სტატია
ბიტკოინების წარმოება და დაზარალებული მეწარმეები - ტურისტული სეზონი მესტიაში
მესტიაში საოჯახო სასტუმროების მფლობელების ნაწილი ტურისტების სიმცირეზე საუბრობს. მათი თქმით, გასულ წლებში დამსვენებლების ნაკადი გაცილებით მეტი იყო, ვიდრე მიმდინარე სეზონზე. ამის მიზეზად ისინი სხვადასხვა პრობლემებს, მათ შორის, ელექტროენერგიის ხშირ გამორთვებს ასახელებენ. მეწარმეების გარკვეული ნაწილი კი სტუმრების ნაკლებობას არ უჩივის, თუმცა ყველა თანხმდება, რომ სვანეთში ბოლო ერთი წლის განმავლობაში დენის მოხმარება გაზრდილია, რაც ტურისტულ სეზონზე გავლენას ახდენს. მესტიელები დენის გათიშვებს ელექტროსადენების დატვირთვას უკავშირებენ, რომელსაც ბიტკოინების მწარმოებელი აპარატების მუშაობა იწვევს.

როგორც რადიო „ათინათს“ სასტუმრო „მესტიის“ ხელმძღვანელმა ნათია ქურდიანმა უთხრა, გასულ კვირებში ელექტროენერგიის გამორთვის გამო, მას ტურისტების გადაყვანა მეზობელ სასტუმროში მოუწია. ქურდიანის თქმით, ამ ფაქტმა მისი ბიზნესი აზარალა. როგორც მეპატრონე გვეუბნება, სასტუმრო "მესტიას", რომელიც სამი წლის წინ გაიხსნა და 35 სტუმრის მიღების შესაძლებლობა აქვს, ამ ეტაპზე,  მხოლოდ 2-3 დამსვენებელი ჰყავს.

„ძალიან დავიტანჯეთ, ძალიან დიდი პრობლემა არის შუქი. მიდი-მოდის, გამოვიდა ყველაფერი მწყობრიდან. ტურისტი  თავისთავად უკმაყოფილოა. არიან სასტუმროები, რომლებსაც გენერატორი აქვთ და ძირითადად იქ მიდიან ტურისტები. ყველას გვექმნება პრობლემები ამის გამო. თუ მესტიას ტურისტები დაგეგმილზე ადრე ტოვებენ, ერთ-ერთი მიზეზი არის უშუქობა. მივმართეთ შესაბამის უწყებებსაც, მაგრამ იმათაც რა ქნან. "ენერგო-პროს" თანამშრომლები წვიმაში და ქარში აქ მუშაობენ. ზუსტად არ ვიცი, მაგრამ საუბარია ბიტკოინებზე და ამას  უნდა მიხედონ. წელს როგორც გვეუბნებიან გაოთხმაგებულია ელექტროენერგიის მოხმარება. ამდენი სასტუმრო და ტურისტი აქ არ არის, რომ ხაზების გადატვირთვა გამოიწვიოს. ამ ეტაპზე სტუმრები არ გვყავს. ორი სამი კაცი თუ იქნება. გასულ კვირაში 6 ადამიანის გადაყვანა მომიწია სხვა სასტუმროში, იმის გამო, რომ არ მქონდა შუქი“, - ამბობს ქურდიანი.

ელექტროენერგიის ხშირ გათიშვას ბიზნესმენი მურად მარგიანი მესტიაში ბიტკოინების გამომუშავებას უკავშირებს, რაც მისივე თქმით, ელექტროსადენების გადატვირთვას და მესტიაში შუქის ჩაქრობას იწვევს. მარგიანის ინფორმაციით, ამის გამო ტურისტები უკმაყოფილონი არიან, რადგან სასტუმროების უმეტესობა, რომელებიც მხოლოდ დენზე არიან დამოკიდებული და გენერატორები არ აქვთ, მათ შესაბამის მომსახურებას ვერ სთავაზობენ. თავად  ამ პრობლემას არ უჩივის, რადგან მას გენერატორი აქვს და სტუმრები კომფორტულად გრძნობენ თავს.

„ტურისტები რა თქმა უნდა უკმაყოფილონი არიან რადგან, ყველა სასტუმროს გათბობა დენზე აქვს. ჩვენ გენერატორი გვაქვს და მოსულ სტუმრებს ამის პრობლემა არა აქვთ, მაგრამ არიან სასტუმროები, ძირითადად ახლად გახსნილები, რომლებიც დენზე არიან დამოკიდებული. წელს თოვლიც არ არის დიდი, მაგრამ ამის მიუხედავად, ჩემთან ტურისტები არიან, როგორც ქართველები, ასევე უცხოელები. შემიძლია გითხრათ, რომ მათი რაოდენობა მზარდია“, -  ამბობს მურად მარგიანი.

საოჯახო სასტუმრო „მანანას“ მფლობელი მანანა რატიანი მიიჩნევს, რომ წელს ტურისტების ნაკლებობა არ შეიმჩნევა. პირიქით, რატიანი გვეუბნება, რომ მესტიას როგორც უცხოელები, ასევე ქართველები სტუმრობენ. რაც შეეხება იმ მოსაზრებას, რომ ტურისტები სვანეთს ელექტროენერგიის გამო ტოვებენ, რატიანი არ ეთანხმება და ამის მიზეზად უფრო თოვლის სიმცირეს ასახელებს.

„დენი როგორც ყველასთან ჩემთანაც ქრება, მაგრამ ამის გამო ტურისტი მესტიიდან არ მიდის. წელს ხშირად ისაა მიზეზი, რომ თოვლი არ არის და არ რჩებიან დიდხანს. ხანდახან ხდება დენის ჩაქრობა, მაგრამ ხანგრძლივი დროით არა. მაგრამ, იმასაც ვიტყვი, რომ არის უბნები, რომლებსაც აქვთ პრეტენზიები. იანვრის დასაწყისში მყავდა საკმაოდ დიდი ნაკადი, ისეთი, რომ მსგავსი არ მახსოვს წინა წლებში, მაგრამ ამ წუთას არ მყავს. ველოდები თებერვლიდან ისევ დიდ ნაკადს. ასევე, მინდა აღვნიშნო, რომ ტურისტების სიმცირეზე ალბათ იმიტომ საუბრობენ, რომ ძალიან ბევრი სასტუმრო აშენდა და გადანაწილდნენ დამსვენებლები“, - ამბობს მანანა რატიანი.

„ენერგო-პრო ჯორჯიაში“ რადიო „ათინათის“ კითხვაზე, თუ რამდენად გაიზარდა ელექტროენერგიის მოხმარება სვანეთში ბოლო ერთი წლის განმავლობაში, კომენტარს არ აკეთებენ. მიუხედავად ამისა, მესტიის მერიის მიერ გამოქვეყნებულ ინფორმაციით ვიგებთ, რომ სვანეთში, გასულ წლებთან შედარებით, ელექტროენერგიის მოხმარება ოთხჯერ გაიზარდა.  

გასულ კვირაში მესტიის მერიაში გამართულ ერთ-ერთ შეხვედრაზე ასევე ითქვა, რომ მუნიციპალიტეტის მასშტაბით ათასობით ე.წ. "მაინერია" ამოღებული. ფაქტზე შს სამინისტრომ საქმე 229-ე მუხლით აღძრა, რაც ჯარიმას ან ერთი წლით თავისუფლების შეზღუდვას გულისხმობს.

ცნობისთვის, სვანეთის მოსახლეობა ელექტროენერგიის საფასურს არ იხდის. გადასახადი მხოლოდ მეწარმეებზეა დაწესებული. ბიტკოინების მწარმოებელი აპარატები სწორედ კერძო სახლებში აღმოაჩინეს.


ფოტო: ინტერნეტი
Print Email
FaceBook Twitter
რ ე კ ლ ა მ ა
დღეს, 4 ივლისს ამერიკელი ხალხი დამოუკიდებლობის დეკლარაციაზე ხელმოწერის 244 წლისთავს აღნიშნავს.
ჩხოროწყუს მუნიციპალიტეტის მერმა დათო გოგუამ და მუნიციპალიტეტში წითელი ჯვრის საზოგადოების ხელმძღვანელმა ხათუნა მიქავამ, მერის მოადგილესთან, სოციალური და ჯანდაცვის სამსახურის უფროსთან ერთად,
ზუგდიდის მუნიციპალიტეტის მერიის ჯანდაცვის კომისიამ, 1 მცირეწლოვანს სასმენი აპარატის შეძენა 15 000 ლარით დაუფინანსა. აღნიშნული პროგრამა, მუნიციპალიტეტის მერიას წელს დაემატა.
კორონავირუსი
სამეგრელო-ზემო სვანეთის სამხარეო ადმინისტრაციის ინფორმაციით, ანაკლია-განმუხურის საკარანტინო სივრცეში დღეის მონაცემებით 102 პირი იმყოფება.
ზუგდიდის საზოგადოებრივი ჯანდაცვის ცენტრის ინფორმაციით, ინფექციური საავადმყოფოს ლაბორატორიაში გასული 24 საათის განმავლობაში 185 პირის ბიოლოგიური ნიმუში გამოიკვლიეს.
ზუგდიდის საზოგადოებრივი ჯანდაცვის ცენტრის ინფორმაციით, გუშინ ინფექციური საავადმყოფოს ლაბორატორიაში 255 პირის ბიოლოგიური ნიმუში გაიტესტა. მათ შორის არიან რეგიონში არსებული ცხელების კლინიკების პაციენტები, მედპერსონალი,
საზოგადოება
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
2020 წლის ერთიანი ეროვნული გამოცდები 6 ივლისს დაიწყება და 25 ივლისს დასრულდება. დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციების შესაბამისად,
ამავე კატეგორიაში
დღის სიახლეები
05 / ივლისი 2020
ლუარა ლემონჯავა, რომელსაც ნათესავები ოკუპირებული აფხაზეთის ტერიტორიაზე ეძებდნენ, ანაკლია-განმუხურის საკარანტინო ზონაში იმყოფება.
05 / ივლისი 2020
მესტიის მუნიციპალიტეტის სოფელ იდლიანში მთის ფერდობზე ხანძარია. სოფელში მერის წარმომადგენლის ბეჟან ჭკადუას განმარტებით ცეცხლის
05 / ივლისი 2020
სახელწიფო უსაფრთხოების სამსახურში ადასტურებენ, რომ ტატო ზარქუა ოკუპირებულ აფხაზეთში, წინასწარი დაკავების იზოლატორში იმყოფება.
მთავარი საინფორმაციო გამოშვება
არქივი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 30 °C
img
სოხუმი 28 °C
img
ფოთი 20 °C
img
მესტია 18 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.