რეგიონი
ბაჩანა შენგელია სახალხო დამცველთან დღეს გეგმავს შეხვედრას
ზუგდიდის მე-6 საჯარო სკოლის გარდაცვლილი დირექტორის შვილი ბაჩანა შენგელია სახალხო დამცველს, ნინო ლომჯარიას დღეს შეხვდება. ამის შესახებ მან რადიო „ათინათთან“ საუბარში განაცხადა. მისი თქმით, კერზაიას საქმესთან დაკავშირებით უმძიმესი დარღვევებია და იმედს გამოთქვამს, რომ სახალხო დამცველის აპარატი ამ საქმეს ადეკვატურად შეაფასებს.

გარდაცვლილი დირექტორის შვილი განათლების მინისტრის მიხეილ ბატიაშვილის გადადგომასაც გამოეხმაურა. ის ფიქრობს, რომ მინისტრი საკუთარი ნებით კი არ გადადგა, არამედ გადააყენეს.

„აგვისტოში იგეგმებოდა მისი გათავისუფლება, გახარიას გაპრემიერების დროს და იას საქმის გამოძიების შეწყვეტის ერთ-ერთი მიზეზი ესეც იყო, რადგან მან წასვლის შემთხვევაში გარანტიები მოითხოვა, რომ სისხლის სამართლის პასუხისმგებლობას არ დააკისრებდნენ. გარანტია თითქოს მიიღო, თუმცა ვარწმუნებ, რომ ეს პირობა ძალიან მყიფეა. ჩვენს მიერ სტრასბურგში გაჟღერებული სარჩელის დარეგისტრირების შესახებ ინფორმაცია იყო ბოლო წვეთი მის პოლიტიკურ კარიერაში. ერთ წელიწადში არჩევნებია და უმძიმეს დანაშაულში ეჭვმიტანილი ბატიაშვილი არავის არ სჭირდება მთავრობაში. თან ამით ეცდებიან ჯოხი სრულად მასზე გადატეხონ“, - წერს შენგელია ფეისბუკის საკუთარ გვერდზე.

თავის მხრივ, მიხეილ ბატიაშვილი კერზაიას საქმის სტრასბურგის სასამართლოში გაგზავნას მიესალმება და თქვა, რომ მისი გადადგომა ამ საქმეს არ უკავშირდება.

„სადღაც საბუთების გაგზავნა, პირდაპირ ვერ დაუკავშირდება ამას. თუმცა შემიძლია გითხრათ და მანამდეც არაერთხელ განვაცხადე, რომ მივესალმები ამ საქმის სტრასბურგში გაგზავნას და ამ პროცესს“, - ამბობს განათლების უკვე ყოფილი მინისტრი.

ია კერზაია 2018 წლის 9 დეკემბერს გარდაიცვალა. კერზაიას შვილი ბაჩანა შენგელია დედის ჯანმრთელობის მდგომარეობის გაუარესებას და გარდაცვალებას საპრეზიდენტო არჩევნების მეორე ტურის დროს განხორციელებულ პოლიტიკურ ზეწოლას უკავშირებს.

ამავე თემაზე:

მიხეილ ბატიაშვილი ია კერზაიას საქმის სტრასბურგში გაგზავნას მიესალმება

ბაჩანა შენგელია: საქართველოს წინააღმდეგ სარჩელი სტრასბურგში დავარეგისტრირეთ


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 13 °C
img
ფოთი 15 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.