ზუგდიდში, დადიანის ქუჩაზე საცხოვრებელ კორპუსში ხანძრის შედეგად, პირველადი ინფომაციით, ერთი ადამიანი დაიღუპა. შემთხვევა საცხოვრებელ ბინაში რამდენიმე წუთის წინ მოხდა. საგანგებო სიტუაციათა მართვის სააგენტოს ინფორმაციით, მეხანძრე-მაშველები ადგილზე გამოძახებიდან რამდენიმე წუთში მივიდნენ, თუმცა ბინა დამწვარი და 80 წლამდე ქალი გარდაცვლილი დახვდათ.

არსებული ინფორმაციით, ის სახლში მარტო იმყოფებოდა.

შს სამინისტროს ცნობით, მომხდარზე გამოძიება სს კოდექსის 188-ე მუხლით დაიწყო, რაც ნივთის დაზიანებას ან განადგურებას გაუფრთხილებლობით გულისხმობს.

ხანძრის გამომწვევი მიზეზები, ჯერჯერობით, უცნობია.