აქტუალური თემები
„ანაკლიიდან დავიწყებთ ნიჰილიზმის დამარცხებას" - „ლელო“ 12 ლიდერს ეძებს (ფოტო, ვიდეო)
„ანაკლიის განვითარების კონსორციუმის“ დამფუძნებელმა, თანამოაზრეებთან ერთად, დღეს ანაკლიაში ახალი საზოგადოებრივი მოძრაობა სახელწოდებით „ლელო“ დააფუძნა. მან შეკრებილებს მოძრაობის კონცეფცია გააცნო. ხაზარაძის თქმით, ის ბადრი ჯაფარიძესთან ერთად, დაყადაღებული ანგარიშებისა და წინააღმდეგობების მიუხედავად, ბრძოლას მოიგებს. მისივე თქმით, მოძრაობა სხვადასხვა სფეროში მოღვაწე 12 ლიდერს ეძებს . რაც შეეხება მოძრაობის დაფუძნების ადგილს, ხაზარაძის განცხადებით, ანაკლია ორი მიზეზის გამო შეირჩა.

„აქედან 4 კილომეტში არიან ჩვენი ძმები და ე.წ. ხელოვნური საზღვრით ვართ გაყოფილები, მეორე მნიშვნელოვანი მიზეზი კი ანაკლიის პორტია. ჩვენ ვაფუძნებთ მოძრაობას, რომელსაც ექნება გუნდურობის, სიყვარულის, ერთობის და საქართველოს გამარჯვებაზე ორიენტირებული მიზანი. მოძრაობას სახელად ერქმევა ლელო, რადგან ეს არის სახელი, რომელიც შედეგზეა ორიენტირებული, რომელშიც ჩანს, რომ ქართველებმა უნდა დავდოთ ჩვენი ლელო. დამთავრდა ქვეყანაში აზროვნება - ერთი კაცის იმედად ქვეყნის გადარჩენის ჩამოკიდება. ჩვენ ვეძებთ ლიდერებს, წარმატებულ ადამიანებს. ეს გაერთიანება უახლოეს ხანში პოლიტიკური პარტია იქნება, ლიდერების პარტია. ეს არ იქნება მამუკა ხაზარაძის პარტია, ეს იქნება ჰორიზონტალური სტრუქტურა და შედეგზე ორიენტირებული. მესმის, რომ პოლიტიკაში კონკრეტული თარიღები და მიზნები არ უნდა დასახო, იმიტომ, რომ ადამიანები ძალაუფლებისთვის მოდიან. ჩვენ პირიქით გავაკეთებთ, ჩვენ დავასახელებთ თარიღებს და კონკრეტულ მიზნებს იმისთვის, რომ ეს ქვეყანა ძალიან სწრაფად ან გამოვა ამ მდგომარეობიდან ან ვიქნებით ამ ჭაობში. მოვძებნით 12 ლიდერს ყველა სფეროში, 12 რეფორმატორს მედიცინაში, განათლებაში, 12 ლიდერს სოფელში, 12 ქალს რაიონში. ეს ქვეყანა მესიის და ვიღაც კაცის გადასარჩენი კი არ არის, ის არის თითოეული ჩვენგანის გადასარჩენი. ილია ჭავჭავაძეც 12 ადამიანს ეძებდა, რომ ქვეყანა გადარჩენილიყო. მინდა, ეს ძებნა ყველამ დავიწყოთ“,- განაცხადა ხაზარაძემ.

მოძრაობაში იქნებიან ყოფილი პრეზიდენტის გიორგი მარგველაშვილის პრეს-სპიკერი და საიას ყოფილი თავმჯდომარე ანა ნაცვლიშვილი, ასევე, საიას ყოფილი თავმჯდომარე და გიორგი მარგველაშვილის მრჩეველი კახა კოჟორიძე, რომელიც ამბობს, რომ რევოლუციური ცვლილებებია საჭირო. მათივე თქმით, მასშტაბურ ცვლილებებს გაერთიანება სჭირდება, რადგან საკუთარ სფეროში წარმატების მიღწევა საკმარისი ქვეყნის განვითარებისთვის არ არის.

„აქ ვართ სხვადასხვა პროფესიისა და გამოცდილების წარმატებული ადამიანები, რომლებმაც გავაცნობიერეთ, რომ ჩვენ-ჩვენს სფეროში წარმატების მიღწევა არაა საკმარისი, საქართველო წინ წავიდეს და გახდეს ქვეყანა, სადაც ადამიანებს ექნებათ სიამაყის გრძნობა. ამიტომაც ვერთიანდებით გამოცდილებით, შემართებით, კეთილსინდისიერებით, პროფესიონალიზმით ამ ქვეყნის ირგვლივ ქვეყნის წარმატების, წინ წაწევის იმედით, ამ იდეის ირგვლივ. გამბედავი და კონპეტენტური ადამიანების ერთობა შექმნის ენერგიას, რომელიც აუცილებელია ცვლილებებისთვის“, - აღნიშნა ნაცვლიშვილმა.

მამუკა ხაზარაძემ ახალი საზოგადოებრივი მოძრაობა „ლელო“, რომელშიც საზოგადოების სხვადასხვა წარმომადგენელი ერთიანდება, ანაკლიაში, შავი ზღვის სანაპიროზე წარადგინა. მან მოძრაობის სახელწოდება დაფაზე დაწერა, რის შემდეგაც მოძრაობის წევრებმა საკუთარი ხელმოწერები დააფიქსირეს. მოძრაობის დამფუძნებლებიუახლოეს მომავალში პარტიის შექმნასაც აანონსებენ.


Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერია, ზაზა გოგოხიას ოთხსულიან ოჯახს საცხოვრებელ სახლს აუშენებს.
დღეს, 4 ივლისს ამერიკელი ხალხი დამოუკიდებლობის დეკლარაციაზე ხელმოწერის 244 წლისთავს აღნიშნავს.
ჩხოროწყუს მუნიციპალიტეტის მერმა დათო გოგუამ და მუნიციპალიტეტში წითელი ჯვრის საზოგადოების ხელმძღვანელმა ხათუნა მიქავამ, მერის მოადგილესთან, სოციალური და ჯანდაცვის სამსახურის უფროსთან ერთად,
კორონავირუსი
ზუგდიდის საზოგადოებრივი ჯანდაცვის ცენტრის ცნობით, გასული 24 საათის განმავლობაში ინფექციური საავადმყოფოს ლაბორატორიაში კორონავირუსზე 178 პირი გამოიკვლიეს.
ზუგდიდის საზოგადოებრივი ჯანდაცვის ცენტრის ცნობით, ინფექციური საავადმყოფოს ლაბორატორიაში კორონავირუსზე 337 პირი გამოიკვლიეს. ყველა ტესტის პასუხი უარყოფითია.
ზუგდიდის საზოგადოებრივი ჯანდაცვის ცენტრის ინფორმაციით, ინფექციურ საავადმყოფოში გამოკვლეული პაციენტებიდან ერთ-ერთს ახალი კორონავირუსი დაუდასტურდა.
საზოგადოება
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
ამავე კატეგორიაში
დღის სიახლეები
11 / ივლისი 2020
ზუგდიდის საზოგადოებრივი ჯანდაცვის ცენტრის ცნობით, გასული 24 საათის განმავლობაში ინფექციური საავადმყოფოს ლაბორატორიაში კორონავირუსზე 178 პირი გამოიკვლიეს.
10 / ივლისი 2020
აფხაზეთის დე ფაქტო რესპუბლიკის უსაფრთხოების სამსახურის ინფორმაციით, 13 – 17 ივლისს, ენგურის ხიდზე ისევ გაიხსნება "ჰუმანიტარული კორიდორი" დანარჩენი საქართველოდან აფხაზეთის რეგიონში
10 / ივლისი 2020
ხობის მუნიციპალიტეტის სოფელ ჭალადიდში, ცენტრალურ საავტომობილო გზაზე, ავტოსაგზაო შემთხვევის შედეგად ორი ადამიანი ადგილზე დაიღუპა.
მთავარი საინფორმაციო გამოშვება
არქივი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 28 °C
img
სოხუმი 28 °C
img
ფოთი 24 °C
img
მესტია 20 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.