სტატია
მოუწესრიგებელი შუქნიშანი რუსთაველისა და კოსტავას ქუჩების კვეთაზე (ფოტო)
ზუგდიდში, რუსთაველისა და კოსტავას ქუჩების კვეთაზე განთავსებული შუქნიშანი, ქვეითთა და სატრანსპორტო საშუალებების მოძრაობას ვერ აწესრიგებს. ამის მიზეზი ის არის, რომ ოთხიდან ორ შუქნიშანზე მწვანე ფერი ქვეითებისა და ავტომობილებისთვის თითქმის ერთდროულად ინთება, რაც ფეხით მოსიარულეებს საფრთხეს ქმნის.

ზუგდიდის მერიაში რადიო „ათინათს“ უთხრეს, რომ პრობლემის შესახებ იციან, თუმცა ამბობენ, რომ მძღოლებმა საგზაო მოძრაობის წესების შესაბამისად უნდა იმოძრაონ.

„სპეციალისტები მუშაობდნენ ამ საკითხზე, დაიტესტა დროებიც ქვეითებისა და მძღოლებისთვის, თუმცა ამან დამატებითი პრობლემები, საცობები შექმნა. სხვანაირად ვერ მოხერხდება, მძღოლებმა უნდა დაარეგულირონ მოძრაობა“, - გვითხრეს მერიაში.

ექსპერტები მერიის არგუმენტებს არ ეთანხმებიან და ამბობენ, რომ შუქნიშნის რეგულირება რამდენიმე გზით შეიძლება. ორგანიზაცია „საქართველოს ალიანსი უსაფრთხო გზებისთვის“ თავმჯდომარე ეკა ლალიაშვილი ამბობს, რომ მსგავსი პრობლემა თბილისში რამდენიმე ადგილას იყო, თუმცა ის მოგვარდა და მოძრაობაც მოწესრიგდა. ლალიაშვილმა რადიო „ათინათს“ უთხრა, რომ ამ შემთხვევაში, სასურველია, ხანგრძლივობა გაიზარდოს.

„შუქნიშნის მონაკვეთი არის ძალიან მცირე, მძღოლი აღარ უთმობს ქვეითს, ფეხით მოსიარულეს, როცა გვერდიდან მომავალმა გზა უნდა დაუთმოს. ისე უნდა მოეწყოს, რომ დრო გახანგრძლივდეს, ან ცალ-ცალკე აენთოს მწვანე. მთავარია, რომ ქვევით როცა ენთება, გვერდითა ავტომობილს არ ჰქონდეს შემოსვლის საშუალება. მძღოლებმა უნდა იცოდნენ, რომ უპირატესია ქვეითი, უნდა დაუთმონ ფეხით მოსიარულეებს, რომლებიც რისკის თვალსაზრისით, ამ შემთხვევაში ყველაზე მოწყვლადი ჯგუფის წევრები არიან. რაც შეეხება იმას, რომ საცობები შეიქმნება, მაგალითად გახანგრძლივების შემთხვევაში, აბსურდული არგუმენტია. ამას იმიტომ ამბობენ, რომ, უბრალოდ, არ სურთ და არ ცდილობენ, მეტი ძალისხმევა ჩადონ კონკრეტულად ამ ინფრასტრუქტურის უკეთესობისკენ შესაცვლელად“, - აღნიშნა ლალიაშვილმა.

ორგანიზაციაში მიიჩნევენ, რომ მოძრაობის წესების შესახებ ცნობიერება უნდა ამაღლდეს და წესები ქვეითებმა და მით უმეტეს, მძღოლებმა უნდა დაიცვან.

ბოლო პერიოდში სწორედ ამ შუქნიშანთან რამდენიმე ავტოსაგზაო შემთხვევა მოხდა.




Print Email
FaceBook Twitter
ამავე კატეგორიაში
დღის სიახლეები
21 / აგვისტო 2019
აშშ-ს სახელმწიფო დეპარტამენტის ყოფილმა მაღალჩინოსანმა მეთიუ ბრაიზამ IWPR-თან (ომის და მშვიდობის გაშუქების ინსტიტუტი) ინტერვიუში განაცხადა, რომ ანაკლიის პორტს საქართველოსთვის გარდამტეხი მნიშვნელობა აქვს.
21 / აგვისტო 2019
ზუგდიდის მუნიციპალიტეტის მერია და საკრებულო, ახალი ხელშეკრულებების თანახმად, „საქართველოს ბანკის“ მომხმარებელი გახდა.
21 / აგვისტო 2019
ზუგდიდის სკოლებში 121 პენსიონერმა პედაგოგმა სამსახურიდან წასვლის შესახებ განცხადება დაწერა.
საზოგადოება
{{ARTICLEIMAGE}}ანაკლიასა და განმუხურში მუსიკალურ ფესტივალ ECHOWAVES 2019-ის მოსამზადებელი სამუშაოები მიმდინარეობს.
რუსეთ-საქართველოს 2008 წლის ომიდან 11 წელი გავიდა. აგვისტოს ხუთ დღიან ომს 400-ზე მეტი ადამიანის სიცოცხლე ემსხვერპლა, მათ შორის იყო 170 სამხედრო პირი, შს სამინისტროს 19 თანამშრომელი და 244 სამოქალაქო პირი.
ივლისში საქართველოს 1,099,474 საერთაშორისო ვიზიტორი ესტუმრა, რაც გასული წლის მაჩვენებელს 5.8%-ით აღემატება. ამის შესახებ ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა ტურიზმის მე-2 კვარტლის სტატისტიკის შეჯამების და ივლისის მონაცემებზე საუბრისას განაცხადა.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 29 °C
img
სოხუმი 30 °C
img
ფოთი 27 °C
img
მესტია 23 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.