მარტვილის რაიონის სოფელ ინჩხურის, აბაშის რაიონის სოფლების - ნაისაკოს და სამიქაოს, ჩოხატაურის რაიონის სოფლების: ნაბეღლავის, ბჟოლიეთის, ხევის და ბუქსიეთის ინდივიდუალური გამრიცხველიანების სამუშაოები დასრულდა.
როგორც " კომპანიაში აცხადებენ, "ენერგო-პრო ჯორჯიამ" ევროპული ტიპის ინდივიდუალური მრიცხველები დაუმონტაჟა 1540 აბონენტს. აღნიშნული პროექტის განხორციელების მიზნით სს ,,ენერგო-პრო ჯორჯია"-მ განახორციელა 400 000 ლარამდე ინვესტიცია.
გამრიცხველიანების სამუშაოების პარალელურად, მიმდინარეობდა 0,4 კილოვოლტის ქსელის სარეაბილიტაციო სამუშაოები, რის შედეგადაც შეიცვალა 432 ცალი ამორტიზებული ხის ბოძები ახალი რკინა-ბეტონის ბოძებით, გაიჭიმა 74640 მეტრი სიგრძის კაბელი და აგრეთვე რემონტდება სატრანსფორმატორო პუნქტები.
"ქსელის რეაბილიტაცია საგრძნობლად გამოასწორებს ელექტრომომარაგებას, მაგრამ ის მთლიანად ვერ გამორიცხვას უამინდობის და სხვა მიზეზის გამო გაწვეულ გათიშვებს. აღნიშნული პრობლემის მოსაგვარებლად კომპანია მომავალიშიც განაგრძობს ფიდერებისა და მაღალი ძაბვის ქვესადგურების რეაბილიტაციას",-აცხადებენ ენერგოკომპანიაში.
მასალის გამოყენების პირობები