სტატია
ზუგდიდში ადაპტირებული ავტობუსით შშმ პირმა ვერ ისარგებლა
ეტლით მოსარგებლე სოფია ჩახაიამ, რომელიც ზუგდიდის სოფელ კახათიდან სამსახურში, სოციალურ საწარმო „ჰანგში“ უნდა წამოსულიყო, შშმ პირთათვის ადაპტირებული ავტობუსით ვერ ისარგებლა. საწარმოს ხელმძღვანელის რუსლან საჯაიას თქმით, ავტობუსის მომლოდინე სოფიას მძღოლმა უთხრა, რომ ბაქანი გაჭედილი იყო და მას ვერ მოემსახურებოდნენ. საჯაიას თქმით, მძღოლი ვალდებული იყო გადმოსულიყო და მგზავრისთვის აეხსნა, თუ რა ვითარება იყო და მისთვის დახმარება შეეთავაზებინა.

„ადგილიდან არც განძრეულა, ისე უთქვამს ბაქანი გაჭედილიო. შეიძლება მართლა გაჭედილი ყოფილიყო, მაგრამ მძღოლს დახმარება მაინც უნდა შეეთავაზებინა. მისი მიდგომა არის დისკრიმინაციული. მგზავრები მზად ყოფილან სოფია აეყვანათ ავტობუსში, თუმცა ისე მოხდა, რომ ის დარჩა გზაში. ეს საქციელი ადამიანური თვალსაზრისით არასწორია. “, - ამბობს საჯაია.

ზუგდიდის მერიაში ამბობენ, რომ აღნიშნულ საკითხს იკვლევენ. მათივე ინფორმაციით, მძღოლები, მიუხედავად ტექნიკური ხარვეზისა ვალდებულები არიან მგზავრს დაეხმარონ.

რაც შეეხება მძღოლს ბაჩო თირქიას, იგი უარყოფს ფაქტს, რომ მგზავრს არ შესთავაზა დახმარება. მისი თქმით, შშმ პირთათვის ავტობუსში ამოსასვლელი გაჭედილი იყო, თუმცა ის მზადა იყო დახმარებოდა მგზავრს.

„პირველი შემთხვევა იყო. მე გავაჩერე ავტობუსი, კარებთან მივედი და იქიდან ვუთხარი გაჭედილიათქო, თვითონაც მარტო არ იყო ბიჭი მოჰყვებოდა, ავტობუსში იყვნენ მგზავრები და მეც მზად ვიყავი დავხმარებოდი. უკანა კარებიც სპეციალურად გავაღე შედარებით მოხერხებულია ეტლით მოსარგებლეთათვის, მაგრამ რატომ არ მოინდომეს ამოსვლა არ ვიცი. ჯერ მგზავრთან ასეთი შემთხვევა არ მქონია. პირიქით, ჩემი მომსახურებით ყოველთვის კმაყოფილები იყვნენ“, - ამბობს თირქია.

მერიაში აცხადებენ, რომ ისინი კიდევ ერთხელ გააფრთხილებენ მძღოლებს, რომ ყველა მგზავრის ინტერესი მაქსიმალურად დაიცვან.



Print Email
FaceBook Twitter
რ ე კ ლ ა მ ა
ზუგდიდის სოფელ კახათის #1 საჯარო სკოლის მოსწავლეები მიმდინარე წლის ზაფხულში გერმანიის, ავსტრიის, თურქეთის, აზერბაიჯანის, სომხეთის და საქართველოს საერთაშორისო ბანაკებში გაემგზავრებიან.
ევროპის ფონდი სამეგრელო-ზემო სვანეთის რეგიონში მოქმედი სამოქალაქო საზოგადოების ორგანიზაციებისა და ადგილობრივი მედიის წარმომადგენლებისთვის
ზუგდიდში, აღმაშენებლის #89-ში ავტოგასამართ ,,ვისოლის" სადგურთან სუპერმარკეტ "სმარტის" რიგით მეორე ფილიალი გაიხსნა.
საზოგადოება
„ანაკლიის განვითარების კონსორციუმი“ საქართველოს მთავრობის წინააღმდეგ ჟენევაში საარბიტრაჟო დავის დაწყებას აპირებს.
ზუგდიდის ბაღის ლოგოს კონკურში მონაწილეობის მიღება მსურველებს 10 თებერვლიდან შეეძლებათ. საკონკურსო პირობებზე ლოგოს შესარჩევად დაკომპლექტებულმა  სპეციალურმა კომისიამ დღეს იმსჯელა.
2020 წლის იანვარში ხე-ტყის უკანონო მოპოვებისა და ტრანსპორტირების 309 ფაქტი გამოავლინეს.
ამავე კატეგორიაში
დღის სიახლეები
16 / თებერვალი 2020
მესტიის სოფელ ჭუბერში ახალგაზრდა მამაკაცი, სავარაუდოდ, ცეცხლსასროლი იარაღით დაჭრეს.
16 / თებერვალი 2020
„ევროპული საქართველოს“ წევრი ლელა ქებურია აუდიტის სამსახურის მიერ ზუგდიდის მუნიციპალიტეტის მიერ უსახლკარო პირთა საცხოვრებელი ფართით უზრუნველყოფის პროგრამაში ხარვეზების გამოვლენას გამოეხმაურა.
16 / თებერვალი 2020
პარტია „ლელოს“ ზუგდიდის ოფისში  ამბობენ, რომ მუნიციპალიტეტში გზების რეაბილიტაციის პროცესი გაჭიანურებულია და მშენებლობის დაწყებას საპარლამენტო არჩევნებს დაუკავშირებენ.
მთავარი საინფორმაციო გამოშვება
არქივი
«« თებერვალი 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 1
ამინდი
ზუგდიდი 0 °C
img
სოხუმი 5 °C
img
ფოთი 4 °C
img
მესტია -13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.