ახალი ამბები
სოლიდარობა თამთას - ზუგდიდში სექსუალური ძალადობის სავარაუდო მსხვერპლს მხარდაჭერა გამოუცხადეს (ვიდეო)
ზუგდიდის ცენტრალურ ბულვარში თამთა თოდაძის მხარდამჭერი აქცია გაიმართა. შეკრებილებმა თოდაძეს, რომელიც თბილისის საკრებულოს დეპუტატს სექსუალური ძალადობის მცდელობასა და ცემაში ადანაშაულებს, სოლიდარობა გამოუცხადეს და პროკურატურისგან ფაქტზე სასწრაფო გამოძიება მოითხოვეს.

„დღევანდელი აქციის მთავარი მიზანია ვუთხრათ თამთას, რომ სოლიდარულები ვართ ამ ბრძოლაში და მარტო არ იგრძნოს თავი. ასევე, შევიკრიბეთ, რათა პროკურატურას მოვთხოვოთ, საფუძვლიანად დაიწყოს მუშაობა, დასაჯოს დამნაშავეები და მეტი ინფორმაცია მოგვაწოდონ იმის შესახებ, თუ რა სტადიაზეა საქმე. კუკუდამალობანას თამაში და წაყრუება ცუდ მდგომარეობაში გვაყენებს ქალებს. სწორედ წაყრუება პარტიულობის ან თანამდებობაზე ყოფნის გამო მეტყველებს იმაზე, რომ ჩვენს ქვეყანაში ქალთა უფლებები არაა დაცული. მოვუწოდებთ ყველას, ჩაერთონ, დათმონ, აიღონ პასუხისმგენლობა და შეელიონ პარტიულ მეგობრებს. ამ შემთხვევამ გვანახა, რომ სისტემის მონაწილეები ხდებიან ჩვენზე მოძალადეები. დაგვანახონ, რომ ქალზე ძალადობა ისჯება კანონით“, - თქვა აქციის ორგანიზატორმა სამოქალაქო აქტივიზმისა და თანასწორობის ცენტრის ხელმძღვანელმა ციცინო შენგელიამ.

შეკრებილებს შორის სხვადასხვა არასამთავრობო ორგანიზაციის წარმომადგენლები და სამოქალაქო აქტივისტები იყვნენ. მათ ხელში ეჭირათ ტრანსფარანტები წარწერით „არა ნიშნავს არას“, „ქალზე ძალადობა დანაშაულია“, „ნუ გაჩუმდები“. ერთ-ერთმა მათგანმა ცაბუნია ვართაგავამ პრობლემის მიმართ საზოგადოების დამოკიდებულებაზეც ისაუბრა.

„სისტემის უსამართლობაა, რომ მსხვერპლს არ აღიქვამს ძალადობის მსხვერპლად. აქ მოსვლის მეორე მიზეზია, რომ გამოვუცხადო თამთას და ყველა იმ ქალს მხარდაჭერა, რომელსაც უწევს ბრძოლა უსამართლობასთან და საზოგადოების საშინელ წარმოდგენებთან, რომლის წევრები ცდილობდნენ მსხვერპლის დადანაშაულებას, ცილისმწამებლური ამბის მოგონებას, რომ ამბავმა დაკარგოს მნიშვნელობა. ყოველთვის, როცა ქალები ვიღებთ ხმას, ასეთი ბინძური მეთოდებით ცდილობენ ჩვენ წინააღმდეგ იბრძოლოს“, - აღნიშნა ვართაგავამ.

აქციას შეუერთდა „ევროპული საქართველოს“ წევრი ბათლომე შელია.

„სოლიდარობა თამთას და მასთან ერთად ყველა იმ ადამიანს, ვინც ძალადობას განიცდის. ჯიშკარიანს თავი საავამდყოფოსთვის აქვს შეფარებული, რადგან არ შეუძლია თვალი გაუსწოროს საზოგადოებას. მართალი კაცი ისაუბრებს თავის სიმართლეზე და არ დაიმალება. მოვუწოდებთ ხელისუფლებას, გამოიძიოს ეს საქმე და დასაჯოს დამნაშავე“, - უთხრა ჟურნალისტებს შელიამ.

თბილისის საკრებულოს წევრს “ქართული ოცნებიდან“ ილია ჯიშკარიანს საკუთარი თანაშემწე თამთა თოდაძე სექსუალური ძალადობის მცდელობასა და ცემაში ადანაშაულებს. თავად ჯიშკარიანი კი ბრალდებას უარჰყოფს. დეპუტატი ამ დრომდე, ჯანმრთელობის გაუარესების გამო, საავადმყოფოში რჩება. მომხდარზე გამოძიება დაწყებულია, თუმცა თოდაძეს ამ დრომდე დაზარალებულის სტატუსი არ აქვს.
Print Email
FaceBook Twitter
რ ე კ ლ ა მ ა
საქველმოქმედო ჰუმანიტარული ცენტრი "აფხაზეთის" წარმომადგენლებმა ჯანაშიას ქუჩაზე, ყოფილი სკოლის შენობაში მცხოვრებ იძულებით გადაადგილებულ ოჯახებს
ზუგდიდის მუნიციპალიტეტის მერმა გიორგი შენგელიამ, მის პირველ მოადგილესთან გიგა ფარულავასთან ერთად, ზვიად გამსახურდიას ქუჩაზე მიმდინარე გზის სარეაბილიტაციო სამუშაოები დაათვალიერა.
29 ივლისს, ზუგდიდის სკეიტ პარკში ახალი პროექტი, "ეთნოცენტრი -ტრადიციული რეწვის განვითარებისთვის ზუგდიდის მუნიციპალიტეტში" ოფიციალურად გაიხსნება.
კორონავირუსი
აფხაზეთიდან ჯანმრთელობის მდგომარეობის გაუარესების გამო რესპუბლიკურ საავადმყოფოში გადაყვანილი პაციენტი მედიკოსია. ამის შესახებ ჟურნალისტებს რესპუბლიკური საავადმყოფოს დირექტორმა, ლევან გოფოძემ უთხრა.
ზუგდიდის საზოგადოებრივი ჯანდაცვის ცენტრის ინფორმაციით, ინფექციურ საავადმყოფოში გუშინ გამოკვლეულ ქალს კორონავირუსი დაუდასტურდა.
აფხაზეთში გასული 24 საათის განმავლობაში 222 პირის ანალიზი გაიტესტა და კორონოვირუსით ინფიცირების 14 ახალი შემთხვევა დაფიქსირდა. ინფორმაციას ოპერატიულ შტაბზე
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
დღის სიახლეები
03 / აგვისტო 2020
აფხაზეთიდან ჯანმრთელობის მდგომარეობის გაუარესების გამო რესპუბლიკურ საავადმყოფოში გადაყვანილი პაციენტი მედიკოსია. ამის შესახებ ჟურნალისტებს რესპუბლიკური საავადმყოფოს დირექტორმა, ლევან გოფოძემ უთხრა.
03 / აგვისტო 2020
2 აგვისტოს აფხაზეთის დე ფაქტო რესპუბლიკის "ჯანდაცვის სამინისტროში" მედიკოსებისა და ოპერატიული შტაბის საგანგებო თათბირი გაიმართა, სადაც ეპიდემიოლოგიური სიტუაცია და ფსოუზე "საზღვრის" გახსნის საკითხები განიხილეს.
03 / აგვისტო 2020
"ევროპულმა საქართველომ" რეგიონებში მაჟორიტარობის კანდიდატების ნაწილი დაასახელა. მათ შორისა ლელა ქებურია, რომელიც კენჭს აბაშა-მარტვილი-წალენჯიხა-ჩხოროწყუს ოლქში იყრის.
მთავარი საინფორმაციო გამოშვება
არქივი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
ამინდი
ზუგდიდი 26 °C
img
სოხუმი 25 °C
img
ფოთი 22 °C
img
მესტია 20 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.