სტატია
რას ყვებიან ცხრა წლის ქაიან ბელქანიაზე წალენჯიხის სკოლაში
წალენჯიხელი 9 წლის ქაიან ბელქანია, რომელმაც ასტრონომიის ცოდნა გამოავლინა და ფართო საზოგადოებამ ფეისბუკით გაიცნო, სასკოლო ბიბლიოთეკის ხშირი სტუმარია. კითხულობს, როგორც მოთხრობებს და რომანებს, ასევე ენციკლოპედიებს, რომელშიც ციურ სხეულებზე ინფორმაციას ეცნობა. მეოთხე კლასის მოსწავლემ ბოლოს ჰენრი რაიდერ ჰაგარდის რომანით „სოლომონ მეფის საგანძური“ დაინტერესდა.  ქაიანის მათემატიკის მასწავლებელი და სკოლის დირექტორი მანანა სონგულია ამბობს, რომ მისმა მოსწავლემ ასტრონომიის ცოდნა რამდენიმე თვის წინ გამოავლინა. როგორც მან რადიო „ათინათს“ უთხრა, ბავშვს წაკითხულის დამახსოვრების და გადმოცემის განსაკუთრებული ნიჭი გააჩნია.

„ქაიანმა ციური სხეულებისადმი ინტერესი უფრო მეორე სემესტრში გამოვლინა. გაკვეთილების ბოლოს დარჩენას გვთხოვდა, უნდოდა მოგვესმინა მისი შეხედულებები ასტრონომიისადმი. სულ ვცდილობდი დრო მომეტოვებინა მისთვის... ქაიანი ბიბლიოთეკის აქტიური სტუმარია, ასაკთან შეუსაბამო წიგნები გააქვს. ზოგადად დაბალი კლასელები ძალიან აქტიურები არიან და ხშირად დადიან ბიბლიოთეკაში, მაგრამ ქაიანის დაინტერესების სფერო სულ სხვაა. ახლა გამოტანილი აქვს „სოლომონ მეფის საგანძური“. არ ვიცი, რამ განაპირობა ქაიანის ამ კუთხით განვითარება. სკოლაში ხშირად ტარდებოდა ჯიპრაიდული გაკვეთილები, რაც თხზულების შედგენსა, ზღაპრების გაგრძელებას და სწავლების სხვა ინოვაციურ მიდგომას გულისხმობს და შესაძლოა ამანაც ერთგვარი პროვოცირება მოახდინა, რომ მას ცოდნა გამოევლინა. დედა სამი წელი არ ჰყავდა ნანახი, არ იმყოფებოდა საქართველოში, ახლა როგორც გავიგეთ ჩამოსულია და ინტერნეტი შემოუყვანია ქაიანითვის, იქაც ეძებს რაღაცეებს. ამ ბავშვს აქვს უნიკალური მეხსიერების უნარი, რასაც წაიკითხავს წამებში იმახსოვრებს. ყველაზე განსაკუთრებული, რაც მას აქვს ეს მეტყველების და გადმოცემის უნარია“, - ამბობს დირექტორი.

სხვა საგნებში ქაიანი განსკუთრებულ შესაძლებლობებს არ ავლენს, თუმცა ქართულის მასწავლებელი და მისი დამრიგებელი მარინე ფიფია ამბობს, რომ მას თხზულებების მოფიქრება და ამა თუ იმ ნაწარმოების შინაარსის გაგრძელება უყვარს. ქაიანის ინტერესი ციური სხეულებისადმი, სხვა მასწავლებლებთან ერთად, მანაც სემესტრის ბოლოს აღმოაჩინა.

„მას ყოველთვის ჰქონდა კითხვები და არასოდეს ვაიგნორებდით. კითხვის კარგი ტექნიკა აქვს, მოსმენის და ვიზუალურად დამახსოვრების უნარიც კარგი აქვს, არაჩვეულებრივად მეტყველებს. განსაკუთრებით მოსწონს ტექსტის გაგრძელება, რაღაც ახალის მოფიქრება“, - თქვა მან.

სკოლის ადმინისტრაციამ ქაიან ბელქანიას მონაცემების შესახებ იფნორმაცია წალენჯიხის რესურსცენტრს უკვე გადასცა. თავის მხრივ, რესურსცენტრმა ინფორმაცია განათლების სამინისტროს გადაუგზავნა.
ახლა სკოლა სპეციალისტების მოლოდინშია, რათა გაირკვეს თუ რა მიმართულებით უნდა გააგრძელოს მეოთხე კლასის მოსწავლემ სწავლა. სამინსიტროში რადიო "ათინათს", უთხრეს, რომ განცხადება მათთან შესულია და საკითხზე შესაბამისი სამსახური მუშაობს.

ცხრა წლის ქაიან ბელქანია, რომელმაც ინტერნეტ სივრცე დაიპყრო, მეცნიერება სურს და კოსმონავტობაზე ოცნებობს. მანამდე კი პატარა ასტრონომი მზის სისტემის პლანეტების მოცულობასა და შემადგენლობას სწავლობს.

ქაიან ბელქანია საზოგადოებამ მეზობლის მიერ გავრცელებული ვიდეოების მეშვეობით გაიცნო. ის დედასთან და ბებიასთან ერთად წალენჯიხაში ცხოვრობს. როგორც მეზობლებმა ამბობენ, ბავშვის მამა თურქია და ის სამშობლოში ცხოვრობს. დედას კი ჯანმრთელობის პრობლემა აქვს და პატარა ქაიანს, ძირითადად, ბებია უვლის.

ამავე თემაზე:

გაიცანით ცხრა წლის ქაიანი,რომელმაც ინტერნეტი ასტრონომიის ცოდნით დაიპყრო (ვიდეო)


Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერი, გიორგი შენგელია ნაციონალური მოძრაობის ბრალდებას აბსურდულს უწოდებს და ოპოზიცური პარტიის წევრს ანა წითლიძეს
თუ ბოლო სამი წლის განმავლობაში თქვენს მოგზაურობას ისეთი არასასიამოვნო მოგონებებიც უკავშირდება, როგორიც ფრენის გადადება, გაუქმება ან თუნდაც, ბარგის დაზიანებაა,
გადეცემის თემა -  COVID-19 გავრცელების პრევენცია იძულებით გადაადგილებულ პირთა კოლექტიურ ცენტრებში.
კორონავირუსი
ზუგდიდის საზოგადოებრივი ჯანდაცვის ცენტრის ინფორმაციით დღის განმავლობაში ინფექციური საავადმყოფოს ლაბორატორიაში Covid 19 -ზე 24 პირის ნიმუში გაიტესტა.
ანაკლია-განმუხურის საკარანტინო სივრცეში ამ დროისთვის 62 პირი იმყოფება. ინფორმაციას სამეგრელო-ზემო სვანეთის სამხარეო ადმინისტრაცია ავრცელებს.
საქართველოში კორონავირუსის პანდემიის გამო შეჩერებული შიდა ავიამიმოსვლა აღდგება. ფრენების განახლება 15 ივნისიდან იგეგმება.
საზოგადოება
2020 წლის 25, 29 და 30 მაისს, სამეგრელო-ზემო სვანეთის რეგიონული ჰაბის ასოციაცია „ათინათის“ ინიციატივით, მსოფლიოში და მათ შორის საქართველოში
სოციალურმა მედია პლატფორმამ Tik Tok - მა გაასწორა შეცდომა და ახლა აპლიკაციაში აფხაზეთის და ცხინვალის რეგიონები არ არიან მითითებული, როგორც დამოუკიდებელი სახელმწიფოები.
პირველი მეგრულენოვანი სამეცნიერო ხასიათის ჟურნალი „სქანი“ თბილისში უკვე იყიდება.
ამავე კატეგორიაში
დღის სიახლეები
06 / ივნისი 2020
ზუგდიდის საზოგადოებრივი ჯანდაცვის ცენტრის ინფორმაციით დღის განმავლობაში ინფექციური საავადმყოფოს ლაბორატორიაში Covid 19 -ზე 24 პირის ნიმუში გაიტესტა.
06 / ივნისი 2020
"ვურჩევდი, სანამ მსგავსი საკითხებით დაკავდება, საკრებულოს სხდომებს დაესწროს და უფრო კომპეტენტური განცხადებები გააკეთოს", - ასე უპასუხა ზუგდიდის მერმა ენმ-ის წევრის
06 / ივნისი 2020
ზუგდიდის სოფელ რუხში ადგილობრივებმა საპროტესტო აქცია გამართეს. მათი ინფორმაციით, მდინარე ენგურის მიმდებარედ არსებულ ტერიტორიაზე კერძო საწარმო ქვა-ღორღის
მთავარი საინფორმაციო გამოშვება
არქივი
«« ივნისი 2020 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
ამინდი
ზუგდიდი 19 °C
img
სოხუმი 21 °C
img
ფოთი 21 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.