სტატია
ღვთისმშობლის ფრესკის მაკეტის აღმართვამ ზუგდიდელებში აზრთა სხვადასხვაობა გამოიწვია
ზუგდიდში, თავისუფლების მოედანზე, ღვთისმშობლის ფრესკის მაკეტისა და შემდეგ ფრესკის აღმართვის შესახებ საზოაგადოებაში განსხვავებული მოსაზრებებია. სოციალური ქსელის მომხმარებლების ნაწილს მოსწონს ეპარქიის იდეა, ნაწილისთვის კი წმინდანის ფრესკის ამ ადგილზე განთავსება მიუღებელია.

ფეისბუქზე ადამიანები საკუთარ მოსაზრებებს საკითხის გარშემო აქტიურად აფიქსირებენ, მაგალითად, ზუგდიდელი მერაბ ოკუჯავა წერს: „არ ვიცი, ამ ადგილს როგორ შეესაბამება ღვთისმშობლის ხატის მოზაიკური ფრესკა, (ჯერჯერობით მაკეტი) ამაზე ალბათ სპეციალისტებმა უნდა იმსჯელონ და მიიღონ გადაწყვეტილება, მაგრამ მანამდე ეს ეს სარეკლამო ბილბორდი მაინც მოაშორეთ იმ ადგილს, თორემ ძაან უხერხულია!“. მისი პოსტის ქვეშ ჯგუფ „ზუგდიდი Times“-ის წევრების ნაწილი წერს, რომ იდეით ვერ მოიხიბლა, ზოგი კი თვლის, რომ ხელისუფლება ცდილობს საპატრიარქოს ყველა სურვილი შეასრულოს და ხუმრობს, რომ, შესაძლოა, მალე „მარხვის დარღვევისთვის, ადმინისტრაციული სასჯელი შემოიღონ“.

ამავე ჯგუფში მოქალაქეების მოსაზრებებს უპასუხა საკრებულოს თავმჯდომარის მოადგილემ ბესიკ ჭეჟიამ.

„ეს ინიციატივა მოდის სამღვდელოებიდან და მეც არამაქვს ზუსტი ინფორმაცია რა დროს და სად იქნება განხილვა. რაც შეეხება ეკრანს, რა თქმა უნდა, შეუსაბამო იქნება იმ ადგილისთვის ამ პროექტის განხორციელების შემთხვევაში“, - აღნიშნავს ჭეჟია.

ფრესკის მოზაიკის დადგმას კატეგორიულად ეწინააღმდეგება კიდევ ერთი ზუგდიდელი მაია კალანდია.

„ფარისევლები რომ ხართ ცხადია, მაგრამ კარგია ეს ყველაფერი, რამდენიმე ადამიანი ხომ მიხვდება, როგორ ფეხებზე გკიდიათ ყველაფერი.ფრესკის ძეგლი რას ნიშნავს, ვის ტვინში მოიხარშა ეს ანაქრონიზმი?!“, - წერს ის რადიო „ათინათის“ მიერ გავრცელებული მასალის კომენტარებში.

საკრებულოს წევრი ბათლომე შელია კი გამოქვეყნებულ ფოტოს აზიარებს ფეისბუქის საკუთარ გვერდზე და წერს, რომ „მალე აქ რეკლამების მონიტორინგი და კონცერტების პროგრამის "გაფილტვრა" იქნება აუცილებელი, ასეთი კადრები რომ არ გაგვეპაროს...“ .

ზუგდიდელების ნაწილი ეპარქიის ინიციატივას „ბრწყინვალე იდეას“ უწოდებს. ზოგი კი მიიჩნევს, რომ არათუ ფრესკის აღმართვაა კარგი, არამედ მისი პარამეტრებიც უნდა გაიზარდოს.

„ღმერთმა დაგლოცოთ! შესანიშნავი წამოწყებაა. პარამეტრები თუ გაიზრდება, კარგი იქნება, ძალიან პატარა ჩანს“, - წერს მურთაზ ბელქანია.

სოციალური ქსელის მომხმარებლების ნაწილი კი ხაზს მეუფე გერასიმეს პიროვნებას უსვამს და წერს, რომ მეუფე „კარგი კაცია“.

რადიო „ათინათი“ დაინტერესდა, მიზანშეწონილია, თუ არა ასეთ ადგილას წმინდანის მოზაიკური ფრესკის აღმართვა. საპატრიარქოში ამასთან დაკავშირებით გვითხრეს, რომ მსგავს გადაწყვეტილებებს ეპარქიაში მეუფე გერასიმე იღებს.

რაც შეეხება მონიტორს, რომელიც ფრესკის გვერდითაა განთავსებული, მერიაში გვითხრეს, რომ ის შპს „ალმაის“ ეკუთვნის, რომელსაც გარერეკლამაზე ნებართვა აუქციონის წესით, 2015 წელს 15 წლის ვადით აქვს მოღებული და მან ყოველწლიურად ბიუჯეტში 40 524 ლარი უნდა შემოიტანოს.

პრესსამსახურში ასევე გვითხრეს, რომ საკითხთან დაკავშირებით საჯარო განხილვა არ იქნება და ფრესკის აღმართვის ნებართვას მერია კანონის შესაბამისად გასცემს.

ზუგდიდის ცენტრალურ მოედანზე, ზუგდიდისა და ცაიშის მიტროპოლიტ გერასიმეს ლოცვა-კურთხევით, ყოვლადწმინდა ღვთისმშობლის მოზაიკური ფრესკის მაკეტი აღმართეს. ეპარქიის მდივანის მამა დიმიტრი ვეკუას თქმით, ფრესკის საბოლოო ვერსის პარამეტრები შესაძლოა გაიზარდოს, რომლის შემდეგაც შესრულდება ხატი. მამა დიმიტრი დარწმუნებულია, რომ უახლოეს მომავალში ფრესკა ზუგდიდის ერთ-ერთ მთავარ ღირსშესანიშნავ სიმბოლოდ იქცევა. ზუგდიდის მერიაში აცხადებენ, რომ მაკეტის განთავსებას, ნებართვა არ სჭირდება, ხოლო ფრესკის დადგმაზე, ადგილობრივი თვითმმართველობა, ეპარქიასთან ერთად, იმსჯელებს.

ფოტო: მერაბ ოკუჯავა

Print Email
FaceBook Twitter
რ ე კ ლ ა მ ა
,,ქართული ოცნების“ ზუგდიდის მაჟორიტარი დეპუტატობის კანდიდატი ირაკლი ჩიქოვანი მოსახლეობას საოკუპაციო ხაზთან მდებარე სოფლებში ხურჩასა და კოკში შეხვდა.
"ქართული ოცნება-დემოკრატიული საქართველოს" ზუგდიდის მაჟორიტარი დეპუტატობის კანდიდატი ირაკლი ჩიქოვანი, ქართული ავიაციის 28-ე წლისთავს ეხმიანება
"ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატი ალექსანდრე მოწერელია წალენჯიხაში საბავშვო ბაღის პედაგოგებს შეხვდა.
კორონავირუსი
საქართველოში კორონავირუსით ინფიცირების 196 ახალი შემთხვევა დაფიქსირდა. ამის შესახებ ინფორმაცია მთავრობის მიერ სპეციალურად შექმნილ ვებგვერდზე,
ზუგდიდის ინფექციურ საავადმყოფოში, სამეგრელო-ზემო სვანეთის მასშტაბით, გამოკვლეული 437 ბიოლოგიური ნიმუშიდან კორონავირუსი 8 პირს დაუდასტურდა.
ბოლო 24 საათის განმავლობაში აფხაზეთში კორონავირუსზე ტესტირება 195 პირს ჩაუტარდა. კვლევის შედეგად ინფიცირების 53 ახალი შემთხვევა გამოვლინდა.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
ამავე კატეგორიაში
დღის სიახლეები
20 / სექტემბერი 2020
საქართველოში კორონავირუსით ინფიცირების 196 ახალი შემთხვევა დაფიქსირდა. ამის შესახებ ინფორმაცია მთავრობის მიერ სპეციალურად შექმნილ ვებგვერდზე,
20 / სექტემბერი 2020
,,ქართული ოცნების“ ზუგდიდის მაჟორიტარი დეპუტატობის კანდიდატი ირაკლი ჩიქოვანი მოსახლეობას საოკუპაციო ხაზთან მდებარე სოფლებში ხურჩასა და კოკში შეხვდა.
20 / სექტემბერი 2020
ზუგდიდის ინფექციურ საავადმყოფოში, სამეგრელო-ზემო სვანეთის მასშტაბით, გამოკვლეული 437 ბიოლოგიური ნიმუშიდან კორონავირუსი 8 პირს დაუდასტურდა.
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 16 °C
img
ფოთი 16 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.