სტატია
რატომ გახდა დავის საგანი წალენჯიხაში ზვიად გამსახურდიას ბიუსტის დადგმის იდეა
წალენჯიხაში, 26 მაისს საქართველოს პირველი პრეზიდენტის ზვიად გამსახურდიას ბიუსტის დადგმის შემდეგ სოციალურ ქსელში ადგილობრივმა სტუდენტმა გიორგი არქანიამ ვრცელი პოსტი გამოაქვეყნა. ის წერს, რომ ბიუსტის დადგმის ინიციატორები - 44 ახალგაზრდა ღონისძიებაზე არ მიიწვიეს. გიორგი არქანია ამტკიცებს, რომ მან ახალგაზრდებთან ერთად გასული წლის ნოემბერში საკრებულოში აღნიშნული ინიციატივით ოფიციალური წერილი შეიტანა, რის შემდეგაც ამ საკითხზე მუშაობა დაიწყეს.

„საკრებულოს თავმჯდომარეს ვესაუბრე და შევთანხმდით, რომ განცხადებას შევიტანდით. ასეც მოვიქეცით. განხილვაში უნდა მიგვეღო მონაწილეობა, მაგრამ როცა დაინიშნა განხილვა, გარკვეულმა პირებმა თქვეს, რომ, თითქოს, ჩვენ ვართმევდით ინიციატივას. საუბარი ამ ბიუსტზე 2014 წლიდან იყო, თუმცა, როგორც ხედავთ, მხოლოდ 5 წლის შემდეგ დაიდგა. ქალაქის ცენტრში, მოედანზე წარწერაც კი იყო ამის აღმნიშვნელი და ეს იყო ეროვნული მოძრაობის ინიციატივა. შემოდგომაზე კი ჩვენ გავაქტიურეთ ეს ინიციატივა, რადგან 80 წლის იუბილის აღნიშვნა გვსურდა სხვანაირად. ზვიადის სახელს ბევრი იყენებს. მთავარია, საქმე გაკეთდა. თუმცა, ჩვენ უსამართლობაზე გვწყდება გული. ადამიანები მიიწვიეს ოფიციალურად და ჩვენ არავინ შეგვეხმიანა. ჩვენ გვინდოდა, ერთობლივი ყოფილიყო, თუმცა, გამოვიდა, რომ თავად მიისაკუთრეს ეს იდეა“, - უთხრა რადიო „ათინათს“ არქანიამ.

წალენჯიხის მუნციიაპლიტეტის საკრებულოს უმრავლესობის წევრი დავით ბელქანია ამბობს, რომ ჯერ კიდევ მაშინ, როდესაც ის საკრებულოს თავმჯდომარეობდა, ზვიად გამსახურდიას მომხრეებს ამ საკითხზე ინიციატივა უკვე ჰქონდათ.

„მაშინ ჩვენ ადგილიც მოვნიშნეთ. შარშან ახალგაზრდების ჯგუფი შემოვიდა, რომელიც ამავე საკითხით იყო დაინტერესებული და გადავწყვიტეთ, განხილვა მოგვეწყო. ნამდვილად იდეა, რომ ბიუსტზე წარწერა „წალენჯიხა საქართველოს სიმბოლოა“ ყოფილიყო, მათ ეუთვნით, თუმცა, ეს ინიციატივა, წლებია, არსებობს. ამის შესახებ კი ახალგაზრდები ინფორმირებულები იყვნენ“, - აღნიშნა ბელქანიამ.

26 მაისს წალენჯიხაში დადეგმილი ღონისძიებების ორგანიზატორები ამტკიცებენ, რომ ღონისძიებაზე მოსაწვევეები არავისთვის გაუგზავნიათ და ნებისმიერ მსურველს მასზე დასწრება შეეძლო. მერიის პრესსამსახურში გვითხრეს, რომ 2014 წლიდან ესკიზებზე მუშაობასა და სხვა დეტალების დაზუსტებას 5 წელიწადი დასჭირდა და სწორედ მაშინ, გამსახურდიას მომხრეებისა და ადგილობრივი თვითთმართველობის ინიციატივით ჩაეყარა საფუძველი პირველი პრეზიდენტის ბიუსტის დადგმას წალენჯიხაში.

აქაური ახალგაზრდები კი ამბობენ, რომ გულდაწყვეტის მიუხედავად, მთავარი მათთვის ისაა, რომ გამსახურდიას ბიუსტი დადგეს და მისთვის პატივის მიგებას თავადაც აპირებენ.

საქართველოს პირველი პრეზიდენტისა და ეროვნული გმირის ზვიად გამსახურდიას ბიუსტის დასადგმელად მერიამ ტენდერი მიმდინარე წლის გაზაფხულზე გამოაცხადა და ადგილობრივი ბიუჯეტიდან 12 ათასი ლარი გამოყო.


Print Email
FaceBook Twitter
ანაკლიის პორტის პროექტის და ქალაქ ანაკლიის შემდგომ ბედზე საუბრისას, პოლიტიკური მოძრაობის „ლელოს საქართველოსთვის“ ლიდერმა აღნიშნა,
პოლიტიკური მოძრაობის „ლელო საქართველოსთვის“ ლიდერის მამუკა ხაზარაძის განცხადებით, აუცილებელია აფხაზებთან პირდაპირი დიალოგი.
დილის გადაცემის სტუმარი იყო პოლიტიკური მოძრაობა ,,ლელო საქართველოსთვის'' ლიდერი მამუკა ხაზარაძე.
საზოგადოება
ეკონომიკისა და მდგრადი განვითარების მინისტრი ნათია თურნავა ამბობს, რომ „ენგურჰესი“ ემსახურება სრულიად საქართველოს მოსახელობას, თუმცა ხელისუფლების
მართლმადიდებელი ეკლესია დღეს, ნათლისღების დღესასწაულს აღნიშნავს. ამასთან დაკავშირებით, ტაძრებში წირვა - ლოცვა ტარდება. ასევე, შესრულდება წყლის კურთხევის რიტუალი. მსახურების ბოლოს
ndi-ის კითხვაზე, როგორი დამოკიდებულება გაქვთ პოლიტიკოსების მიმართ, ყველაზე უარყოფითი შეფასება ბიძინა ივანიშვილს და სალომე ზურაბისშვილს აქვს, შემდეგ კი მიხეილ სააკაშვილს. გამოკითხულთა უმრავლესობამ მიხეილ
ამავე კატეგორიაში
დღის სიახლეები
29 / იანვარი 2020
აფხაზეთის დე ფაქტო რესპუბლიკის „ცესკომ“ დაარეგისტრირა საინიციტივო ჯგუფი, რომელიც ოპოზიციის ლიდერს ასლან ბჟანიას  „პრეზიდენტობის“ კანდიდატად წარადგენს, წერს „აბხაზია ინფორმი“.
29 / იანვარი 2020
ფოთში მოვაჭრეები თევზის ბაზრობის გაუქმებას აპროტესტებენ და აქციას მართავენ. მათ პროტესტის ნიშნად გადაკეტილი აქვთ მეგრელიშვილის სანაპიროზე საავტომობილო გზა.
28 / იანვარი 2020
ზუგდიდში 65 წლის მამაკაცს, რომელიც 22 წლის შშმ პირის გაუპატიურების ბრალდებით დააკავეს, პატიმრობა შეეფარდა. აღნიშნული
მთავარი საინფორმაციო გამოშვება
არქივი
ამინდი
ზუგდიდი 9 °C
img
სოხუმი 9 °C
img
ფოთი 9 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.