სტატია
COVID-19 - როგორ მუშაობს ადგილობრივი მედია სამეგრელოში (ფოტო)

საქართველოში ახალი კორონავირუსის გავრცელებასთან დაკავშირებით, სამეგრელოში ადგილობრივი მედია მუშაობის განსხვავებულ რეჟიმზე გადავიდა.


16 მარტიდან რადიო ,,ათინათის’’ თანამშრომლების ნაწილი მუშაობს ონლაინ, სახლიდან.

 

"პრობლემის გაჩენისთანავე ჩვენ თადარიგი დავიჭირეთ: შევიმუშავეთ რეგულაციები და მივიღეთ თანამშრომლებისთვის აუცილებელი წესები, რაც საჭიროა იმისთვის, რომ გავუფრთხილდეთ საკუთარ თავს და არ შეუქმნას საფრთხე სხვებს'', - აღნიშნა რადიო ,,ათინათის'' დირექტორმა გია ხასიამ.

დროებით შეიცვალა საეთერო ბადეც. ვიდეო და აუდიო გადაცემები, რომლებიც სტუმრის მონაწილეობას ითვალისწინებს, ამ ეტაპზე შეჩერებულია.

ეთერში გადის დილის გადაცემა, სხვადასხვა რუბრიკები, აუდიო გადაცემები სატელეფონო ჩართვებით, ყოველ საათში ერთხელ - საინფორმაციო გამოშვებები, მათ შორის ერთი რუსულ ენაზე.

რადიო „ათინათის“ ვებგვერდზე გაჩნდა ახალი რუბრიკა ,,კორონავირუსი“.  აქ თავმოყრილია COVID-19 -ის თემაზე არსებული ყველა სიახლე და ვიზუალური მასალა.

დღესდღეობით, რადიო ,,ათინათის’’ ოფისში რჩებიან მორიგე ჟურნალისტები და ტექნიკური ოპერატორი. ნიუსრუმსა და სტუდიაში დაცულია სანიტარული უსაფრთხოების წესები. თანამშრომლები ატარებენ ნიღბებს და ხელთათმანებს, ასევე იცავენ 1-მეტრიან დისტანციას.

კორონავირუსის გავრცელების პრევენციის მიზნით, რადიო ,,ათინათში’’ ჩატარდა სადეზინფექციო სამუშაოები. დეზინფექცია ჩაუტარდა ტექნიკას და სტუდიებს.

ონლაინ - გამოცემა Livepress.ge ჯერჯერობით ჩვეულ რეჟიმში მუშაობს, თუმცა ქვეყანაში შექმნილი მდგომარეობიდან გამომდინარე, ორშაბათიდან სრულად გადავა სახლიდან მუშაობაზე.

"გადავდივართ დისტანციურ რეჟიმზე, ჟურნალისტები სახლიდან იმუშავებენ. არ გვექნება ვიდეორეპორტაჟები, ვიმუშავებთ ინფოგრაფიკაზე, რომ მასალები გავამრავალფეროვნოთ ამ მიმართულებით, გადაცემა გვექნება რესპოდენტებთან დისტანციური კავშირით’’, - გვითხარა „ლაივპრესის“ დირექტორმა გერონტი ყალიჩავამ.

გამოცემა დისტანციურად იმუშავებს, მანამ, სანამ ქვეყანაში ეპიდემიოლოგიური სიტუაცია არ დასტაბილურდება.

ტელე-რადიო კომპანია ოდიშმა“ ასევე შეაჩერა დაგეგმილი გასვლითი გადაღებები. მათი თქმით, მხოლოდ აუცილებლობის შემთხვევაში გადიან გარეთ. ჟურნალისტების მიერ მომზადებული ახალი ამბების ძირითადი ნაწილი კორონავირუსთან დაკავშირებულ თემებს ეთმობა.

,,ჩვეულებრივად ვმუშაობთ, უბრალოდ გადაღებებს არ ვგეგმავთ, მთლიანად კორონავირუსზე ვართ გადართული, სტუდიური გადაცემებიც არ შეგვიჩერებია და არც რადიო გაჩერებულა. ვფიქრობთ, რომ ახლა ინფორმაციის გავრცელება და სწორად მიწოდება საზოგადოებისთვის განსაკუთრებით მნიშვნელოვანია’’, - ამბობს ტელეკომპანია "ოდიშის" საინფორმაციო სამსახურის" ხელმძღვანელი ნანა ქობალია.

უსაფრთხოების მიზნით რამდენიმე დღეა გაზეთ ზუგდიდელების თანამშრომლები დისტანციურ მუშაობაზე გადავიდნენ.

,,ვცდილობთ ჩვენს მკითხველს აუცილებელი ინფორმაცია მივაწოდოთ ჩვენი ვებგვერდის საშუალებით და არ გავანერვიულოთ, ვებგვერდს დაემატა მოდული stopcov.ge, დავამატეთ ასევე ინტერვიუები საზღვარგარეთ დარჩენილ ზუგდიდელებთან’’, - აღნიშნა საინფორმაციო პორტალ "ზუგიდელების" რედაქტორმა ნანი მოსიძემ.

ახალი ამბების სააგენტო ,,STV.GE სამეგრელო’’ სტანდარტულ რეჟიმში აგრძელებს მუშაობას.

,,ვმუშაობთ ისე, როგორც ვმუშაობდით. ანუ არც არაფერი შეცვლილა. ვართ ადგილზე, სადაც კი რამე ხდება. ჩვენი რესურსით, წყაროებით და შესაძლებლობებით. გვაქვს პრეტენზია, რომ ვიყოთ დროული და ჩვენს მკითხველებს, მაყურებლებს მივაწოდოთ ოპერატიული და ობიექტური ინფორმაცია, მიმდინარე მოვლენების შესახებ. მოკლედ რომ ვთქვათ, ჩვენ ვმუშაობთ თქვენთვის #დარჩითსახლში’’, - ამბობს STV.GE რედაქტორი მალხაზ ბასილაია.


საქართველოში ამ დროისთვის ახალი კორონავირუსის 47 შემთხვევაა დადასტურებული, მათ შორის გამოჯანმრთელდა ერთი მოქალაქე. კარანტინის რეჟიმში 1966 ადამიანი იმყოფება, ხოლო სტაციონარში მეთვალყურეობის ქვეშ 259.

Print Email
FaceBook Twitter
რ ე კ ლ ა მ ა
თუ ბოლო სამი წლის განმავლობაში თქვენს მოგზაურობას ისეთი არასასიამოვნო მოგონებებიც უკავშირდება, როგორიც ფრენის გადადება, გაუქმება ან თუნდაც, ბარგის დაზიანებაა,
გადეცემის თემა -  COVID-19 გავრცელების პრევენცია იძულებით გადაადგილებულ პირთა კოლექტიურ ცენტრებში.
ზუგდიდის მუნიციპალიტეტში მე-3 საჯარო სკოლის სრული რეაბილიტაცია ხორციელდება.
კორონავირუსი
ანაკლია-განმუხურის საკარანტინო სივრცეში ამ დროითვის 55 პირი იმყოფება. რეგიონის მასშტაბით თვითიზოლაციას კი 291 მოქალაქე გადის. ინფორმაციას სამხარეო ადმინისტრაცია ავრცელებს.
რუხის მრავალპროფილურ კლინიკაში ამ დროისთვის 25 პაციენტი განაგრძობს მკურნალობას. აქედან, 11 კოვიდადასტურებული პირია. საავადმყოფოს კლინიკური დირექტორის ნიკოლოზ ქარცივაძის ინფორმაციით, ყველას პაციენტის
„საზოგადოებრივი ჯანდაცვის ცენტრის“ ინფორმაციით, გუშინ ზუგდიდის ინფექციურ საავადმყოფოში ახალ კორონავირუსზე 266 ნიმუში
საზოგადოება
სოციალურმა მედია პლატფორმამ Tik Tok - მა გაასწორა შეცდომა და ახლა აპლიკაციაში აფხაზეთის და ცხინვალის რეგიონები არ არიან მითითებული, როგორც დამოუკიდებელი სახელმწიფოები.
პირველი მეგრულენოვანი სამეცნიერო ხასიათის ჟურნალი „სქანი“ თბილისში უკვე იყიდება.
რუსეთის ქალაქ ყაზანის ,,რუბინის“ 19 წლის ფეხბურთელმა, ხვიჩა კვარაცხელიამ წალენჯიხაში მცხოვრებ შშმ პირებს, სოციალურად დაუცველ, მრავალშვილიან, ხანდაზმულ მარტოხელებს და ვეტერანი ფეხბურთელების ოჯახებს 50 ლარიანი სასაჩუქრე ვაუჩერი გადასცა.
ამავე კატეგორიაში
დღის სიახლეები
29 / მაისი 2020
დევნილთა სამინისტროს აჭარისა და სამეგრელო-ზემო სვანეთის ტერიტორიული ორგანოს ახალი ხელმძღვანელი ჰყავს. მანუჩარ ჩილაჩავა გელა ნაჭყებიამ ჩაანაცვლა.
29 / მაისი 2020
ზუგდიდში მუშაობა განაახლა, როგორც მუნიციპალურმა ავტობუსებმა, ასევე მიკროავტობუსებმა. საზოგადოებრივი ტრანსპორტით მგზავრობისას მოქალაქეებმა პირბადეები უნდა ატარონ.
29 / მაისი 2020
სამოქალაქო მოძრაობა „ხმას“ წევრებმა ფახულანი-საბერიოს ადმინისტრაციულ საზღვარზე რუსული ოკუპაცია გააპროტესტეს. ახალგაზრდებს ხელში საქართველოს, ევროკავშირისა და აშშ -ის დროშები ეჭირათ.
მთავარი საინფორმაციო გამოშვება
არქივი
ამინდი
ზუგდიდი 15 °C
img
სოხუმი 16 °C
img
ფოთი 13 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.