საია-ს ახალი პროექტის პრეზენტაცია ზუგდიდის მერიაში (ვიდეო)
14:45 / 02.07.2018
ზუგდიდის მუნიციპალიტეტის მერიში საია-ს ახალი პროექტის „ყველაზე
მოწყვლადი პირებისა და თემების სოციალურ-ეკონომიკური უფლებების
დაცვა და ხელშეწყობა საქართველოში“ პრეზენტაცია გაიმართა. შეხვედრას
მუნიციპალიტეტების ადმინისტრაციული ერთეულის, არასამთავრებო
ორგანიზაციებისა და მედიის წარმომადგენლები დაესწრნენ. შეკრებილებს
პროექტი საია-ს ზუგდიდის ოფისის ხელმძღვანელმა ჯემალ ჭკადუამ გააცნო
და მათ კითხვებს უპასუხა.
აღნიშნული პროექტი საქართველოს ხუთ რეგიონში განხორციელდება და მისი
მიზანი სოციალურად დაუცველების, ეკო-ემიგრანტების, საზღვრისპირას
მცხოვრები ადამიანებისა და დევნილების უფლებების დაცვა იქნება.
„სამიზნე ჯგუფების პრობლემების ინდენტიფიცირებისთვის ჩვენ აუცილებლად
გვექნება კომუნიკაცია ადგილობრივ ხელისუფლებასთან და მოსახლეობასთან.
პროექტი ოთხ ეტაპად განხორციელდება და ის 2020 წელს დამთავრდება“, -
აღნიშნა ჯანო ჭკადუამ.
პროექტი გერმანული ფონდის „პური მსოფლიოსთვის-პროტესტანტული
განვითარების სამსახურის“ მხარდაჭერით ხორციელდება.
მასალის გამოყენების პირობები