ფოთში, ვაჩნაძის ქუჩაზე ორი საცხოვრებელი ბინა სრულად, ორი კი ნაწილობრივ დაიწვა. ხანძარი კორპუსში ცოტა ხნის წინ გაჩნდა. ადგოლობრივებმა ბინებიდან ნივთების გამოტანაც ვერ მოახერხეს. განხორციელდა მოსახლეობის ევაკუაცია.

ადგილზე სახანძრო-სამაშველო სამსახურის რამდენიმე ბრიგადა მუშაობდა, ცეცხლი ლოკალიზებულია და სალიკვიდაციო სამუშაოები მიმდინარეობს.

ადგილობრივი ხელისუფლების ინფორმაციით, დაზარალებულებს მერია დაეხმარება.