელები ამბობენ, რომ საქართველოდან შორს მცხოვრები ქართველები მშობლიურ ენას, კულტურას, იდენტობას ინარჩუნებენ და მათ დიდი იმედი აქვთ, რომ სამშობლოში დაბრუნდებიან.

„იუნესკომ მსოფლიოში მხოლოდ ოთხი ქალაქი აარჩია და ერთ-ერთი არის ჩვენი - მარტყოფი. იქ მცხოვრებ ქართველებს ქართველი არ მოუკლავს 400 წელია. ჩვენ საქართველოს სიყვარულში ვიზრდებოდით. ვამბობდით, რომ ცისარტყელისკენ, საქართველოსკენ წავიდოდით. ეს არის ჩვენი იმედი, სამშობლოში დაბრუნების. მე ზუგდიდში მესამედ ვარ. ლამაზი ეზოები და სახლები ვნახე, მაგრამ თითქმის ნახევარზე მეტი დაცარიელებულია და გული მტკივა. ჩვენ ფეხით მოვედით, ჩვენი მიზანი ეს არის - დავუბრუნდეთ საქართვლოს. გინდა ველოსიპედით, გინდა მანქანით, გინდა თვითმფრინავით და გინდა ფეხით. ბევრი ქართველი გარეთ არის, ბევრი მიდის. იმ ახალგაზრდებს, რომლებიც სასწავლებლად მიდიან საზღვრებს გარეთ, მოვუწოდებ, უკან მობრუნდნენ. ჩვენც აუცილებლად უკან უნდა დავბრუნდეთ. ჩვენი წინაპრები ამბობდნენ, ქართველი აუცილებლად დაბრუნდება ბოლოს საქართველოში და მე იმედი მაქვს, რომ ეს მოხდება“, - თქვა მან.

ფერეიდნელ ქართველებს ადგილობრივი ხელისუფლების წარმომადგენლებიც დახვდნენ. საკრებულოს წევრის მამუკა წოწერიას თქმით, მათ ძირძველ ქართველებთან ურთიერთობის გაღრმავებასთან დაკავშირებით გეგმები აქვთ. 

„ვმასპინძლობთ ჩვენს ძმებს, ფერეიდნელებს, რომლებმაც ფეხით გამოიარეს მთელი საქართველო. ესენი არიან ადამიანები, რომელებმაც საოცარი ერთგულება დაამტკიცეს ჩვენი ქვეყნის, ენის, ტრადიციების მიმართ. შეხვედრის ფარგლებში დაგეგმილია მრავალი კულტურული ღონისძიება. ჩვენ უკვე გვაქვს გეგმები მათთან ინტენსიური ურთიერთობების, ჩვენს ისტორიული ნაწილთან, ჩვენს ძირძველ ქართველებთან“, - ამბობს წოწერია.

1616 წელს შაჰ-აბასმა 100 000-მდე ქართველი, უმთავრესად კახეთიდან და ჰერეთიდან ირანის პროვინციებში გადაასახლა, მათ შორის, ხორასანში, ისპაჰანსა და ფერეიდანში. მათი უმრავლესობა გასპარსელდა, მხოლოდ ფერეიდანში დასახლებული ქართველების ჯგუფმა შემოინახა ქართული ენა და ზოგიერთი ტრადიცია. ისინი  ფერეიდანის 14 სოფელში ცხოვრობენ. სოფლებს დღემდე აქვს შემორჩენილი ქართული სახელები: მარტყოფი, ნინოწმინდა, თელავი, ვაშლოვანი და სხვ.
Print Email
FaceBook Twitter
რ ე კ ლ ა მ ა
თუ ბოლო სამი წლის განმავლობაში თქვენს მოგზაურობას ისეთი არასასიამოვნო მოგონებებიც უკავშირდება, როგორიც ფრენის გადადება, გაუქმება ან თუნდაც, ბარგის დაზიანებაა,
გადეცემის თემა -  COVID-19 გავრცელების პრევენცია იძულებით გადაადგილებულ პირთა კოლექტიურ ცენტრებში.
ზუგდიდის მუნიციპალიტეტში მე-3 საჯარო სკოლის სრული რეაბილიტაცია ხორციელდება.
კორონავირუსი
სოხუმის საკარანტინო ზონა, რომელიც სასტუმრო "აიტარშია" მოწყობილი, რუსეთის უმაღლესი სამხედრო სასწავლებლების ყველა სტუდენტმა
საქართველოში კორონავირუსით ინფიცირების შემთხვევათა რაოდენობა 11-ით გაიზარდა და 794 გახდა.
ზუგდიდის საზოგადოებრივი ჯანდაცვის ცენტრის ინფორმაციით ინფექციურის ლაბორატორიაში დღის განმავლობაში 78 პირის ბიოლოგიური
მასალა გაიტესტა.
საზოგადოება
სოციალურმა მედია პლატფორმამ Tik Tok - მა გაასწორა შეცდომა და ახლა აპლიკაციაში აფხაზეთის და ცხინვალის რეგიონები არ არიან მითითებული, როგორც დამოუკიდებელი სახელმწიფოები.
პირველი მეგრულენოვანი სამეცნიერო ხასიათის ჟურნალი „სქანი“ თბილისში უკვე იყიდება.
რუსეთის ქალაქ ყაზანის ,,რუბინის“ 19 წლის ფეხბურთელმა, ხვიჩა კვარაცხელიამ წალენჯიხაში მცხოვრებ შშმ პირებს, სოციალურად დაუცველ, მრავალშვილიან, ხანდაზმულ მარტოხელებს და ვეტერანი ფეხბურთელების ოჯახებს 50 ლარიანი სასაჩუქრე ვაუჩერი გადასცა.
დღის სიახლეები
01 / ივნისი 2020
ზუგდიდში, თავისუფლების ქუჩის საავტომობილო გზის 3 კილომეტრიანი მონაკვეთის რეაბილიტაციისთვის ტენდერი გამოცხადდა. პროექტის ღირებულება 4 350 000 ლარს ოდნავ აღემატება.
01 / ივნისი 2020
მიუხედავად იმისა, რომ ქვეყნის მასშტაბით გეგმური სტომატოლოგიური მომსახურებით სარგებლობა 22 მაისიდან არის შესაძლებელი, ზუგდიდში არსებული სტომატოლოგიური კაბინეტების უმრავლესობა ჯერ არ გახსნილა.
01 / ივნისი 2020
სოხუმის საკარანტინო ზონა, რომელიც სასტუმრო "აიტარშია" მოწყობილი, რუსეთის უმაღლესი სამხედრო სასწავლებლების ყველა სტუდენტმა
მთავარი საინფორმაციო გამოშვება
არქივი
«« ივნისი 2020 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
ამინდი
ზუგდიდი 24 °C
img
სოხუმი 22 °C
img
ფოთი 17 °C
img
მესტია 18 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.