ახალი ამბები
„თვითმმართველი ქალაქის გაუქმებიდან კანონპროექტის ჩაგდებამდე“ - პროტესტი მერაბ ქვარაიას ბიუროსთან (ვიდეო)
საარჩევნო სისტემის ცვლილებასთან დაკავშირებული კანონპროექტის ჩაგდება ზუგდიდში მაჟორიტარი დეპუტატის მერაბ ქვარაიას ბიუროსთან გააპროტესტეს. ბიუროსთან მოქალაქეები, ადგილობრივი არასამთავრობო ორგანიზაციებისა და ოპოზიციური პარტიების წარმომადგენლები შეიკრიბნენ.
მათ ხელში ეჭირათ ტრანსპარანტები წარწერებით: „ბიძინა მაჟორიტარების მეფე“, "თვითმმართველი ქალაქის გაუქმებიდან პროპორციული არჩევნების გაუქმებამდე“, „მოგვატყუეს“, სირცხვილია“, გადაგვაგდეთ? გადაგაგდებთ“ და სხვა. აქციის ერთ-ერთი ორგანიზატორის ცაბუნია ვართაგავს თქმით, მერაბ ქვარაიას ბიუროსთან მათი შეკრება სიმბოლურია, რადგან სწორედ ის არის ერთ-ერთი დეპუტატი, რომელმაც თავისივე ინიცირებულ კანონპროექტს არ დაუჭირა მხარი.

„ჩვენ აქ ვაპროტესტებთ იმ სამარცხვინო გადაწყვეტილებას, რომელიც მიიღო საქართველოს პარლამენტმა. ეს არის მორიგი შავი ლაქა პარლამენტარიზმის ისტორიაში. კიდევ ერთი ფაქტი, როდესაც სამოქალაქო საზოგადოებას დაგვპირდნენ ცვლილებას და ეს არ შეასრულეს. ზუსტად ამიტომ ვდგავართ დღეს აქ. ადგილიც არ არის შემთხვევით შერჩეული. ეს არის სიმბოლური, იმიტომ რომ მერაბ ქვარაია იყო ერთ-ერთი პარლამენტარი, რომელიც არის ამ კანონპროექტის ინიციატორი. როგორც აღმოჩნდა, მან თავის ინიცირებულ კანონპროექტს მხარი არ დაუჭრია, რაც არის სრულიად სამარცხვინო“, - ამბობს ცაბუნია ვართაგავა.

"საერთაშორისო გამჭვირვალობა-საქართველოს" ზუგდიდის ოფისის ხელმძღვანელი არჩილ თოდუა ამბობს, რომ ქვეყანა მძიმე პოლიტიკურ კრიზისშია. მისი თქმით, არაფორმალური მმართველები ცდილობენ, რომ სახელმწიფო მიიტაცონ და ადამიანებს პარლამენტის დაკომპლექტების სამართლიანი გზა წაართვან. 

„ვხედავთ, რომ რაღაც სპექტაკლის მონაწილე გახდა ჩვენი პარლამენტი. ფაქტია, რომ ქვეყნის არაფორმალური მმართველები ცდილობენ სახელმწიფოს მიტაცებას და ცდილობენ ადამიანებს წაართვან პარლამენტის დაკომპლექტების ყველაზე სამართლიანი გზა, რომელიც მიგვაჩნია, რომ არის პროპორციული საარჩევნო სისტემა. იმის გათვალისწინებით, რომ კონსენსუსი იყო და ყველა პოლიტიკური ძალა იყო მომხრე ამ სისტემაზე გადავსულიყავით. მათ შორის ის ადამიანები ვინც დღეს არ მისცა ხმა. ქვეყანა შესულია მძიმე პოლიტიკურ კრიზისში. ჩვენ მოვუწოდებთ გაიაზრონ მათ ეს პასუხისმგებლობა და ერთადერთ ალტერნატივად მიგვაჩნია საარჩევნო სისტემის შეცვლა“, - აღნიშნა არჩილ თოდუამ.

„ევროპული საქართველოს“ წევრის ბათლომე შელიას თქმით, ბიძინა ივანიშვილმა საზოგადეობის „გადასაგდებად“ მერაბ ქვარაია და ედიშერ თოლორაია გამოიყენა.
„წლის ანეკდოტი არის ის, რომ მერაბ ქვარაია და ედიშერ თოლორაია ბიძინა ივანიშვილის ნების წინააღმდეგ წავიდნენ. პირიქით, ბიძინა ივანიშვილმა, მათ შორის, ეს ორი მორჩილი ადამიანი გამოიყენა საზოგადოების გადასაგდებად, რაც მას არავითარ შემთხვევაში არ შერჩება. ეს არის საზოგადეობის გადაგდება“, - თქვა მან.
აქციის მონაწილეებმა ტრანსპარანტები ბიუროს შესასვლელთან გააკრეს.
პარლამენტმა საარჩევნო სისტემის ცვლილებასთან დაკავშირებით კონსტიტუციურ კანონში ცვლილებები პირველი მოსმენით ჩააგდო.




Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერია, ზაზა გოგოხიას ოთხსულიან ოჯახს საცხოვრებელ სახლს აუშენებს.
დღეს, 4 ივლისს ამერიკელი ხალხი დამოუკიდებლობის დეკლარაციაზე ხელმოწერის 244 წლისთავს აღნიშნავს.
ჩხოროწყუს მუნიციპალიტეტის მერმა დათო გოგუამ და მუნიციპალიტეტში წითელი ჯვრის საზოგადოების ხელმძღვანელმა ხათუნა მიქავამ, მერის მოადგილესთან, სოციალური და ჯანდაცვის სამსახურის უფროსთან ერთად,
კორონავირუსი
ზუგდიდის საზოგადოებრივი ჯანდაცვის ცენტრის ცნობით, გასული 24 საათის განმავლობაში ინფექციური საავადმყოფოს ლაბორატორიაში კორონავირუსზე 178 პირი გამოიკვლიეს.
ზუგდიდის საზოგადოებრივი ჯანდაცვის ცენტრის ცნობით, ინფექციური საავადმყოფოს ლაბორატორიაში კორონავირუსზე 337 პირი გამოიკვლიეს. ყველა ტესტის პასუხი უარყოფითია.
ზუგდიდის საზოგადოებრივი ჯანდაცვის ცენტრის ინფორმაციით, ინფექციურ საავადმყოფოში გამოკვლეული პაციენტებიდან ერთ-ერთს ახალი კორონავირუსი დაუდასტურდა.
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
დღის სიახლეები
11 / ივლისი 2020
ზუგდიდის საზოგადოებრივი ჯანდაცვის ცენტრის ცნობით, გასული 24 საათის განმავლობაში ინფექციური საავადმყოფოს ლაბორატორიაში კორონავირუსზე 178 პირი გამოიკვლიეს.
10 / ივლისი 2020
აფხაზეთის დე ფაქტო რესპუბლიკის უსაფრთხოების სამსახურის ინფორმაციით, 13 – 17 ივლისს, ენგურის ხიდზე ისევ გაიხსნება "ჰუმანიტარული კორიდორი" დანარჩენი საქართველოდან აფხაზეთის რეგიონში
10 / ივლისი 2020
ხობის მუნიციპალიტეტის სოფელ ჭალადიდში, ცენტრალურ საავტომობილო გზაზე, ავტოსაგზაო შემთხვევის შედეგად ორი ადამიანი ადგილზე დაიღუპა.
მთავარი საინფორმაციო გამოშვება
არქივი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 29 °C
img
სოხუმი 29 °C
img
ფოთი 24 °C
img
მესტია 19 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.