ახალი ამბები
The Washington Post: ჩრდილოეთკორეელებს აფხაზეთში არალეგალურად ამუშავებენ
აფხაზეთის დე ფაქტო რესპუბლიკაში, კერძოდ კი სოხუმში, რუსეთიდან არალეგალურად შემოსული ჩრდილოკორეელი მუშები სამშენებლო და სარკინიგზო სამუშაოებზე არიან დასაქმებულები.

The Washington Post - ის ჟურნალისტური გამოძიების თანახმად, აფხაზეთი მოსახერხებელი ადგილია რუსეთისთვის, რათა მან გვერდი აუაროს გაეროს სანქციებს, რომლებიც ავალდებულებს ქვეყნებს, ჩრდილოკორეელი მუშები დეკემბრის ბოლომდე დააბრუნოს თავიანთ ქვეყანაში.

აღნიშნულ რეზოლუციას რუსეთმა და ჩინეთმა ორი წლის წინ მოაწერეს ხელი, თუმცა მიუხედავად ამისა, რუსეთი ჩრდილოეთკორეელებს აფხაზეთში მუშახელად იყენებს. ანალიტიკოსების ვარაუდით, ამის მიზეზი, მოსკოვის მხრიდან კიმ ჩენ ინთან ურთიერთობების გაღრმავების და აზიაში საკუთარი პოზიციების განმტკიცების სურვილია.

ამავე ინფორმაციით, ამ დროისათვის სოხუმში, დაახლოებით, 400 ჩრდილოკორეელი მუშა ოჯახებთან ერთად იმყოფება.

„ისინი ღამეს მივიწყებულ საბჭოთა კურორტზე, პალმებისა და ლენინის მოშლილი მოზაიკის გარემოცვაში ატარებენ“, - წერს The Washington Post. ერთ - ერთმა მუშამ გამოცემას უთხრა, რომ სამუშაოსთვის მათ დღეში 7 აშშ დოლარს უხდიან.

„მათ აქ მოსწონთ. თოვლი არ არის. ისინი ამბობენ, რომ აქ იდეალური კლიმატია", - ასე განმარტავს ჩრდილოეთკორეელების სოხუმში ყოფნის მიზეზს თვითაღიარებული რესპუბლიკის საიმიგრაციო სამსახურის ხელმძღვანელი ედუარდ გამისონია. ამ 400 მუშის გარდა, რუსეთში 10 000-მდე (თავდაპირველად ეს რიცხვი 40 000-ს უტოლდებოდა) ჩრდილოკორეელია დასაქმებული. მოსკოვი პირობას დებს, რომ დეკემბრის ბოლომდე მათ უკან გააგზავნის.

რუსეთის საგარეო უწყების წარმომადგენლის მარია ზახაროვას თქმით, ისინი ზედმიწევნით იცავენ საერთაშორისო სანქციური რეჟიმის მიერ დაწესებულ ვალდებულებებს.

„რაც შეეხება ჩრდილოეთ კორეიდან ემიგრანტი მუშების დასაქმებას აფხაზეთში, გირჩევთ, რომ ამ საკითხზე მიმართოთ შესაბამის ხელისუფლებას ან მათ დასაქმებულებს“, – პასუხობს ზახაროვა The Washington Post-ს.




Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
18 / მარტი 2024
საქართველოს პრეზიდენტის სალომე ზურაბიშვილის განცხადებით, ოკუპირებულ რეგიონებში რუსეთის ფედერაციის საპრეზიდენტო არჩევნების ჩატარება ყოვლად უკანონო და მიუღებელია.
18 / მარტი 2024
„სრულად ვუჭერთ მხარს საქართველოს ტერიტორიულ მთლიანობას, სამხრეთ ოსეთი და აფხაზეთი არის საქართველოს ნაწილი", - ამის შესახებ ნატო-ს გენერალური მდივანმა იენს სტოლტენბერგმა საქართველოს პრემიერ-მინისტრთან ირაკლი კობახიძესთან შეხვედრის შემდეგ თბილისში გამართულ ბრიფინგზე განაცხადა.
18 / მარტი 2024
წალენჯიხის მერიის საფინანსო სამსახურის თანამშრომლის ირაკლი ეგიას მიმართ გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულოსხმობს.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 8 °C
img
სოხუმი 7 °C
img
ფოთი 10 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.