ზუგდიდის მერიის ინიციატივით, ქალაქის საჯარო სკოლების მოსწავლეებისთვის ურეკში საზაფხულო ბანაკი მოეწყობა. აღნიშნული პროგრამისთვის ადგილობრივი ბიუჯეტიდან 16 ათასამდე ლარი გამოიყო.

მერიაში აცხადებენ, რომ საზაფხულო ბანაკში დასვენება სასწავლო-აღმზრდელობითი ხასიათის იქნება. მათივე განმარტებით, მოსწავლეები შემდეგი კრიტერიუმებით შეირჩნენ: მერის სტიპენდიანტი, მოსწავლეთა თვითმმართველობის პრეზიდენტი, სოციალურად დაუცველი წარმატებული მოსწავლე, დედ-მამით ობოლი, წარმატებული მოსწავლეები სპორტის სახეობებში.

ურეკში 20 აგვისტოდან 1 სექტემბრის ჩათვლით, სულ 70 ბავშვი დაისვენებს, მათ შორის, 8 პედაგოგი და მერიის ორი წარმომადგენელი.