ზუგდიდის პირველი საჯარო სკოლის მესამე კლასის (ორი პარალელური კლასი) მოსწავლეები და მათი ორი მასწავლებელი თვითიზოლაციაშია. მიზეზი კორონავირუსია, რომელიც მესამე კლასის ერთ-ერთ მოსწავლეს დაუდასტურდა.

სამეგრელო-ზემო სვანეთის მხარის რწმუნებულის მოვალეობის შემსრულებლის მალხაზ თორიას ინფორმაციით, ამ ეტაპზე ორივე კლასში სწავლა დისტანციურ რეჟიმში გაგრძელდება.

სკოლის მოსწავლეს, რომელიც, სკოლის დირექტორის ინფორმაციით, თვითიზოლაციაში უნდა ყოფილიყო, Covid 19 გუშინ დაუდგინდა.