ახალი ამბები
ზუგდიდელი თამარ ხაზალიას წარმატება სმენადაქვეითებულთა სილამაზის კონკურსზე
ზუგდიდელმა თამარ ხაზალიამ იტალიაში, გალლიპოლიში გამართულ სმენადაქვეითებულთა სილამაზის მსოფლიო კონკურსში Miss & Mister Deaf Stars 2019 "მისს ფოტოგენურობის" ტიტული მიიღო და მესამე ადგილის მფლობელი გახდა.
ზუგდიდის მუნიციპალიტეტის სოფელ ორსანტიაში დაბადებული გოგონა აღნიშნულ კონკურსში საქართველოს ყრუთა საზოგადოების ინიციატივით მოხვდა.

"პატარა ასაკიდანვე მიყვარდა სილამაზის კონკურსებისა და მოდების ჩვენების ყურება, ვიმახსოვრებდი და ვიმეორებდი მოძრაობებს. 11 წლისამ გავიმარჯვე სკოლის სილამაზის კონკურსში, დავიკავე პირველი ადგილი. 14 წლის ასაკში კი მონაწილეობა მივიღე სილამაზის კონკურსში, სადაც "მისს სიმპათია" გავხდი. წელს, ზაფხულში ყრუთა საზოგადოების კულტურის ორგანიზაციის ხელმძღვანელმა ფლორა ბეჟანიშვილმა შემომთავაზა მონაწილეობის მიღება მსოფლიო სილამაზის კონკურსში ყრუთა შორის, რომელიც იტალიაში უნდა ჩატარებულიყო. ბევრი არ მიფიქრია და დავთანხმდი. დიდი საზრუნავი გამიჩნდა, რადგან მინდოდა ჩვენი ქვეყანა ღირსეულად წარმომეჩინა", - გვწერს თამარ ხაზალია.

მისივე ინფორმაციით, იტალიაში ქართული დელეგაცია ოთხი ადამიანისგან შედგებოდა. კონკურსანტებისთვის დაგეგმილი პროგრამა მათთვის საინტერესო და მრავალფეროვანი აღმოჩნდა.

"იყო ექსკურსიები სხვადასხვა ქალაქებში, არაჩვეულებრივი გარემო. საკონკურსო ქალაქი გალლიპოლი, პატარა ზღვისპირა ქალაქია, ულამაზესი ისტორიული ძეგლებით და გარემოთი. გავდიოდით მომზადებას, ვვარჯიშობდით. ეს იყოს საუკეთესო დრო, ახალი მეგობრების გასაცნობად. განსაკუთრებულად საინტერესო და საოცარი იყო კონკურსის დღე, რადგან ამდენი ადამიანი ერთმანეთს გულშემატკივრობდა. ეს იყო ადამიანების თანადგომის და ურთიერთპატივისცემის საუკეთესო მაგალითი. მე მესამე ადგილი დავიკავე. ყველა გრძნობა ერთად მერეოდა, დიდი სიხარული იყო. ეს ის შემთხვევაა რომლის დავიწყებაც ცხოვრებაში შეუძლებელია. მადლობა ყველას, ვინც დამეხმარა ვყოფილიყავი ასეთი მასშტაბის კონკურსის მონაწილე", - გვიზიარებს შთაბეჭდილებებს თამარი.

მესამე ადგილის მფლობელი და "მისტერ ფოტოგენურობა" გახდა ასევე საქართველოს წარმომადგენელი აკაკი ცანკაშვილი.

18 წლის თამარი თბილისის 203-ე საჯარო სკოლის მე-11 კლასის მოსწავლეა. თავისუფალ დროს კი ყრუთა კავშირთან არსებულ ქორეოგრაფიულ ანსამბლ "ლილეში" ცეკვავს ან ხატავს. ასევე ამუშავებს საგალობლებს ჟესტურ ენაზე.


ფოტოები: https://www.facebook.com/julienbillyphotography/
Print Email
FaceBook Twitter
რ ე კ ლ ა მ ა
„ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატი ალექსანდრე მოწერელია
,,ქართული ოცნება-დემოკრატიული საქართველოს“ ზუგდიდის ახალგაზრდული ორგანიზაციის ინიციატივით, ზუგდიდში ველოგასეირნება გაიმართა,
"ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატი ალექსანდრე მოწერელია მარტვილის მუნიციპალიტეტის ერთ-ერთ ყველაზე დიდ სოფელში, ბანძაში მცხოვრებ მოსახლეობას შეხვდა.
კორონავირუსი
დღევანდელი მონაცემებით აფხაზეთში კორონავირუსზე ტესტირება 187 პირს ჩაუტარდა. კვლევის შედეგად ინფიცირების 43 ახალი შემთხვევა გამოვლინდა. ინფორმაციას დე ფაქტო რესპუბლიკის ოპერატიული შტაბი ავრცელებს.
ზუგდიდის ინფექციურში გასული 24 საათის განმავლობაში სულ 691 პირის ბიოლოგიური ნიმუში შევიდა, მათგან 500 კი გაიტესტა. გამოკვლეულთა შორის კორონავირუსი 9 პირს დაუდგინდა.
რუხის კლინიკაში 10 პაციენტი  კორონავირუსისგან განიკურნა. ინფორმაცია რადიო "ათინათს" კლინიკური დირექტორის მოვალეობის შემსრულებელმა მაიკო ჯანაშიამ დაუდასტურა.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
18 / სექტემბერი 2020
დღევანდელი მონაცემებით აფხაზეთში კორონავირუსზე ტესტირება 187 პირს ჩაუტარდა. კვლევის შედეგად ინფიცირების 43 ახალი შემთხვევა გამოვლინდა. ინფორმაციას დე ფაქტო რესპუბლიკის ოპერატიული შტაბი ავრცელებს.
18 / სექტემბერი 2020
მესტიის სოფელ ბეჩოში შუახნის ქალი ცეცხლსასროლი იარაღიდან დაჭრეს. მედიკოსების ცნობით, მას გამჭოლი ჭრილობა გულ-მკერდის არეში აქვს მიყენებული.
18 / სექტემბერი 2020
მიუსაფარ ძაღლს, რომელმაც ზუგდიდში, კოსტავას ქუჩის ერთ-ერთ ჩიხში 9 ლეკვი გააჩინა, სახლი სჭირდება.
მთავარი საინფორმაციო გამოშვება
არქივი
ამინდი
ზუგდიდი 20 °C
img
სოხუმი 20 °C
img
ფოთი 19 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.