სტატია
ზუგდიდში 100%-იანი გრანტი 30-ზე მეტმა აბიტურიენტმა მიიღო
მიმდინარე წლის ერთიანი ეროვნული გამოცდების საბოლოო შედეგების მიხედვით, 100%-იანი სახელმწიფო დაფინანსება ზუგდიდის საჯარო და კერძო სკოლების 30-ზე მეტმა მოსწავლემ მოიპოვა. ყველაზე მეტი აბიტურიენტი, რომელმაც გრანტი მიიღო, მეორე საჯარო სკოლის კურსდამთავრებულია.

აბიტურიენტების რაოდენობა საჯარო სკოლებში შემდეგია:

პირველი საჯარო სკოლა - 5 მოსწავლე;
მე -2 საჯარო სკოლა - 11;
მე -3 საჯარო სკოლა - 3;
მე -5 საჯარო სკოლა - 2 ;
მე -8 საჯარო სკოლა - 1;
მე -9 საჯარო სკოლა - 1;
მე -10 საჯარო სკოლა - 2;
მე -11 საჯარო სკოლა - 1;
ახალკახათის საჯარო სკოლა - 1;
ჭაქვინჯის საჯარო სკოლა - 1;
კახათის პირველი საჯარო სკოლა - 2.

აღნიშნული მონაცემები რადიო „ათინათს“ ზუგდიდის მუნიციპალიტეტის სკოლების დირექტორებმა მიაწოდეს. მათი განმარტებით, ციფრები შესაძლოა ზუსტი არ იყოს, რადგან ნაწილმა, ყველა მოსწავლესთან დაკავშირება ვერ მოახერხა.

რაც შეეხება კერძო სკოლებს: შპს ალექსანდრე ღურწკაიას გიმნაზიაში (ჯი ჯი) სრული დაფინანსება სამმა, ხოლო წმინდა გიორგის სახელობის გიმნაზიაში ორმა მოსწავლემ მიიღო.

მე-11 საჯარო სკოლის მოსწავლის ანა ცირდავას თქმით, რომელმაც 100%-იან გრანტი მოიპოვა, წლევანდელი გამოცდები რთული იყო და შედეგი მისთვის მოულოდნელი აღმოჩნდა.

„მოულოდნელი და სასიხარულო იყო. ჩავირიცხე იმ უნივერსიტეტში და იმ ფაკულტეტზე რომელიც მინდოდა. ეს არის თბილისის სახელმწიფო უნივერსიტეტი, სოციოლოგიის ფაკულტეტი. გააზრებული მქონდა და ვიცოდი, რომ სოციოლოგიაზე უნდა ჩამებარებინა. იმიტომ რომ, კვლევები და საზოგადოებასთან ურთიერთობა მომწონს. 100%-იანი გრანტი ძალიან დიდი სიხარული და პასუხისმგებლობაა. როდესაც სახელმწიფო მთლიანად მიფინანსებს სწავლის საფასურს, მეც მეტი მომეთხოვება“, - თქვა მან.

100%-იანი გრანტი მიიღო წმინდა გიორგი გიმნაზიის მოსწავლე საბა გუჩუამაც. მისთვის ეროვნული გამოცდები საშუალო სირთულის აღმოჩნდა. სრული დაფინანსება მისთვისაც მოულოდნელი იყო.

„ველოდებოდი 70%-ს, მაგრამ 100%-ს არა. არც მინერვიულია გამოცდებზე. ჩემი ნაწერითაც კმაყოფილი ვიყავი. რა თქმა უნდა, სასიხარულოა, როცა არ ელოდები სრულ გრანტს“, - ამბობს გუჩუა.

ერთიანი ეროვნული გამოცდები წარმატებით ჩააბარა მე-5 საჯარო სკოლის მოსწავლემ ნინო გვალიამ. მან სრული დაფინანსება მოიპოვა და თბილისის სახელმწიფო უნივერსიტეტის ბაზაზე არსებული სან დიეგოს სახელმწიფო უნივერსიტეტის ამერიკული პროგრამის ქიმია/ბიოქიმიის ფაკულტეტზე ჩაირიცხა.

„წელსვე გავხდი თავისუფალი და აგრარული უნივერსიტეტების მიერ ორგანიზებული კონკურსის „ლავუაზიეს წრე“ ფინალისტი. გარდა ამისა, მოვიპოვე შავი ზღვის უნივერსიტეტის თანადაფინანსება, თუმცა საბოლოოდ არჩევანი სან დიეგოს სახელმწიფო უნივერსიტეტის ქიმია/ბიოქიმიაზე შევაჩერე, რადგანაც დაგროვილი გამოცდილებიდან გამომდინარე, ვთვლი, რომ STEM არის ის, რაც შეიძლება გახდეს შენი და შენი ქვეყნის მუდმივი განვითარების გარანტი. მე კი მაქსიმალურად ვეცდები ჩემი წვლილი შევიტანო მეცნიერებისა და ტექნოლოგიის განვითარებაში“, - აღნიშნა გვალიამ.

შეფასებისა და გამოცდების ეროვნულ ცენტრში აცხადებენ, რომ 2019 წელს უმაღლეს საგანმანათლებლო დაწესებულებებში სწავლის გაგრძელების უფლება  28 740-მა აბიტურიენტმა მოიპოვა, რაც იმას ნიშნავს, რომ უმაღლეს სასწავლებლებში გამოცდებზე რეგისტრირებული აბიტურიენტების, დაახლოებით, 71%-მა ჩააბარა. აქედან სახელმწიფო გრანტი 6 546-მა სტუდენტმა მიიღო.

2019 წლის ერთიანი ეროვნული გამოცდები 1 ივლისს დაიწყო. მთელი ქვეყნის მასშტაბით 11 ქალაქში 23 საგამოცდო ცენტრი გაიხსნა.  







Print Email
FaceBook Twitter
თხილის მწარმოებელთა ასოციაციაში თხილის სექტორში არსებული ვითარება შეაჯამეს და სამომავლო გეგმებზე იმსჯელეს. გარემოს დაცვისა და სოფლის მეურნეობის სამინისტროს ინფორმაციით,
გადაცემა მომზადებულია სამედიცინო ფსიქოლოგიური ცენტრი "მნათობის" პროექტის "ერთად დავძლიოთ ძალადობა" ფარგლებში, რომელიც მხარდაჭერილია საქართველოში ქალთა ფონდის მიერ.
თხილის მწარმოებელთა ასოციაცია მეთხილე ფერმერების სასარგებლოდ ახალი ინიციატივით გამოდის.
საზოგადოება
საქართველოს მოსახლეობის 78%, რომელსაც სმენია სრულად პროპორციულ სისტემაზე გადასვლის შესახებ საპარლამენტო არჩევნებისთვის, ემხრობა აღნიშნულ ცვლილებას. ამის შესახებ საერთაშორისო
რიკოთის საავტომობილო გვირაბში პროფილაქტიკური სამუშაოების გამო 14 ნოემბერს, 08:00-დან 18:00 საათამდე, ყველა სახის ავტოტრანსპორტის მოძრაობა აიკრძალება.
27 ნოემბრიდან საქართველო 6 თვით ევროპის საბჭოს თავმჯდომარე ქვეყანა გახდება.
ამავე კატეგორიაში
დღის სიახლეები
19 / ნოემბერი 2019
მარტვილის სოფელ სალხინოს მიმდებარედ, ტყეში ხანძრის ძირითადი კერები ლოკალიზებულია. ამ დროისთვის მიმდინარეობს სალიკვიდაციო სამუშაოები.
19 / ნოემბერი 2019
მარტვილის სოფელ სალხინოს მიმდებარედ, სადაც ტყის ქვედა საფარი იწვის 50-მდე მეხანძრე-მაშველი მუშაობს.
19 / ნოემბერი 2019
თანამედროვე სამედიცინო ტექნოლოგიების დასავლეთის რეგიონალური ცენტრი 20 ნოემბერს ზუგდიდში უფასო სამედიცინო გამოკვლევებს ჩაატარებს.
მთავარი საინფორმაციო გამოშვება
არქივი
ამინდი
ზუგდიდი 10 °C
img
სოხუმი 11 °C
img
ფოთი 14 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.